မူစယ် ၁၀၅ မိုင်အနီး မူးယစ်ဆေးသုံးသူများအား ဒေသတွင်းလူထုနှင့်အာဏာပိုင်များရှင်းလင်းဖမ်းဆီး

0

သျှမ်းပြည်မြောက်ပိုင်း မူစယ်မြို့နယ် ၁၀၅ မိုင်ရှိမိုင်းယုရွာဘက်တွင် မူးယစ်ဆေးဝါးသုံးစွဲသူလူငယ်များအား ဒေသတွင်းအာဏာပိုင်များရှင်းလင်းမှုပြုလုပ်ခဲ့ကြောင်း သိရသည်။

ဂျန္နဝါရီလ ၂၆ ရက်နေ့ညနေပိုင်းက ဒေသခံလူထုတောင်းဆိုမှုကြောင့် ဒေသတွင်းအာဏာပိုင်များ ရဲများ ပူးပေါင်းကာ မူးယစ်ဆေးဝါးသုံးစွဲသူလူငယ်များအား ရှာဖွေဖမ်းဆီးရာ ၂၇ ဦးဖမ်းဆီးရမိကြောင်း လားရှိုးရောက်မူစယ်ဒေသခံကပြောသည်။

ကျား ၂၅ ယောက်နဲ့ မ ၂ ယောက်ဖမ်းမိတယ်။ မိုင်းယုအနောက်ဘက်က တာဝါတိုင်နားမှာနေတဲ့သူတွေပေါ့။ အဲ့မှာကားသမားတွေလည်းလာနားလေ့ရှိတယ်။ အောက်ပြည်အောက်ရွာကနေလာပြီးတော့ အလုပ်လာလုပ်တဲ့သူတွေများတယ်။ လောင်းကစားဝိုင်းလား မူးယစ်ဆေးလား ပေါမှပေါဘဲ – ဟု အသက် ၄၀ ပတ်ဝန်းကျင်အရွယ် စိုင်းအိုက်နုကပြောသည်။

အဆိုပါဖမ်းဆီးမှုတွင် မူးယစ်ဆေးဝါးသုံးစွဲရောင်းဝယ်မှုနှင့်ပတ်သက်နေသူများအပြင် ဘိန်းဖြူ ယာဘနှင့် ဆေးထိုးအပ်များလည်း သိမ်းဆည်းရမိခဲ့ကြောင်းသိရသည်။

ဒီဘက်မှတော့ ယာဘကတော့ မှိုလိုပေါတယ်။ ရောင်းဝယ်မှုလည်းပေါ်တင်ပါဘဲ ။ကြောက်စရာတောင်ကောင်းတယ်- ဟု မူစယ်မြို့ခံ နန်းအေခမ်း ကပြောသည်။

အဆိုပါ အဖမ်းခံရသူများအား မူစယ်မြို့ရဲစခန်းသို့ ပို့ဆောင်လိုက်ပြီဖြစ်ကြောင်း သိရပါသည်။

SHARE

LEAVE A REPLY

Please enter your comment!
Please enter your name here