သျှမ်းပြည် တောင်ပိုင်း မိုးဗြဲအနောက်ခြမ်း ဘီကင်းကျေးရွာ အနီးကို စစ်ကော်မရှင်တပ်က လေကြောင်းဗုံးကြဲတိုက်ခိုက်ခဲ့ကြောင်း သိရသည်။
ယမန်နေ့ ( ဇွန်လ ၁၈ ရက်) ည ၆ နာရီခွဲကျော်တွင် မိုးဗြဲအနောက်ခြမ်း ဘီကင်းကျေးရွာကို စစ်ကောင်မရှင်တပ်က ဂျက်ဖိုက်တာလေယာဉ်ဖြင့် ဗုံးကြဲတိုက်ခိုက်ခဲ့ကြောင်း မြေပြင်တွင်လှုပ်ရှားနေသည့် သတင်းအရင်းမြစ်တစ်ဦးက သျှမ်းသံတောဆင့်ကို ပြောသည်။
“ကျနော် လေကြောင်းနဲ့ ဗုံးကြဲသွားတယ်ဆိုတာ သိလိုက်တယ်။ လူအထိအခိုက်တော့ မသိရဘူး။ နေရာအတိအကျ တော့မပြောတက်ဘူး။ဘီကင်းအနီးကျေးရွာ အနီးတဝိုက်ပဲ။”ဟု မြေပြင်တွင်လှုပ်ရှားနေသည့် သတင်းအရင်းမြစ်တစ်ဦးကပြောသည်။
ပြီးခဲ့သည့် (ဇွန်လ ၁၅ ရက်)မှ စပြီး စစ်ကော်မရှင်တပ်မှ ၄ ရက်ဆက်တိုက် လေကြောင်းဗုံးကြဲ တိုက်ခိုက်နေခြင်းသည် စစ်ရေးအရ ထပ်မံစစ်အင်အားဖြည့်ကာ စစ်ကြောင်း ထိုးစစ်ဆင်တိုက်ခိုက်ရန် ပြင်ဆင်နေကြောင်း ၎င်း၏ အမြင်ကိုပြောသည်။
“ရှေ့က ကြုံခဲ့တာ ဖြစ်ဖူးတာတွေ အရတော့ စစ်ကြောင်းထိုးဖို့ ပြင်နေပုံ ရတယ်။ဒီဘက်က မစ်ရှင် တချို့ကြောင့်လည်း ဒီလိုဗုံးကြဲတာဖြစ်နိုင်တယ်။စစ်ရေးအရ တခုခုပြင်ဆင်တာမျိုးလည်း ယူဆနေကြပါတယ်။”ဟု မြေပြင်တွင်လှုပ်ရှားနေသည့် သတင်းအရင်းမြစ်တစ်ဦးကပြောသည်။
အလားတူ ယမန်နေ့ ယမန်နေ့ ဇွန်လ ၁၈ ရက်နေ့ ည (၁၁) နာရီအချိန် ဖယ်ခုံမြို့နယ် ပြင်ဆောင်ကျေးရွာကို စစ်ကော်မရှင်တပ်က ပေါင်(၅၀၀) ဗုံးဖြင့်ထပ်မန်ဗုံးကြဲတိုက်ခိုက်ခဲ့ခြင်းကြောင့် အမျိုးသားတစ်ဦး ထိခိုက်ဒဏ်ရာရရှိခဲ့ပြီး နေအိမ် (၇) လုံး ပျက်စီးခဲ့ကြောင်း သိရသည်။
ထို့အပြင် ဇွန်လ ဒုတိယပတ် အတွင်းတွင်လည်း မိုးဗြဲ နှင့် နန်းမယ်ခုံအကြားတွင် ထိတွေ့တိုက်ပွဲများ ပြင်းထန်ခဲ့သည်။
Leave a Comments