သျှမ်းပြည်တောင်ပိုင်း ပင်လောင်းမြို့နယ်ရှိ စစ်ရှောင်များသည် လက်ရှိမှာ အလှူရှင်မရှိသကဲ့သို့ နေ့စားအလုပ်လည်း ရှားပါးလာသည့်အတွဥ် ရိက္ခာပြတ်လပ်မှု ကြုံတွေ့လာနိုင်ကြောင်း စစ်ဘေးရှောင်များထံ စုံစမ်းသိရသည်။  သျှမ်းပြည် တောင်ပိုင်း ပင်လောင်းသို့ ရောက်လာသည့်  ကရင်နီပြည်မှ စစ်ရှောင်များသည် အလှူရှင်များမရှိသည့်အတွက် ဝမ်းရေးကို နေ့စားဖြစ်သော ပြောင်းချိုး ၊ပန်းရံအလုပ်ဖြင့် ရုန်းကန်နေရပြီး၊ လက်ရှိမှာ အလုပ်အကိုင်ရှားပါးလာမှုကြောင့် မကြာခင် ရိက္ခာပြတ်လပ်မှုဖြစ်လာနိုင်ကြောင်း ပင်လောင်း စစ်ရှောင်များထံမှသိရသည်။  “လာတုန်းကတော့ ဆန်တွေယူလာတယ် ၊ရောက်လာတာ၃လရှိပြီ အလုပ်ကပုံမှန်မရှိတော့ အဆင်မပြေဘူး။ တစ်ခါတစ်လေ ဘုန်းကြီးကျောင်းကပိုလျှံတာတွေ ဘုန်းကြီးက စွန့်ပေးတယ်”ဟု စစ်ရှောင်အမျိုးသားတစ်ဦး က ဆိုသည်။ စစ်ရှောင်အများအပြားသည် ဘုန်းကြီးကျောင်းတွင် နေထိုင်ကြပြီး တစ်ချို့သော ငွေကြေးတတ်နိုင်သူများသည်ရွာထဲမှ မြေကွက်ဝယ်ယူခြင်း၊ ငှားရမ်းခြင်းဖြင့် နေထိုင်နေကြောင်း သိရသည်။  ပင်လောင်းဒေသခံအမျိုးသားတစ်ဦးကလည်း “ လက်နက်ကြီးတွေနဲ့ ရွာထဲကိုပစ်လို့ ထွက်ပြေးရတယ် ညညဆို ဂျက်ဖိုက်တာတွေ ဘာတွေနဲ့ ပစ်လို့ ရွာမှာမနေရဲကြလို့ ထွက်ပြေးလာတာ ဒီမှာလည်း စိုက်ပျိုးစားသောက်လို့လည်း မရတော့ နောက်ဆို အငတ်ပြဿနာတွေနဲ့ ကြုံတွေ့နိုင်တယ်”ဟုဆိုသည်။ စစ်ပြေးရှောင်စခန်းများတွင် လက်ရှိစစ်ရှောင်ဦးရေ ခုနစ်ထောင်ကျော် (၇၀၀၀ကျော်) ရှိပြီး စားနပ်ရိက္ခာများ လိုအပ်နေကြောင်းသိရသည်။ ထို့အပြင် နမ့်ဟူးကျောင်းတိုက် ၊ ထီဗွာရွာ ၊ ကုန်းတုန်ရွာ ၊ စာကရွာ တို့တွင် နေထိုင်သော စစ်ဘေးရှောင်ဦးရေ စုစုပေါင်း (၃)ရာကျော်ရှိကြောင်း သိရသည်။ ပင်လောင်းတောင်ဘက်တိုက်ပွဲတွင် စစ်ကောင်စီလေကြောင်းတိုက်ခိုက်မှုကြောင့်ပြည်သူများ၏နေအိမ်များနှင့် ဘာသာရေး အဆောက်အအုံများပျက်စီးနေကြောင်းသိရသည်။ အလုပ်သင် သတင်းထောက် နန်းလောဝ်ငင်း ရေးသားသည်။

သျှမ်းပြည် တောင်ပိုင်း ဟိုပုံးမြို့နယ် မဲနယ်တောင် ဒေသတွင် တိုက်ပွဲကြောင့်ပျက်စီးသွားသည့် နေအိမ်များကို ပြည်သူများက ကိုယ်ထူ၊ကိုယ်ထ နည်းစနစ်ဖြင့် ပြန်ဆောက်နေရကြောင်း စုံစမ်းသိရသည်။ ပြီးခဲ့သည့် ဇန်နဝါရီ ၂၁ ရက် နံနက်ပိုင်းတွင် ဟိုပုံးမြို့နယ် မဲနယ်တောင်ဒေသ၌ စစ်ကောင်စီနှင့် ၎င်း၏လက်အောက်ခံ ပအိုဝ်းပြည်သူ့စစ် (PNO ) နှင့်...

သျှမ်းပြည် ညောင်ရွှေမြို့နယ်အတွင်း စစ်ကောင်စီတပ်ဖွဲ့နှင့် ပြည်သူ့ကာကွယ်ရေးတပ် PDF တို့အကြား တိုက်ပွဲ ဆက်လက် ဖြစ်ပွားနေသေးကြောင်း စုံစမ်းသိရသည်။  ညောင်ရွှေမြို့နယ် ညောင်လေးပင်ကျေးရွာ၊ တောင်ပို့ကွဲကျေးရွာနှင့် ပင်လောင်းမြို့နယ် နန်းတုတ်ကျေးရွာတွင် ယနေ့အချိန်ထိ နှစ်ဘက်တပ်ဖွဲ့တိုက်ပွဲဆက်လက်ဖြစ်ပွားနေပြီး စစ်ကောင်စီဘက်က လက်နက်ကြီးဖြင့် ကျေးရွာထဲသို့ ရမ်းသမ်းပစ်ခတ်နေကြောင်း ညောင်ရွှေမြို့နယ် ဒေသခံအမျိုးသားတစ်ဦးက ပြောသည်။ “အခုတိုက်ပွဲတွေဆက်ဖြစ်နေသေးတယ်ဗျ။ ဒီတောင်ပို့ကွဲတို့၊ နန်းတုတ်တို့၊ ညောင်လေးပင်တို့ဘက်မှာ...

သျှမ်းပြည်တောင်ပိုင်း၊ ဆီဆိုင်မြို့ မှ ထွက်ပြေးလာသည့် စစ်ရှောင်များနေရပ်သို့ မပြန်ပါက နေအိမ်ချိတ်ပိတ်မည်ဟု မေလဆန်းပိုင်းတွင် စစ်ကောင်စီမှ ပြောဆိုသဖြင့် စိုးရိမ်စိတ်ဖြင့် နေရပ်သို့ ပြန်နေရကြောင်း စုံစမ်းသိရသည်။ ဆီဆိုင်မြို့နယ် အတွင်း စစ်ကောင်စီ၊ ပအိုဝ်းပြည်သူ့စစ်( PNO) နှင့် ပအိုဝ်းအမျိုးသားလွတ်မြောက်ရေးတပ်မတော် (PNLA) တို့တိုက်ပွဲကြောင့် ဒေသခံများသည် တောင်ကြီးမြို့ပေါ်သို့...

သျှမ်းတောင်၊ ရွာငံမြို့ အထွက် စစ်ဆေးရေးဂိတ်တွင် စစ်ကောင်စီ၏ လက်အောက်ခံ ရဲများက လမ်းသွား ပြည်သူများကို ငွေအဆမတန် ခြိမ်းခြောက် တောင်းနေကြောင်း စုံစမ်းသိရသည်။ ရွာငံမြို့ အထွက် တောင်ကြီး- အောင်ပန်းသွားလမ်းပေါ်ရှိ စစ်ဆေးရေး ဂိတ်တွင် မေလ ၁၇ ရက်၌ စစ်ကောင်စီ၏ လက်အောက်ခံ ရဲတပ်ဖွဲ့...

သျှမ်းပြည် နောင်ချိုမြို့နယ် တကျော့ပြန်တိုက်ပွဲအတွင်း စစ်ကောင်စီလက်နက်ကြီးကြောင့် အမျိုးသမီး ၅ ဦး အပါအဝင် ၁၀ ဦး သေဆုံးခဲ့ပြီး ၁၅ ဦးထက်မနည်း ထိခိုက်ဒဏ်ရာ ရရှိခဲ့ကြောင်း စုံစမ်းသိရသည်။ ယမန်နေ့ (မေလ ၁၆ ရက်) ည ၉ နာရီကျော်ခန့်တွင် သျှမ်း-မန္တလေးနယ်စပ် နောင်ချိုမြို့နယ်အတွင်း...

သျှမ်းပြည် ဟိုပုံးမြို့ နှင့် နမ့်ခုတ်ကျေးရွာကြားရှိ ပအိုဝ်းပြည်သူ့စစ် (PNO နှင့် စစ်ကောင်စီတို့ ၏ စစ်ဆေးရေးဂိတ်တွင် စစ်ဆေးမှုတင်းကြပ်ပြီး ငွေညှစ်တောင်းခံနေကြောင်း စုံစမ်းသိရသည်။ သျှမ်းပြည် ဟိုပုံးမြို့နယ်၊ ဟိုပုံးမြို့ နှင့် နမ့်ခုတ် ကျေးရွာကြာရှိ PNO နှင့်စစ်ကောင်စီ စစ်ဆေးရေးဂိတ်တွင် မတ်လမှစ၍ စစ်ဆေးတင်းကြပ်ပြီး ငွေကြေး...

သျှမ်းပြည် ဆီဆိုင်မြို့ တွင် မပေါက်ကွဲသည့် ဗုံးကို သွားရောက်ထိမိရာမှ ပေါက်ကွဲမှုဖြစ်ပွားပြီး ကလေးတစ်ဦနှင့် မိသားစုဝင် နှစ်ဦး ဒဏ်ရာရရှိခဲ့ကြောင်း စုံစမ်းသိရသည်။ သျှမ်းပြည် တောင်ပိုင်း ဆီဆိုင်မြို့ သီရိရပ်ကွက် နယ်မြေ ၃ တွင် မတ်လ ၁၅ ရက် နံနက် ၉ နာရီဝန်းကျင်တွင်...

သျှမ်းပြည် ပင်လောင်းမြို့နယ်ရှိ ကရင်နီဘက်မှရောက်ရှိလာသည့် စစ်ရှောင်များ စားနပ်ရိက္ခာပြတ်လပ်နေပြီး အခက်အခဲများ ကြုံတွေ့နေရကြောင်း စုံစမ်းသိရသည်။ သျှမ်းပြည် ပင်လောင်းမြို့နယ် ဗန်‌မောက်ကျေးရွာရှိ ကရင်နီဘက်မှ ရောက်ရှိလာသည့်စစ်ရှောင်များသည် ပြီးခဲ့သည့် ၂၀၂၃ ဒီဇင်ဘာမှစ၍ စားနပ်ရိက္ခာအခက်အခဲများ ကြုံတွေ့နေရပြီး၊လက်ရှိတွင် ‌အနီးအနားရွာတွင် တိုက်ပွဲများကြောင့် စားနပ်ရိက္ခာ များ ဝယ်ယူရန် လမ်းကြောင်းများ သွားလာခက်ခဲနေ‌ကြောင်း...

သျှမ်းပြည် တောင်ပိုင်း နှစ်ပတ်အတွင်း ဖြစ်ပွားသည့် စစ်ကောင်စီ၏ လက်နက်ကြီးများ လေကြောင်းတိုက်ခိုက်မှုကြောင့် အရပ်သား ၁၀ဦး ထိခိုက်ဒဏ်ရာရရှိခဲ့ကြောင်း စုံစမ်းသိရသည်။ သျှမ်းပြည် တောင်ပိုင်း ဆီဆိုင်မြို့နယ်၊ညောင်ရွှေမြို့နယ်၊ဟိုပုံးမြို့နယ် နှင့် ပင်လောင်းမြို့နယ်တို့တွင် ခိုက်ဒဏ်ရာ ရရှိသည့် ဒေသခံများသည် သွားလာရာလမ်းတွင် သေနတ်ဖြင့် ပစ်ခတ်ခံရခြင်း၊ မိုင်းနင်းမိခြင်း၊ ကြွင်းကျန် လက်နက်ကြီး...