တောင်ကြီးမြို့တွင် သျှမ်းဒေသခံများ နစ်နာမှုအကြောင်းဆွေးနွေး

0

နိုင်ငံတော် ဖွံံ့ဖြိုးရေးစီမံကိန်း နောက်ကွယ်မှ အမေ့လျော့့ခံ ဘဝများခေါင်းစဉ်ဖြင့် ဒေသခံတောင်သူများ ၊ သျှမ်းပြည်နယ် လွှတ်တော်ရေးရာ ကော်မတီ များအား မြန်မာလူထုမဟာမိတ်အဖွဲ့ က တွေ့ဆုံဆွေးနွေးခဲ့ကြ သည်။

သျှမ်းပြည်တောင်ပိုင်း တောင်ကြီးမြို့ Taunggyi City Hotel ၌ နိုင်ငံတော်ဖွံ့ဖြိုးရေးစီမံကိန်း နောက်ကွယ်မှ အမေ့လျော့ခံ ဘဝများ တွေ့ဆုံဆွေးနွေးရာတွင် သျှမ်းပြည်မြောက်ပိုင်း နောင်ချိုမြို့နယ်တွင်းရှိ အထက်ရဲရွာ ရေအားလျှပ်စစ်တာဝါတိုင် စီမံကိန်း နှင့် မန္တလေး-မူဆယ် အာဆီယံ ကားလမ်းမကြီး မှ ဂုတ်တွင်းတံတားချဉ်းကပ်လမ်းများ စီမံကိန်းကြောင့် ဒေသခံတောင်သူများ နစ်နာဆုံးရှုံးမှုများ ကို ဆွေးနွေးခဲ့သည်။

“အဓိက ဆုံးရှုံး နစ်နာတဲ့ပိုင်းက ၂ ပိုင်းရှိပါတယ်။ ပထမအပိုင်းကတော့ အထက်ရဲရွာ ရေအားလျှပ်စစ် တာဝါတိုင် နဲ့ ပတ်သက်လို့ အထက်ရဲရွာ ရေအားလျှပ်စစ် စက်ရုံပြီးတော့မှ ရွှေစာရံ ဓာတ်အားခွဲရုံထိကို တာဝါတိုင်ပေါင်း ၂၇၀ ရှိတယ်လို့ သိရပါတယ်။ အဲ့ထဲမှာ နောင်ချိုမြို့နယ်အပိုင်းမှာ ကျေးရွာ ၁၄ ရွာကို လေ့လာပိုင်းဖြတ်တဲ့ချိန် တာဝါတိုင် ပေါင်း ၃၈ တိုင် ရှိတာကို ကျနော်တို့ တွေ့ရပါတယ်။ တာဝါတိုင် တစ်တိုင်စိုက်ထူမယ်ဆိုလို့ရှိရင် ၀.၃၃ ဧက ဆုံးရှုံးပါတယ်။ ဒုတိယပိုင်းက မန္တလေး – မူဆယ် အာဆီယံ အဆင့်မှီ လမ်းက ၄၅၃ ကီလိုမီတာရှိတယ်၊ အဲ့ဒီလမ်းပိုင်းပေါ်မှာ ဂုတ်တွင်းတံတားချဉ်းကပ်လမ်း စီမံကိန်း ပထမဆုံး တည်ဆောက်ဖို့တွက် ပါဝင်ပါတယ်။ အဲ့ဒီမှာ ဆုံးရှုံးသွားတဲ့တောင်သူက ၂၂၄ ယောက်ရှိတယ်၊ မြေဧက ၄၃၄ ဆုံးရှုံးတယ်၊ လျော်ကြေး နစ်နာကြေးတွေ ဒီနေ့ ဒီချိန်ထိ မရှိဘူး” ဟု မြန်မာလူထုမဟာမိတ်အဖွဲ့ (သျှမ်းပြည် ) ကိုမိုး ကပြောသည်။

ဖေဖော်ဝါရီ ၆ ရက်က သျှမ်းပြည်နယ် လွှတ်တော်ရေးရာ ကော်မတီ ဥက္ကဌများ ၊ အတွင်းရေးမှူးများ နှင့် နောင်ချိုဒေသခံ တောင်သူလယ်သမားများ တက်ရောက်ဆွေးနွေးခဲ့သည်။

“ဒါဟာ နိုင်ငံတော်အဆင့် စီမံကိန်းဖြစ်တယ်၊ ဒါမယ့် နို်င်ငံတော်အဆင့် စီမံကိန်းလို့ ပြောပေမယ့် ဒီစီမံကိန်းကို ပြည်ထောင်စု အစိုးရကပဲ စီမံခန့်ခွဲနေသလား ၊ ဘယ်ဝန်ကြီးဌာနက စီမံခန့်ခွဲနေတာလဲ ကုမ္ပဏီကပဲ စီမံခန့်ခွဲနေတာလား ဆိုတာ ရှင်းရှင်းလင်းလင်း မသိရဘူး၊ ဒီစီမံကိန်းဟာ နိုင်ငံတော်အစိုးရမှ ပွင့်ပွင့်လင်းလင်းမြင်သာစွာမချပြနိုင်တဲ့ ကိစ္စပါပဲ” ဟု ကိုမိုးကပြောသည်။

၂၀၁၅ ခုနှစ် ဦးသိန်းစိန် အစိုးရလက်ထပ်ကနေ ၄င်း စီမံကိန်း စတင်လုပ်ဆောင်ခဲ့ပြီး တောင်သူတွေရဲ့ ခွင့်ပြုချက် သဘောတူညီမှုများ ညှိနှိုင်းတိုင်ပင်မှုများ မရှိပဲ တာဝါတိုင်စိုက်ထူသည့် ကုမ္ပဏီမှ စက်ယန္တရားများနှင့် တူးဖော်ခဲ့ပြီး ၂၀၁၆ ခုနှစ် အရပ်သားအစိုးရ တက်လာသည့်ချိန်တွင် ၄င်းဖြစ်စဉ်အားလုံး ပွင့်လင်းမြင်သာမှုရှိပြီး သျှမ်းပြည်နယ်အစိုးရကို တင်ပြခဲ့သည်။ သို့ပေမယ့် ယနေ့ထိ တာဝါတိုင်နှင့် ပတ်သက်ပြီး ဆုံးရှုံး နစ်နာမှုများ လျော်ကြေးများ မရသည့်အပြင် လာရောက်ဖြေရှင်းပေးခြင်းမရှိကြောင်း သိရသည်။

SHARE

LEAVE A REPLY

Please enter your comment!
Please enter your name here