ပြီးခဲ့တဲ့အပတ်က ပြည်နယ်ရွေးကောက်ပွဲကော်မရှင် ဥက္ကဌကိုယ်တိုင် လာရောက်ပြီးတော့မှ နိုင်ငံရေးပါတီအကုန်လုံးနဲ့စုဆုံပြီး ဆုံးဖြတ်ချက် တခုချခဲ့ပါတယ်။ လက်နက်ကိုင်အဖွဲ့အစည်းတွေနဲ့နီး တဲ့နေရာတွေမှာ ရှိတဲ့ကျေးရွာတွေကို တပ်နဲ့ရဲမပါဘဲနဲ့ရွေးကောက်ပွဲဝန်ထမ်းတွေနဲ့ သက်ဆိုင် ရာနိုင်ငံရေး ပါတီ ကိုယ်စားလှယ်တွေနဲ့ဘဲ မဲလက်မှတ်ကို သယ်ဆောင် သွားဖို့ အဲလိုဆုံးဖြတ်ချက်ရှိပါတယ်။ အားလုံးရဲ့ သဘောတူညီချက်နဲ့ပါ။ အခုရက်ပိုင်း မှာမှ NLD လွှတ်တော်ကိုယ်စားလှယ်နဲ့ မြို့နယ်တာဝန်ရှိသူ ၂ ယောက် လက်မှတ်ထိုးပြီးတော့ ကန့်ကွက်ထားပါတယ်။ ရွေးကောက်ပွဲ မကျင်းပဖို့ တရားမျှတတဲ့ ရွေးကောက် ပွဲဖြစ်နိုင်ချေမရှိလို့ လို့အကြောင်းပြပါတယ်။ ဒါပေမယ့် အဲဒီဟာပါတီအားလုံးသဘောတူညီပြီး သား ကိစ္စကို ပြန်လည်ပြီးတော့မှ ကန့်ကွက်တယ်ဆိုတာ ကျနော်တို့အနေနဲ့ကတော့ အကျုံးမဝင်ဘူးလို့မြင်ပါတယ်။
သူတို့က မဲလက်မှတ်သွားပို့ဖို့ကိစ္စကို ခဏဆိုင်းထားတယ်ပေါ့နော် ။ အဲကြောင့်ကော်မရှင်ကလည်း သူတို့ရပ်ထားပါတယ်ဆိုတဲ့အကြောင်းကို ကျနော်တို့ရဲ့စေ့စပ်ညှိနှိုင်းရေးကော်မတီ အဖွဲ့ဝင်တဦးဖြစ်တဲ့ ခရိုင်အဆင့်ဖြစ် တဲ့စိုင်းထွန်းအောင်ကို လှမ်းပြီးတော့အကြောင်းကြားတယ်။ ပြည်နယ်ရွေး ကောက်ပွဲ ကော်မရှင်ကိုယ်တိုင်လာပြီးတော့ ထပ်မံပြီးတွေ့ဆုံတယ်။ နိုင်ငံရေးပါတီတွေနဲ့အတူ ပြန်လည်ဆွေးနွေး ပါတယ်။
အဲဒီအုပ်စု ၃ ခုမှာ မဲဆန္ဒရှင် စုစုပေါင်း ၄၀၀၀ ကျော်တယ်။ လူ ၄၀၀၀ ကျော်မဲမပေးလိုက်ရတဲ့ ရွေးကောက်ပွဲကို လွတ်လပ်ပြီးတရားမျှတ တဲ့ရွေးေ ကာက်ပွဲလို့ကျနော်တို့ပြောလို့ရပါ့မလား ဒါကို ထည့်စဉ်းစား ရမှာဖြစ်ပါတယ်။ အဲတော့ အဲဒီအုပ်စု ကမဲဆန္ဒရှင်ပြည်သူတွေရဲ့ မဲပေးခွင့် အခွင့်အရေးကို ကျနော်တို့က တနည်းတလမ်းက ပိတ်ပင်လိုက်တာ လို့ဘဲမြင်ပါတယ်။ ဒါမဖြစ်သင့်တဲ့ကိစ္စပါ။
ဒါကြောင့်လူထုအနေနဲ့လည်း ကိုယ့်ရဲ့ရတောင့်ရခဲတဲ့ဒီအခွင့်အရေး ကိုလက် လွတ်မခံဘဲ မိမိကြိုက်တဲ့ပါတီ မိမိကြိုက်တဲ့ ကိုယ်စားလှယ်ကိုမဲပေးခွင့်ရအောင် အစိုးရကော် သက်ဆိုင်ရာရွေးကောက်ပါ နိုင်ငံရေးပါတီ တွေနဲ့ ပူးပေါင်းပြီးမဲပေး ခွင့်ရအောင် နည်းလမ်းရှာပေးသင့်တယ်။ မဲဆန္ဒရှင်ကိုယ်တိုင်လည်း မဲပေးပိုင်ခွင့်လက်လွတ်ဆုံးရှုံးမခံနိုင်ဘူးဆိုတဲ့အကြောင်းကို သက်ဆိုင်ရာကို အကြောင်းကြားတင်ပြဖို့ လိုအပ်ပါတယ် ။
