သျှမ်းပြည်အတွင်း ဖြစ်ပွားနေကြသည့် ၁၀၂၇ စစ်ဆင်ရေး နှင့် ပတ်သက်ပြီး အာဏာသိမ်း စစ်ကောင်စီ တပ်ဖွဲ့ နှင့် မဟာမိတ်ပူးပေါင်း တပ်ဖွဲ့တို့ အကြား တိုက်ပွဲကို ယာယီရပ်ထားကြောင်း ထုတ်ပြန်ပြောဆိုထားသော်လည်း လားရှိုးမြို့နယ်အတွင်းလက်နက်ကြီး ပစ်ခတ်မှု ရှိနေကြောင်း စုံစမ်းသိရသည်။ ယမန်နေ့ ဇန်နဝါရီလ ၁၄ ရက်နေ့ မနက်ပိုင်း ၇ နာရီ ဝန်းကျင်တွင် အာဏာသိမ်း စစ်ကောင်စီ တပ်ဖွဲ့ဘက်သည် လက်နက်ကြီးဖြင့်တစ်ဖက်သတ် ရမ်းသမ်းပစ်ခတ်မှု ပြုလုပ်ခဲ့ကြောင်း လားရှိုးမြို့ခံ အမျိုးသား တစ်ဦးက သျှမ်းသံတော်ဆင့်ကို ပြောသည်။ “ယာယီ အပစ်ရပ်တာလည်း ကြေညာထားတယ်၊ လက်နက်ကြီးကလည်း ပစ်နေသေးတယ်ဆိုတော့ လန့်တာ ပေါ့။ ပစ်တာက သူတို့တပ်ကနေ လက်နက်ကြီးနဲ့ ပစ်တာ၊ နားကွမ်းကျေးရွာဘက်ကို ပစ်တာ။ အကွာအဝေး ဆိုရင် ၁၀ မိုင်ဝန်းကျင်လောက်ပေါ့” ဟုလားရှိုးမြို့ခံ အမျိုးသား တစ်ဦးက သျှမ်းသံတော်ဆင့်ကို ပြောသည်။ စစ်ကောင်စီ တပ်ဖွဲ့မှ လက်နက်ကြီးဖြင့် ပစ်ခတ်လိုက်သည့် နားကွမ်းကျေးရွာ နှင့် အနီးတစ်ဝိုက်၌ တအာင်း (ပလောင်) အမျိုးသားလွတ်မြောက်ရေး တပ်မတော် (TNLA) နှင့် မဟာမိတ် ပူးပေါင်း တပ်ဖွဲ့များ သွားလှုပ်ရှား နေကြောင်းလည်း စုံစမ်း သိရသည်။ ယင်းကဲ့သို့ ယာယီ အပစ်ရပ်ထားကြောင်း ထုတ်ပြန်ကြေညာပြီးသည့်နောက် စစ်ကောင်စီမှ လက်နက်ကြီးဖြင့် တစ်ဖက်သတ်ပစ်ခတ်မှုသည် တိုက်ပွဲထပ်မံဖြစ်ပွားလာမည်ကို စိုးရိမ်ရသည့် အကြောင်း လားရှိုးမြို့ခံ အမျိုးသား က သျှမ်းသံတော်ဆင့်ကို ဆက်ပြောသည်။ “တိုက်ပွဲငြိမ်နေတာက တစ်ပတ်လောက်ရှိပြီ။ အပစ်ရပ်မကြေညာခင် တစ်ရက် နှစ်ရက်က တိုက်ပွဲ ငြိမ်တာ ၊ စစ်ရေး တင်းမာမှုတော့ရှိတာပေါ့။ ဒါကတော့ စစ်ရေးပဲလေ။ အဲ့ဒါကို ဒီစစ်ကောင်စီ တပ်ဖွဲ့က လက်နက်ကြီးနဲ့ ထပ်ပစ်တော့ မဟာမိတ်တပ်ဖွဲ့ က ပြန်ပစ်လိုက်ရန် တိုက်ပွဲ ထပ်ဖြစ်ပြီလေ။ တိုက်ပွဲကို မဖြစ်စေချင်တော့ပါဘူး။ ရှောင်နေရတဲ့သူတွေလည်း ဒုက္ခရောက်။ အိမ်တွေလည်းပျက်စီးကုန်တာ များပြီ” ဟု လားရှိုးမြို့ခံ အမျိုးသားက သျှမ်းသံဝောာ်ဆင့်ကို ပြောသည်။ ညီနောင်မဟာမိတ်နှင့် စစ်ကောင်စီတို့သည် တရုတ်နိုင်ငံ၏ ကြားဝင်စေ့စပ်ပေးမှုဖြင့် ဇန်နဝါရီလ ၁၀/၁၁ ရက်တို့တွင် ကူမင်းမြို့၌တတိယအကြိမ် တွေ့ဆုံဆွေးနွေးခဲ့ပြီး သျှမ်းမြောက်တွင် ယာယီအပစ်အခတ် ရပ်စဲရန် “ဟိုင်ဂင် သဘောတူညီမှု”ကို ရရှိခဲ့သည် သိရသည်။ အဆိုပါ “ဟိုင်ဂင် သဘောတူညီမှု”တွင် ညီနောင်မဟာမိတ် (၃) ဖွဲ့မှ သျှမ်းမြောက်ရှိ စစ်ကောင်စီ၏ စခန်းများ၊ ဗျူဟာကုန်း များအား ထိုးစစ်ဆင်တိုက်ခိုက်မှုများကို စတင်မပြုလုပ်ရန် သဘောတူခဲ့ပြီး စစ်ကောင်စီဘက် မှလည်း သျှမ်းမြောက်ဒေသရှိ ညီနောင်မဟာမိတ် ထိန်းချုပ်၊ သိမ်းပိုက်ထားသော နေရာများအားလုံးသို့ လေကြောင်း၊ လက်နက်ကြီးပစ်ခတ်တိုက်ခိုက်မှု မလုပ်ရန် သဘောတူခဲ့ကြသည်။ နှစ်ဖက် တပ်ဖွဲ့ ယာယီအပစ်ရပ်စဲရေးကာလဖြစ်သည့် ပြီးခဲ့သည့် ဇန်နဝါရီ ၁၃ ရက်နေ့တွင်လည်း ကျောက်မဲမြို့ ငြိမ်းချမ်းရေးကုန်းတွင် စစ်ကောင်စီတပ် ခမရ-၅၀၁/၅၀၂ နှင့် မဟာမိတ်ပူးပေါင်းတပ် အဖွဲ့ဝင် တအာင်း (ပလောင်)တပ်ဖွဲ့ (TNLA) တို့ နှစ်ဘက်ထိတွေ့တိုက်ပွဲ ဖြစ်ပွားခဲ့ကြောင်းလည်း စုံစမ်း သိရသည်။

သျှမ်းမြောက် လားရှိုး-နမ္မတူလမ်းကြားရှိ လားရှိုးမြို့နယ် နားကွမ်းလုံရွာမှ တံတားတစ်စင်း ထပ်မံဖောက်ခွဲခံလိုက်ရသဖြင့် ဒေသခံများ ဖြတ်သန်းသွားလာရန် ခက်ခဲသွားကြောင်း စုံစမ်းသိရသည်။ ယမန်နေ့ (ဇန်နဝါရီလ ၁၁ ရက်) ညပိုင်းတွင် လားရှိုး-နမ္မတူလမ်းကြားရှိ လားရှိုးမြို့နယ် နားကွမ်းလုံရွာမှ တံတားတစ်စင်းကို လက်နက်ကိုင်တစ်စုမှ လာရောက်မိုင်းခွဲ ဖျက်စီးသွားခဲ့ကြောင်း လားရှိုးမြို့လိုင်းကားမောင်းနှင်သူတစ်ဦးက သျှမ်းသံတော်ဆင့်ကို ပြောသည်။ “တံတားကကျိုးသွားတာ...

သျှမ်းပြည် မြောက်ပိုင်း၊ မြို့တော် လားရှိုးနေ ဒေသခံ ပြည်သူ အများအပြား မြို့ကို စွန့်ခွာနေကြောင်း မြို့ခံ တစ်ဦးက ယနေ့ (ဇန်နဝါရီ ၉ ရက်)တွင် ပြောသည်။ ပြီးခဲ့သည့် ဇန်နဝါရီ ၇ ရက်တွင် သိန္နီကို ညီနောင်မဟာမိတ်တပ်များ တိုက်ခိုက် သိမ်းပိုက်ပြီးနောက်...

သျှမ်းပြည် လားရှိုးမြို့နယ်ရှိ မိုင်ယော်တိုက်နယ်တွင် စစ်ကောင်စီတပ်က လေကြောင်းဗုံးကြဲမှုကြောင့် အမျိုးသမီး ၁ ဦး အပါအဝင် ၄ ဦး သေဆုံးပြီး၊ ၁ ဦး ထိခိုက်ဒဏ်ရာရရှိကြောင်း စုံစမ်းသိရသည်။ ယမန်နေ့ (ဇန်နဝါရီလ ၈ ရက်) ည ၇ နာရီကျော်ခန့်က လားရှိုးမြို့နယ် မိုင်းယော်ကျေးရွာတွင်...

သျှမ်းပြည် လားရှိုးမြို့ရှိ စစ်ကောင်စီတပ်ကို ညီနောင်မဟာမိတ်နှင့် PDF ပူးပေါင်းတပ်ဖွဲ့တို့က ဝင်ရောက်တိုက်ခိုက်ခဲ့ကြောင်း စုံစမ်းသိရသည်။ ယနေ့ (ဇန်နဝါရီလ ၅ ရက်) နံနက်ပိုင်းမှစ၍ လားရှိုးမြို့ရှိ စစ်ကောင်စီတပ်စခန်းကို ညီနောင်မဟာမိတ်နှင့် PDF ပူးပေါင်းတပ်ဖွဲ့တို့က ဝင်ရောက်တိုက်ခိုက်ခဲ့ခြင်းကြောင်း စစ်ကောင်စီတပ်ဘက်မှ လက်နက်ကြီးဖြင့် ရမ်းသမ်းပစ်ခတ်နေကြောင်း လားရှိုးဒေသခံများက ပြောသည်။ “နှစ်ဘက်ထိတွေ့မှုဖြစ်တာပေါ့။ ကိုးကန့်တပ်နဲ့...

သျှမ်းပြည် လားရှိုးနှင့် သိန္နီမြို့များမှ စစ်ဘေးရှောင်များသည် လားရှိုး-မိုင်းရယ် ကားလမ်းမှတဆင့် ဘေးလွတ်ကင်းရာသို့ ထပ်မံရွှေ့ပြောင်းနေကြကြောင်း စုံစမ်းသိရသည်။ ပြီးခဲ့သည့် ဒီဇင်ဘာလ ၃၁ ရက်တွင် လားရှိုးမြို့နယ်ရှိ အီနိုင်းတံတား ဗုံးဖောက်ခွဲ ဖျက်ဆီးခံရပြီးနောက် လားရှိုးမြို့ပေါ်ရှိ ဒေသခံများနှင့် စစ်ဘေးရှောင်များသည် လားရှိုး-မိုင်းရယ် ကားလမ်းမှတဆင့် ဘေးလွတ်ကင်းရာသို့ ထပ်မံရွှေ့ပြောင်းနေကြကြောင်း လားရှိုးဒေသခံများက...

သျှမ်းပြည် လားရှိုးမြို့နယ်အတွင်း လားရှိုး-နမ္မတူ ကားလမ်းမပေါ်ရှိ အီနိုင်းတံတားသည် ဗုံးဖောက်ခွဲခံရပြီး ထက်ပိုင်းကျိုးကျသွားကြောင်း စုံစမ်းသိရသည်။ ယမန်နေ့ (ဒီဇင်ဘာလ ၃၁ ရက်) နှစ်သစ်ကူး ညသန်းခေါင်တွင် လားရှိုးမြို့နှင့် ၇ မိုင်ခန့်သာ ကွာဝေးသည့် လားရှိုး-နမ္မတူ ကားလမ်းမကြီးပေါ်ရှိ အီနိုင်းတံတားသည် ဗုံးဖောက်ခွဲဖျက်ဆီးခံရပြီး ထက်ပိုင်းကျိုးကျသွားသဖြင့် သွားလာ၍မရတော့ကြောင်း လားရှိုးဒေသခံများက...

သျှမ်းပြည် လားရှိုးမြို့အတွင်း စစ်ကောင်စီမှ လက်နက်ကြီးဖြင့် ရမ်းသမ်းပစ်ခတ်မှုကြောင့် ဒေသခံများ စိုးရိမ်နေရကြောင်း စုံစမ်းသိရသည်။ ယမန်နေ့ (ဒီဇင်ဘာလ ၂၀ ရက်) ညပိုင်းအချိန်တွင် စစ်ကောင်စီတပ်စခန်းနေပြီး လက်နက်ကြီးဖြင့် ပစ်ခတ်ကာ ထိခိုက်ဒဏ်ရာရသူ မရှိခဲ့သော်လည်း ဒေသခံများအနေဖြင့် မြို့တွင်း တိုက်ပွဲဆက်ဖြစ်လာမည်ကို စိုးရိမ်နေရကြောင်း လားရှိုးမြို့ ဒေသခံအမျိုးသားတစ်ဦးက သျှမ်းသံတော်ဆင့်ကို...

လားရှိုးမြို့နယ်သည် “၁၀၂၇ စစ်ဆင်ရေး” စတင်သည့် အောက်တိုဘာလ ၂၇ ရက်မှ စတင်ပြီး ဒေသခံများ ထောင်နှင့်ချီ၍ ရုတ်တရက် ထွက်ပြေးတိမ်းရှောင်ခဲ့ရသည့် မြို့နယ်တစ်ခုဖြစ်သည်။ စစ်ဆင်ရေးစတင်စဉ်က လားရှိုးမြို့နယ်သည် ချင်းရွှေဟော်နှင့် သိန္နီမြို့ကဲ့သို့ နှစ်ဖက်ထိတွေ့တိုက်ပွဲ ပြင်းထန်ခဲ့ပြီး စစ်ဘေးရှောင် ၈၀၀၀ ကျော်သည် လားရှိုးမြို့တွင်းနှင့် နီးစပ်ရာ...

သျှမ်းပြည် လားရှိုးမြို့သို့ ရောက်ရှိလာသည့် အာဏာသိမ်းစစ်ခေါင်းဆောင် မင်းအောင်လှိုင်က စစ်ဘေးရှောင်များ အမြန်ဆုံးနေရပ်ပြန်နိုင်ရန် ကြိုးပမ်းသွားမည်ဖြစ်ကြောင်း စစ်ကောင်စီလက်အောက်ခံ မြန်မာ့အလင်း သတင်းစာက ယနေ့ (ဒီဇင်ဘာ ၁၁ ရက်) တွင် သတင်းထုတ်ပြန်သည်။ “၁၀၂၇ စစ်ဆင်ရေး” တစ်လကျော်အကြာ ဆင်နွှဲပြီးနောက်ပိုင်း ယမန်နေ့ (ဒီဇင်ဘာလ ၁၀ ရက်)...