သျှမ်း-မြောက်တွင်တိုက်ပွဲများဆက်တိုက်ဖြစ်ပွါး ဒေသခံများစိုးရိမ်

0

သျှမ်းပြည်မြောက်ပိုင်း ကွတ်ခိုင်မြို့နယ်အတွင်း အစိုးရတပ်မတော်နှင့် တအာင်း TNLA တို့ကြား တိုက်ပွဲများဆက်တိုက်ဖြစ်ပွါးလာသည့်အပြင် ၂ ဖက်စစ်အင်အားဖြည့်တင်းနေသဖြင့် တိုက်ပွဲကြီး များဖြစ်ပွါးမည်ကိုဒေသခံများစိုးရိမ်နေကြကြောင်းသိရသည်။


မေလ ၁၅ ရက်နေ့က တအာင်းတပ်ဖွဲ့ TNLA တပ်ရင်း ၂၂၃ နှင့် MNDAA ကိုးကန့်တပ်ဖွဲ့တို့ ပူးပေါင်း တပ်ဖွဲ့သည် အစိုးရတပ်မတော် တပ်မ ၁၁ လက်အောက်ခံတပ်များနှင့် ကွတ်ခိုင်မြို့နယ် မန့်ဝိန်းအနီး တိုက်ပွဲများဖြစ်ပွါးခဲ့သည်။
ထိုတရက်တည်းတွင်ပင် မနက် ၉ နာရီမှ ၉ နာရီခွဲအထိ တကြိမ်၊ မွန်းတည့် ချိန်မှ ၁၂ နာရီ ၃၀ မိနစ်အထိ တကြိမ် တိုက်ပွဲများဖြစ်ပွါးခဲ့သည်။ မြောက်ပိုင်းမဟာမိတ်တပ်မတော်ဘက်မှ အစိုးရတပ်မတော်၏ လက်နက်ကို သိမ်းဆည်းရမိကြောင်း တအာင်းပြန်ကြားရေးဌာနက သတင်းထုတ်ပြန်ပါသည်။

ထိုနေ့ရက် နံနက် ရ နာရီမှ ၁၀ နာရီအထိ ကချင် KIA တပ်မဟာ ၆ နှင့် ကိုးကန့် MNDAA ပူးပေါင်းတပ်ဖွဲ့သည် အစိုးရတပ်မတော် တပ်မ ၁၁ လက်အောက်ခံတပ်ရက်းနှင့် မူစယ်မြို့နယ် မိုင်းကိုးတွင်ထပ်မံပစ်ခတ် မှုဖြစ်ပွါးခဲ့သေးသည်။


မိုင်းကိုးဒေသခံတဦးက – တိုက်ပွဲကမိုင်းကိုးနဲ့ပန်ဆိုင်းကြားမှာ ။ ပန်ဆိုင်းနဲ့ ၆ မိုင်လောက်အကွာ မှာဖြစ်တယ်။ လမ်းမကြီးပေါ်မှာတော့မဟုတ်ဘူး။ ရွာနဲ့မနီးမဝေး။ တောပိုင်းနဲနဲကျတယ်။- ဟု ပြောသည်။

မေလ ၁၄ ရက်နေ့ကမူ တအာင်းနှင့်အစိုးရတပ်မတော်တို့က ၁၀၅ မိုင်နှင့် နမ့်ဖတ်ကာကြား ၀မ့်နမ့်အွန်ရွာတွင် တိုက်ပွဲတကြိမ်ဖြစ်ပွါးခဲ့ပါသေးသည်။

မေလ ၁၂ ရက်နေ့ကမူ တအာင်းနှင့် အစိုးရတပ် ၊ရဲ၊ ပြည်သူ့စစ် ပူးပေါင်းတပ်ဖွဲ့တို့က မူစယ်မြို့နယ် နမ့်ပေါ့တံတားအနီး ၊ နောင်ယန်းကူးတို့ဆိပ်၊ ဇယ်လန့် တို့တွင် ပစ်ခတ်မှုဖြစ်ပွါးခဲ့သည်။ အဆိုပါအခင်းမှ ထိခိုက်ဒဏ်ရာရသူ၊ သေကြေသူ စုစုပေါင်း လူဦးရေ ၅၀ ခန့်ရှိခဲ့ပါသည်။

SHARE

LEAVE A REPLY

Please enter your comment!
Please enter your name here