လယ်ယာမြေလုပ်ပိုင်ခွင့်လုံခြုံမှုအတွက် တောင်သူလယ် သမားများဆွေးနွေးပွဲ ကိုတောင်ကြီးမြို့ ၊ စိန့်ဂျိုးဇက်အောက်မေ့ဘွယ်ဓမ္မရုံ တွင် ကျင်းပခဲ့သည် ။

ဂျန္နဝါရီလ ၃၁ ရက်နေ့က ကျင်းပခဲ့ခြင်းဖြစ်ပြီး သျှမ်းပြည်နယ်ရှိလယ်သမားများ၏ မြေလုပ်ပိုင်ခွင့်လုံခြုံမှု အားနည်းနေ ခြင်းကြောင့် လယ်ယာမြေလုပ်ပိုင်ခွင့် လုံခြုံမှုအတွက် တောင်သူလယ် သမားများဆွေးနွေး ပွဲကျင်းပ ရခြင်းဖြစ်သည်ဟု အဆိုပါပွဲအား စီစဉ်ကျင်း ပသူ လောကအလင်းအဖွဲ့၏ စီမံကိန်းမန်နေဂျာ ထွန်းမျိုးမောင် ကပြောသည် ။

” ၂၀၁၇ မြေသိမ်းဥပဒေမူကြမ်း ကမြေလုပ်ပိုင်ခွင့်လုံခြုံမှုကိုခြိမ်းခြောက်မှု တစ်ခု ဖြစ်နေသလား ၊ လယ်သမားတွေရဲ့ မြေလုပ်ပိုင်ခွင့်လုံခြုံမှုကိုဘယ် လောက်အထိ အကာအကွယ်ပေးထားလဲ ၊ ဘယ်လိုမျိုးခြိမ်းခြောက်မှု မျိုး ရှိနေသလဲဆိုတာကို သျှမ်းပြည်နယ်တောင်ပိုင်းမှာရှိတဲ့ လယ်သမားတွေရဲ့ ကိုယ်စားလှယ်တွေနဲ့ ဆွေးနွေးနိုင်ဖို့အတွက် ရည်ရွယ်ပါတယ် ” ဟု၄င်းကပြောသည် ။

ဆွေးနွေးပွဲသို့တက်ရောက်လာသူ လင်းခေးမြို့နယ် ၊ ၀မ်လုံ ရပ်ကွက်သား စိုင်းနေ ဆိုသူက ” ဒီမှာ ရှိတဲ့ စစ်တပ်တွေတိုင်းက မြေတွေသိမ်း ထားတာ တောင်ခြေအထိရှိပြီ ၊ ပြည်သူတွေ အတွက်ကတော့ ဒီမှာလုပ်ကိုင် စားသောက်လို့မရတော့ရင် ထိုင်းနိုင်ငံ ဘက်ပဲအလုပ်သွားလုပ် ရတာပေါ့ လင်းခေးက ၊ ခရိုင်အဆင့်ရှိတယ် ဆိုပေမဲ့ တောခရိုင် ပေါ့ ဥပဒေနဲ့အလှမ်း ဝေးတယ် ” ဟုပြောသည် ။

အဆိုပါဆွေးနွေးပွဲသို့ တောင်ကြီးခရိုင် ၊ လွယ်လင်ခရိုင် ၊လင်းခေးခရိုင် မှတောင်သူလယ်သမားပေါင်း ကိုးဆယ်ကျော်တက်ရောက်ခဲ့ပြီး လယ်ယာ မြေလုပ်ပိုင်ခွင့်လုံခြုံမှုအကြောင်းများဆွေးနွေးခဲ့ကြသည်ဟု သိရသည် ။