ကရင်နီပြည်(ကယားပြည်နယ်) လွိုင်ကော်မြို့သို့ ခေတ္တပြန်သည့် စစ်ရှောင်များကို လမ်းတွင် စစ်ကောင်စီမှ ဆန်အိတ်ပါလာလျှင် စစ်ဆေးမေးမြန်းမှုများပြုလုပ်ကြောင်းစုံစမ်းသိရှိရသည်။ “လမ်းမှာ ကိုယ်စားဖို့ ဆန်အိတ်ပါရင်တောင်ရစ်တာပါ၊ ကိုယ်အိမ်နဲ့ကိုယ်နေမယ့်သူတွေကတော့ ပြန်ကြတာပေါ့၊ ဒါပေမယ့် ဘာအလုပ် ဘာဝင်ငွေမှမရှိတဲ့အတွက် ဒုက္ခရောက်ပါလိမ့်မယ်၊ ကျမတို့အိမ်ကတော့ ၁၅ ရက်လောက် ပြန်နေခဲ့ပြီးတော့ ညောင်ရွှေကိုပဲပြန်ရောက်လာတာပါ” ဟု ညောင်ရွှေမြို့တွင် စစ်ဘေးရှောင်နေသည့်...

သျှမ်းပြည် ရွာငံမြို့နယ်တွင် မူးယစ်ဆေးဝါးသုံးစွဲသူ ပိုများလာသောကြောင့်  ပြည်သူများ လုံခြုံရေးအတွက် စိုးရိမ်နေရကြောင်း  စုံစမ်းသိရှိရသည်။ သျှမ်းပြည်တောင်ပိုင်း၊ ရွာငံမြို့နယ် သိမ်ကုန်းကျေးရွာအုပ်စုအတွင်းရှိ  ကျေးရွာများတွင်  မူးယစ်ဆေးဝါး ရောင်းဝယ်၊ သုံးစွဲသူပိုများလာပြီး ခိုးဆိုးလုယက်မှု၊ အိမ်တွင်းအကြမ်းဖက်မှုနှင့် ဓားပြတိုက်မှုများလာခြင်းကြောင်း   ပြည်သူများက လုံခြုံမှု မရှိတော့ပဲ စိုးရိမ်စိတ်ဖြင့် နေရ ကြောင်းဒေသခံများက သျှမ်းသံတော်ဆင့်ကို ပြောသည်။  မူးယစ်ဆေးသုံးးစွဲသူများသည် ဆိုင်ကယ်၊ ဖုန်းနှင့် ရွှေ‌ငွေတွေအပြင် ဒေသထွက် သီးနှံကိုပါ ခိုးယူနေကြကြောင်းကို ဒေသခံ အမျိူးသမီးတစ်ဦးက ပြောသည်။ “ ဆေးသမားတွေက သူတို့ဆေးသုံးဖို့ ငွေလိုတော့ ပစ္စည်းတွေ လိုက်ခိုးကြတယ်။တချို့ဆို ပဲတွေ၊ ဆန်တွေ ‌ရောင်းလို့ ရတဲ့ဟာ အကုန်ခိုးတယ်။ညညဆို ဆေးကြောင်ပြီး အိမ်ပေါ်တက်လာတယ်။ ပိုက်ဆံတောင်းတယ်။ ကိုယ်ကကြောက်တော့ ပေးလိုက်ရတယ်။ ကိုယ့်ကို ဘာများလုပ်သွားမလဲဆိုပြီး ကြောက်နေရတာ။ ညဆို ကိုယ့်အိမ်နဲ့ ကိုယ်လဲ မလုံခြုံဘူး။”ဟု ၎င်းအမျိုးသမီးတစ်ဦးက ဆိုသည်။ ထို့အပြင် မူးယစ်ဆေးဝါး ရောင်းဝယ်ပြီး သုံးစွဲနေတဲ့သူကိုလည်း ဥကဒေအရ ထိရောက်စွာ အရေးယူမှု မရှိပဲ ဆက်လက်ပြီး ရောင်းဝယ်ခွင့် ပြုထားကြောင်းသိရသည်။ “ ရွာကတစ်ယောက်က မူးယစ်ဆေး ရောင်းချနေတယ်။ သူ့ကိုရွာကလူတွေက ဖမ်း မိတယ်။ ရဲလက်အပ်လိုက်တယ်။ မကြာဘူး ပြန်လွတ်လာတယ်။ ရဲတွေကလဲ အရေးမယူပေးဘူး၊အဲတော့ ရွာကလဲ လွှတ်ထားလိုက်ရတယ်။ သူ့အိမ်ဘေးက ကလေးတွေကမှ အစ ပျက်စီး နေကြတယ်။ဥပဒေကမှ စိုးမိုးမှုမရှိတာ ဘာမှဆက်လုပ်လို့မရတော့ဘူး။”ဟု ဒေသခံ တစ်ဦးက ဆိုသည်။ အာဏာသိမ်းပြီးနောက်ပိုင်း ရွာငံမြို့နယ်တွင် မူးယစ် ဆေးဝါးရောင်းဝယ်သူများ ပိုမိုများပြားလာကာ သုံးစွဲသူများမှာလည်း လူကြီးပိုင်းထက်လူငယ်တွေပိုမိုသုံးစွဲလာကြ ကြောင်း ဒေသခံများကပြောသည်။  လက်ရှိ ရွာငံတွင် စစ်ကောင်စီမှ ‌ကျေးရွာအများစုတွင် တပ်စွဲထားပြီး စစ်မှုထမ်းခါ်ရန်အတွက်ပြင်ဆင် နေပြီး လူငယ်များကို ပေါ်တာဆွဲမှုများလည်းရှိနေကြောင်း သိရသည်။  အလုပ်သင် သတင်းထောက် နန်းလရောင် ရေးသားသည်။

သျှမ်းပြည် နမ္မတူမြို့နယ်တွင် အများပြည်သူ အသုံးပြုသည့်လမ်းမပေါ်  ကချင်လွတ်လပ်ရေးတပ် (KIA) တပ်ဖွဲ့က မြေတူးဖြတ်တောက်ပြီး သံဆူးချွန်မြှုပ်ထားကြောင်း TNLA တပ်ဖွဲ့ ထုတ်ပြန်ချက်ကို KIA က ငြင်းဆိုလိုက်သည်။ ဇွန်လ (၇) ရက်မှ စ၍ နမ္မတူမြို့နယ် မိုင်းဘော်နှင့် အွယ်လောကျေးရွာအကြားရှိ အများပြည်သူ အသုံးပြုသည့် လမ်းပိုင်းတွင် ကချင်လွတ်လပ်ရေးတပ် KIA မှ လမ်းမကြီးကို မြောင်းဖောက် ဖြတ်တောက်သည့်အပြင် ရွှံ့နွံထဲ၌ သံဆူးချွန်များ...

ကချင်ပြည် ဝိုင်းမော်မြို့တွင် တိုက်ပွဲများပြင်းထန်မှုကြောင့် စစ်ဘေးရှောင်များ နေရပ်အသစ်သို့ ထပ်မံပြောင်းရွှေ့ရန် အခြေအနေရှိနေပြီး အခက်အခဲများကြုံတွေ့နေရကြောင်း သတင်းရရှိသည်။ ကချင်ပြည်နယ် ဝိုင်းမော်မြို့တွင် စစ်ကောင်စီ နှင့် ကချင်လွတ်မြောက်ရေးတပ်မတော် KIA နှင့် PDF တို့ တိုက်ပွဲပြင်းထန်နေလျက်ရှိနေပြီး တိုက်ပွဲပြင်းထန်မှုကြောင့် စစ်ဘေးရှောင်များ ထပ်မံပြောင်းရွှေ့ရန် လိုအပ်နေကြောင်း စစ်ဘေးရှောင်ကူညီသူ အမျိုးသားတစ်ဦးက...

အာဏာသိမ်း စစ်ကောင်စီက စစ်မှုမထမ်းမနေရဥပဒေကို ပြဋ္ဌာန်းလိုက်ပြီးသည့်နောက် အရွယ်ရောက်ပြီး လူငယ်များသည် စစ်ကောင်စီတပ်ထဲသို့ မဝင်လိုသောကြောင့် လက်နက်ကိုင်တော်လှန်ရေး အင်အားစု အသီးသီးထံသို့ ရောက်ရှိလာနေကြောင်း သတင်းရရှိသည်။ ဖေဖော်ဝါရီလ ၁၀ ရက်မှစ၍ စစ်ကောင်စီက ပြည်သူ့စစ် မှုထမ်းဥပဒေကို အကောင်အထည်ဖော်ပြီးသည့်နောက်စစ်မှုထမ်းရန် အရွယ်ရောက်ပြီးလူငယ်များသည် နည်းလမ်းအမျိုးမျိုးဖြင့် ပြည်ပနိုင်ငံခြားသို့ ထွက်ပြေးခဲ့ရ...

ရန်ကုန်တိုင်းရှိ သန်လျင်တံတား အမှတ်(၃) ဖွင့်ပွဲကို ၁၀၇ မမ ရှော့တိုက်ဒုံးများဖြင့် ပစ်ခတ် တိုက်ခိုက်ရန်ကြံစဉ်သည့် ရန်ကုန် UG အဖွဲ့ဝင်များအား ဇွန်လ ၈ ရက်၊ နံနက်ပိုင်းက ဒဂုံမြို့သစ် (ဆိပ်ကမ်း) မြို့နယ်၊ (၆၁)ရပ်ကွက်၊ သင်္ဘောကျင်းဝန်ထမ်းအိမ်ယာဝန်းအတွင်း၊ သစ်သားလိုင်းခန်း အဟောင်း၌ ဖမ်းမိကြောင်း...

သျှမ်းပြည် ရွာငံရှိ စစ်ကောင်စီ တပ်များက ကျေးရွာများတွင် စစ်ကြောင်းထိုးပြီး ပြည်သူများကို ရိုက်နှက်ခြင်းများ ပြုလုပ်ခဲ့ကြောင်း သတင်းရရှိသည်။ သျှမ်းပြည် တောင်ပိုင်း၊ ရွာငံမြို့နယ် အရှေ့ဘက်ရှိ ကျေးရွာများကို စစ်ကောင်စီက ပြီးခဲ့သည့် ဇွန်လ ၇ ရက်တွင် ဒေသခံတစ်ဦးမှပြည်သူ့ကာကွယ်ရေးတပ်ဖွဲ့ (PDF)များ တောတောင်ဘက်တွင် ရှိနေသည်ဟု စစ်ကောင်စီကို...

သျှမ်းလူငယ်ညီလာခံမှ ဖက်ဒရယ်သျှမ်းပြည် ပြန်လည်ထူထောင်ရေး မူဝါဒအပါအဝင် ရပ်တည်ချက် (၆)ခု ကိုင်စွဲ၍ ရှေ့ဆက်လုပ်ငန်းစဉ်များကို လုပ်ဆောင်သွားမည်ဖြစ်ကြောင်း ထုတ်ပြန်ကြေညာလိုက်သည်။ သျှမ်းလူထု အခြေပြု အရပ်ဘက်အဖွဲ့အစည်း (၂၀) ကျော်မှ လူငယ်များ တက်ရောက်ခဲ့သည့် ပထမအကြိမ် “တိုင်း”လူငယ်ထု ညီလာခံကို မေလ (၁၃) ရက်မှ (၁၅) ရက်နေ့အထိ...

သျှမ်းပြည်၊ မြောက်ပိုင်း လားရှိုးမြို့တွင် နှစ်ရက်ဆက်တိုက် ပိုင်ရှင်မဲ့ အမျိုးသားအလောင်းများ တွေ့ရကြောင်း စုံစမ်းသိရှိရသည်။ လားရှိးမြို့ ယမန်နေ့ (ဇွန်လ ၉) ရက်တွင်   ရပ်ကွက်(၇) ၊ ရွှေဉောင်ပင်လမ်း walf Nest Bar အရှေ့တွင် သေဆုံးနေသော အမျိုးသားအလောင်းတစ်ဦးတွေ့ကြောင်း လားရှိုးလူငယ်များကူညီရေးအဖွဲ့ က သျှမ်းသံတော်ဆင့်ကိုပြောသည်။  “ ကျနော်တို့ကို ရပ်ကွက်အုပ်ချုပ်ရေးမှူး ကအကြောင်းကြားလာလို့ပါ။ ဒါကတော့ မထူးဆန်းတော့ဘူး။ မူးယစ်ဆေးတွေ အရမ်းသုံးကြတာဆိုတော့”ဟု လားရှိုးလူငယ်များကူညီရေးအဖွဲ့ တာဝန်ရှိသူတစ်ဦးမှ ဆိုသည် ။ အလားတူ   ဇွန်လ( ၈) ရက်နေ့တွင်လည်း လားရှိုးမြို့၊ ရပ်ကွက်(၅) အထက်မန်အိုင် တရုတ်စာသင်ကျောင်းအနီးတွင်လည်း ပိုင်ရှင်မဲ့ အမျိုးသားတစ်ဦး သေဆုံးနေကြောင်းသိရသည်။ “မူးယစ်ဆေးရဲ့ သားကောင်တွေဖြစ်သွားရတဲ့ လူငယ်တွေက နိုင်ငံရေး ၊ စီးပွားရေး အခြေနေတွေ ပြီးတော့ အလုပ်အကိုင် အခွင့်အလန်းရှားပါးတာတွေ လုပ်အားခ နဲ့ မိသားစု အသုံးစရိတ်မမျှတတာတွေ ကြောင့် လူငယ်တွေ ဒီလိုလမ်းမှားရောက် အောင်ပို့ပေးဖို့ တွန်းအားပေးတယ်လို့ထင်တယ်” ဟု လားရှိုးဒေသခံတစ်ဦးက သျှမ်းသံတော်ဆင့်ကို ပြောသည်။ ထိုပိုင်ရှင်မဲ့အလောင်းကို သက်ဆိုင်ရာရဲတပ်ဖွဲ့မှ စစ်ဆေးမှုပြုလုပ်ပြီး လားရှိုးပြည်သူ့ဆေးရုံမှ တဆင့် ရင်ခွဲရုံသို့ ပို့ဆောင်ခဲ့ကြောင်းသိရသည်။  သျှမ်းပြည် မြောက်ပိုင်း “၁၀၂၇ စစ်ဆင်ရေး”တွင် လားရှိုးမြို့သည် စစ်ရေးပဋိပက္ခ တွင် မပါဝင်ခဲ့သည့် မြို့ဖြစ်ကြောင်း၊ ထိုဒေသတွင်...

သျှမ်းပြည်မြောက်ပိုင်း မိုးမိတ်မြို့နယ်ရှိ တအာင်းအမျိုးသားလွတ်မြောက်ရေးတပ်မတော် TNLA တပ်စခန်းကို စစ်ကောင်စီမှ လေကြောင်းဖြင့်  ဗုံးကြဲတိုက်ခိုက်ခဲ့သဖြင့် တပ်သားအဖွဲ့ဝင်သုံးဦး ဒဏ်ရာရရှိခဲ့ကြောင်း သတင်းရရှသည်။  မိုးမိတ်မြို့နယ်ရှိ TNLA တပ်စခန်းကို စစ်ကောင်စီမှ ယမန်နေ့ (ဇွန် ၉)ရက်တွင်  လက်နက်ကြီးဖြင့် (၃) ကြိမ်ပစ်ခတ်ခဲ့ပြီး ပေါင် ၅၀၀ ဗုံးကြဲခဲ့သဖြင့်   TNLA ရဲဘော် သုံးဦး ဒဏ်ရာရခဲ့သည်ဟု ဖော်ပြထားသည်။ “ ၁၀၂၇ စစ်ဆင်ရေး” သည် ၂၀၂၃ခုနစ် အောက်တိုဘာ ၂၇ ရက်တွင် စတင်ခဲ့ပြီး ဇန်နဝါရီ လဆန်းပိုင်းတွင် တရုတ်နိုင်ငံ၏ ကြားဝင်စေ့စပ်ဆွေးနွေးမှုကြောင့် ရပ်တန့်သွားခဲ့သည်။  စစ်ရေး ရပ်တန့် မှု ၅လကျော် ကြားပြီးနောက်...