သျှမ်းပြည် ဟိုပုံးမြို့ နှင့် နမ့်ခုတ်ကျေးရွာကြားရှိ ပအိုဝ်းပြည်သူ့စစ် (PNO နှင့် စစ်ကောင်စီတို့ ၏ စစ်ဆေးရေးဂိတ်တွင် စစ်ဆေးမှုတင်းကြပ်ပြီး ငွေညှစ်တောင်းခံနေကြောင်း စုံစမ်းသိရသည်။
သျှမ်းပြည် ဟိုပုံးမြို့နယ်၊ ဟိုပုံးမြို့ နှင့် နမ့်ခုတ် ကျေးရွာကြာရှိ PNO နှင့်စစ်ကောင်စီ စစ်ဆေးရေးဂိတ်တွင် မတ်လမှစ၍ စစ်ဆေးတင်းကြပ်ပြီး ငွေကြေး သိန်းနှင့်ချီ ငွေညစ်တောင်းခံနေကြောင်း ကိုယ်တိုင်ကြုံခဲ့သည့် ဟိုပုံးမြို့နယ် ဒေသခံ အမျိုးသားတစ်ဦးက သျှမ်းသံတော်ဆင့်ကိုပြောသည်။
“သူတို့က ပအိုဝ်းပြည်သူစစ်တွေ စစ်ကောင်စီတွေ ရဲတွေစောင့်တာ။ သူတို့က လူကြည့်ပြီးစစ်တာ။ သူတို့က ဖမ်းပြီး စစ်ပြီးရင် ရဲဆီပို့ပြီး ပိုက်ဆံတောင်းတာပေါ့။ သိန်း ၁၀ဂဏန်းနဲ့ ကိုကောက်တာ။ အဲ့လိုဖမ်းပြီး ငွေညစ် တောင်းတာ ၈ ယောက်လောက်ရှိပြီ။ မပေးနိုင်ရင် တုတ်နဲ့ ရိုက်တာ။”ဟု ၎င်းက ပြောသည်။
ထိုသို့ စစ်ကောင်စီနှင့် လက်အောက်ခံများ ငွေညစ်တောင်ခံမှုကြောင့် ဒေသခံများ သွားလာရန် ခက်ခဲမှုများလည်း ရှိနေပြီး၊ မြန်မာကျပ် ၁၀ သိန်းမှ ၂၅ သိန်းထိငွေညစ်တောင်းကြောင်း ၎င်းက ဆက်ပြောသည်။
သျှမ်းတောင် ၃ လ ကျော် တိုက်ပွဲအတွင်းတွင် တိုက်ပွဲများကြောင့် ဒေသခံနှင့် စစ်ဘေးရှောင်များ ဟိုပုံးမြို့နယ်၊ တောင်ကြီးမြို့နယ်၊ ညောင်ရွှေမြို့နယ်နှင့် တောတောင်အတွင်း ထွက်ပြေး ခိုလှုံနေရပြီး တောထဲနှင့် ဂူများတွင်ထွက်ပြေးတိမ်းရှောင်နေကြရကာ အကူညီရရန်အတွက် အခက်အခဲများ ကြုံတွေ့ နေရကြောင်း သိရသည်
Leave a Comments