သျှမ်းပြည် မြောက်ပိုင်း မူဆယ်မြို့အတွင်း စစ်ကောင်စီလက်‌အောက်ခံ ပြည်သူ့စစ်အဖွဲ့ နှစ်ဖွဲ့ အချင်းချင်း ပစ်ခတ်မှုဖြစ်ပွားခဲ့ကြောင်း သတင်းရရှိသည်။ ယနေ့ (စက်တင်ဘာလ ၁၃ ရက်) နေ့လည် ၁၂ နာရီခွဲဝန်းကျင် မူဆယ်မြို့ စွမ်စော်ရပ်ကွက်အတွင်းတွင် မြို့မပြည်သူ့စစ် အဖွဲ့ နှင့် နမ့်ဖတ်ကာပြည်သူ့ စစ်တို့ အချင်းချင်း ပစ်ခတ်မှုဖြစ်ပွဲခဲ့ကြောင်း...

သျှမ်းမြောက်၊ တရုတ်-မြန်မာ နယ်စပ်၊ မူဆယ်မြို့၊ ဟိုမွန်ရပ်ကွက် ၄၅ကုန်းအနီး ယနေ့ (ဩဂုတ်လ ၁၂ ရက်) ည ၁၀ နာရီကျော်တွင် ကျယ်လောင်သည့် ပေါက်ကွဲသံ ထွက်ပေါ်လာသဖြင့် ထိတ်လန့်နေရကြောင်း မြို့ခံများက ပြောသည်။ စစ်ကောင်စီ ထိန်းချုပ်ထားသည့် မူဆယ်မြို့ကို ညီနောင်မဟာမိတ်တပ်များ တိုက်ခိုက်မည်ဆိုသည့် သတင်းများ...

သျှမ်းပြည် မူဆယ်မြို့မှ လားရှိုးမြို့သို့ ထွက်လာသော ကားများသည် တိုက်ပွဲများကြောင့် လမ်းပိုင်းတွင် ပိတ်မိနေကြောင်း သတင်းရရှိသည်။ မူဆယ်မြို့မှ လားရှိုးမြို့သို့ ထွက်ခွာလာသော ခရီးသည်တင်ကားနှင့် ကုန်တင်ကားများသည် ယမန်နေ့ (ဇူလိုင် ၃ ရက်)မှစတင်၍ တိုက်ပွဲများ ပြန်လည်ဖြစ်ပွားလာခြင်းကြောင့် လားရှိုးမြို့ အဝင်အထွက် ပိတ်ထားသဖြင့် မိုင်းတင်ကျေးရွာ အနီးတွင်...

သျှမ်းပြည် မူဆယ်မြို့နယ် မိုင်းယု (၁၀၅) မိုင်တွင် ကျွဲတစ်ကောင် ရွာအတွင်းလိုက်လံ ရမ်းခတ်မှုကြောင့် အမျိုးသမီး ၁ ဦးသေဆုံးပြီး ၁၉ ဦးဒဏ်ရာရရှိခဲ့ကြောင်း သိရသည်။ အဆိုပါ ကျွဲတစ်ကောင်သည် ဇွန်လ ၂၂ ရက်နေ့ ညပိုင်းအချိန်တွင် ကားပေါ်တင်ဆောင်လာနေစဉ် ထွက်ပြေးလွှတ်မြောက်သွားပြီး ရွာအတွင်း ရမ်းခတ်ခဲ့ခြင်းဖြစ်သည်။ ကျွဲခတ်ခံရမှုကြောင့် နံရိုးနှင့်...

သျှမ်းပြည် မူဆယ်မြို့တွင် စည်ပင်သာယာကား မတော်တဆ တိမ်းမှောက်မှုကြောင့် အလုပ်သမား ၁၀ ဦး ထိခိုက်ဒဏ်ရာရရှိခဲ့ကြောင်း စုံစမ်းသိရသည်။ ယမန်နေ့ (ဇွန်လ ၂၀ ရက်) ညနေ ၄ နာရီခွဲခန့်တွင် မူဆယ်မြို့ ဟိုမွန်ရပ်ကွက်၌ စည်ပင်သာယာကား မတော်တဆ တိမ်းမှောက်မှုကြောင့် ကားပေါ်ပါလာသည့် အလုပ်သမား ၁၀...

သျှမ်းပြည် မူဆယ်မြို့နယ်တွင် စစ်ကောင်စီမှ မူးယစ်ဆေးသုံးစွဲသူများကို ဖမ်းဆီးပြီး ပြန်လွှတ်ပေးနေသဖြင့် ဒေသခံများ စိုးရိမ်ထိတ်လန့်မှုဖြစ်နေကြောင်း သတင်းရရှိသည်။ ယမန်နေ့ (ဇွန်လ ၁၇ ရက်)တွင် မူဆယ်မြို့နယ် စစ်ကောင်စီတပ်နှင့် လက်အောက်ခံ ပြည်သူ့စစ်တပ်သားများသည် မူဆယ်မြို့ရှိ သင်္ချိုင်း၊ မန်းဝိန်း၊ ဝိန်းနန်း၊ စွမ်စော် စသည့် နေရာများတွင် မူးယစ်ဆေးသုံးစွဲသူများကို...

သျှမ်းပြည် မူဆယ်မြို့နယ်တွင် နေထိုင်သည့် ကလေးငယ်တစ်ဦးအပေါ် ၁ နှစ်ကျော်ကြာ မုဒိမ်းကျင့်ခဲ့သည့် အမျိုးသားကို ရဲများက ဝင်ရောက်ဖမ်းဆီးခဲ့ကြောင်း စုံစမ်းသိရသည်။ ယနေ့ (ဇွန်လ ၁၃ ရက်) နေ့လည် ၁၁ နာရီခွဲခန့်တွင် မူဆယ်မြို့နယ်ရှိ အသက် ၃ နှစ်အရွယ် ကလေးငယ်တစ်ဦးကို ၁ နှစ်ကျော်ကာလအတွင်း...

သျှမ်းပြည် မြောက်ပိုင်း - တရုတ်နယ်စပ် ဒေသတွင် VPN app အသုံးပြုခြင်းကို တင်းကြပ်စွာတားမြစ်ထားပြီး သုံးစွဲပါကပြင်းထန်စွာ အရေးယူ ဆောင်ရွက်သွားမည်ဖြစ်ကြောင်း တရုတ်သက်ဆိုင်ရာအဖွဲ့အစည်းများမှ ထုတ်ပြန်ခဲ့သည်။ သျှမ်းပြည် မြောက်ပိုင်း - တရုတ်နယ်စပ် ဒေသတို့တွင် VPN app အသုံးပြုခြင်းကို တင်းကြပ်စွာတားမြစ်သွားမည် ဖြစ်ကြောင်း တရုတ်ပြည်သူ့သမ္မတနိုင်ငံ...

သျှမ်းပြည် မူဆယ်မြို့တွင် ယနေ့ (ဧပြီ ၂၃)ရက် နေ့လယ်ပိုင်း၌ အမည်မသိလက်နက်ကိုင် အဖွဲ့ ပစ်ခတ်မှုကြောင့် အမျိုးသားတစ်ဦး ကျည်ထိမှန်ကာ သေဆုံးကြောင်း စုံစမ်းသိရသည်။ သျှမ်းပြည် မူဆယ်မြို့ တောင်ရပ်ကွက် ယနေ့ (ဧပြီလ ၂၃ ရက်နေ့) နေ့လည် တွင် အမည်မသိလက်နက်ကိုင် အဖွဲ့မှ ပစ်ခတ်လိုက်သည့်...

သျှမ်းပြည်  မူဆယ်မြို့နယ်အတွင်း၌ တစ်ရက်တည်းအတွင်း ကလေးငယ် နှစ်ဦး ပြန်ပေးဆွဲ ခံရပြီး ရွေးရန် ပိုက်ဆံ မလုံလောက်သဖြင့် မိဘများက စိုးရိမ်နေကြရကြောင်း သိရသည်။ ပြီးခဲ့သည့် မတ်လ ၁၉ ရက်နေ့ မွန်းလွဲပိုင်း ၂ နာရီဝန်းကျင်အချိန်၌ မူဆယ်မြို့၊ ဟိုမွန်ရပ်ကွက်၊ ၄၅ ကုန်းရပ်၌ နေထိုင်သည့်အသက် (၁၀) ကျော်နှင့် (၁၃) နှစ်ဝန်းကျင် ကလေးငယ် နှစ်ဦး ပြန်ပေးဆွဲခံရခြင်း ဖြစ်ကြောင်း နီးစပ်သည့် အမျိုးသား တစ်ဦးကသျှမ်းသံတော်ဆင့်ကို ပြောသည်။ “အိမ်မှာကို လာဖမ်းသွားတာ၊ ကလေးငယ် နှစ်ယောက်က အိမ်ရှေ့မှာ ဆော့နေကြတဲ့ အချိန် မိဘတွေက နောက်ဖေးဘက်မှာ လုပ်စရာရှိတာ လုပ်နေတဲ့ အချိန် လာဖမ်းသွားတာ၊ ကလေးတွေ အော်သံကြားလို့ မိဘတွေ ပြေးထွက်လာပေမဲ့ မမှီတော့ဘူးလေ၊ ပြန်ပေးဆွဲအဖွဲ့က ကားနဲ့ လာသွားကြတာ” ဟု ဖြစ်စဥ်ကို သိရှိသည့် နီးစပ်သူ တစ်ဦးက သျှမ်းသံတော်ဆင့်ကို ပြောသည်။ အဆိုပါ ကလေးပြန်ပေးဆွဲ ဖမ်းခေါ်သွားသည့် အဖွဲ့သည် အဖြူရောင် ကားအမျိုးအစား နှင့် အမျိုးသား (၅) ဦး ဖြစ်ကြောင်းလည်းမြင်တွေ့ရသူများ၏ ပြန်ပြောပြချက် အရ သိရသည်။ ကလေးငယ်များ ဖမ်းဆီးခံရပြီးနောက် ညနေ (၆) နာရီဝန်းကျင် အချိန်တွင် ပြန်ပေးဆွဲသူအဖွဲ့မှ မိဘဖြစ်သူထံ  ပိုက်ဆံ မြန်မာငွေကျပ် သိန်း (၂၀၀) သို့မဟုတ် တရုတ်ငွေ ၁ သိန်းဖြင့် လာရောက်ရွေးယူရန် ဖုန်းဆက် အကြောင်းကြားလာကြောင်းလည်း အထက်ပါပုဂ္ဂိုလ်က သျှမ်းသံတော်ဆင့်ကို ပြောသည်။ “သူ့မိဘတွေကလည်း ကြက်ရောင်းနေကြတဲ့သူတွေပါ။ အဲ့လောက် ပိုက်ဆံ အများကြီး ဘယ်လို ရှာနိုင်မ တုန်း၊ အဲ့ကြောင့် ပိုက်ဆံလည်း မပေးရသေးဘူး၊ ကလေးတွေနဲ့လည်း အဆက်အသွယ်မရသေးလို့ မိဘဖြစ်သူတွေကတော့ ကလေးတွေအဖို့ စိတ်ပူတယ်၊စိုးရိမ်နေကြရတယ်” ဟု အထက်ပါ ပုဂ္ဂိုလ်က သျှမ်းသံတော်ဆင့်ကို ဆက်ပြောသည်.  လက်ရှိအချိန်တွင် ကလေးများကို ပြန်ပေးဆွဲခေါ်သွားသည့် အဖွဲ့သည် မည်သူ မည်ဝါမှန်း မသိရကြောင်း ၊ ကလေးငယ်များကို မည်သည့်နေရာသို့ ပြန်ပေးဆွဲခေါ်ဆောင်သွားသည်ကိုလည်း မသိရသေးသည့်အတွက် မိဘ နှင့် ဆွေမျိုးများက စိုးရိမ် နေကြကြောင်းသိရသည်။ ထို့အပြင် ပြီးခဲ့သည့်  ရက်ပိုင်းအတွင်းမှာလည်း မူဆယ်မြို့နယ်၊ ဟိုမွန်ရပ်ကွက်အတွင်း နေထိုင်သည့် သံတိုသံစ များ လိုက်လံကောက်ယူ ရောင်းဝယ်နေသည့် အသက် (၄၀) ဝန်းကျင် အမျိုးသား တစ်ဦးလည်း ပြန်ပေးဆွဲခံရပြီး ယနေ့ အချိန်အထိ ပြန်လည်လွတ်မြောက်လာခြင်း မရှိသေးကြောင်းလည်း သိရသည်။ မူဆယ်မြို့အတွင်း စစ်ကောင်စီ တပ်မှ လုံခြုံရေး ကင်းလှည့်ခြင်း၊ မာရှယ်လော ထုတ်ထားခြင်း နှင့် စစ်ဆေးမှုများ တင်းကြပ်စွာပြုလုပ်နေကြသော်လည်း ခိုးဆိုးလုယက်မှုများ၊ ပြန်ပေးဆွဲမှုများသည် နေ့စဥ် နီးပါး ဖြစ်ပွားနေ လျက်ရှိကြောင်းလည်း မူဆယ်မြို့ဒေသခံများထံမှ သိရသည်။