သျှမ်းပြည်၊ မြောက်ပိုင်း လားရှိုးမြို့တွင် နှစ်ရက်ဆက်တိုက် ပိုင်ရှင်မဲ့ အမျိုးသားအလောင်းများ တွေ့ရကြောင်း စုံစမ်းသိရှိရသည်။
လားရှိးမြို့ ယမန်နေ့ (ဇွန်လ ၉) ရက်တွင် ရပ်ကွက်(၇) ၊ ရွှေဉောင်ပင်လမ်း walf Nest Bar အရှေ့တွင် သေဆုံးနေသော အမျိုးသားအလောင်းတစ်ဦးတွေ့ကြောင်း လားရှိုးလူငယ်များကူညီရေးအဖွဲ့ က သျှမ်းသံတော်ဆင့်ကိုပြောသည်။
“ ကျနော်တို့ကို ရပ်ကွက်အုပ်ချုပ်ရေးမှူး ကအကြောင်းကြားလာလို့ပါ။ ဒါကတော့ မထူးဆန်းတော့ဘူး။ မူးယစ်ဆေးတွေ အရမ်းသုံးကြတာဆိုတော့”ဟု လားရှိုးလူငယ်များကူညီရေးအဖွဲ့ တာဝန်ရှိသူတစ်ဦးမှ ဆိုသည် ။
အလားတူ ဇွန်လ( ၈) ရက်နေ့တွင်လည်း လားရှိုးမြို့၊ ရပ်ကွက်(၅) အထက်မန်အိုင် တရုတ်စာသင်ကျောင်းအနီးတွင်လည်း ပိုင်ရှင်မဲ့ အမျိုးသားတစ်ဦး သေဆုံးနေကြောင်းသိရသည်။
“မူးယစ်ဆေးရဲ့ သားကောင်တွေဖြစ်သွားရတဲ့ လူငယ်တွေက နိုင်ငံရေး ၊ စီးပွားရေး အခြေနေတွေ ပြီးတော့ အလုပ်အကိုင် အခွင့်အလန်းရှားပါးတာတွေ လုပ်အားခ နဲ့ မိသားစု အသုံးစရိတ်မမျှတတာတွေ ကြောင့် လူငယ်တွေ ဒီလိုလမ်းမှားရောက် အောင်ပို့ပေးဖို့ တွန်းအားပေးတယ်လို့ထင်တယ်” ဟု လားရှိုးဒေသခံတစ်ဦးက သျှမ်းသံတော်ဆင့်ကို ပြောသည်။
ထိုပိုင်ရှင်မဲ့အလောင်းကို သက်ဆိုင်ရာရဲတပ်ဖွဲ့မှ စစ်ဆေးမှုပြုလုပ်ပြီး လားရှိုးပြည်သူ့ဆေးရုံမှ တဆင့် ရင်ခွဲရုံသို့ ပို့ဆောင်ခဲ့ကြောင်းသိရသည်။
သျှမ်းပြည် မြောက်ပိုင်း “၁၀၂၇ စစ်ဆင်ရေး”တွင် လားရှိုးမြို့သည် စစ်ရေးပဋိပက္ခ တွင် မပါဝင်ခဲ့သည့် မြို့ဖြစ်ကြောင်း၊ ထိုဒေသတွင် လက်နက်ကိုင်ပေါင်းစုံ သွားလာလှုပ်ရှားသည့် ဒေသဖြစ်သည်။
ပိုင်ရှင်မဲ့ အလောင်းတွေ့ရှိသည့် အခင်းဖြစ်နေရာများသို့ ရောက်ရှိချိန် တာဝန်ရှိသူများသည် လိုအပ်သည့် စစ်ဆေးမှုများပြုလုပ်ကာ လားရှိုးပြည်သူဆေးရုံကြီးမှတစ်ဆင့် ရင်ခွဲရုံသို့ပို့ဆောင်ကူညီပေးခဲ့ကြောင်း သိရသည်။
ဇွန်လ (၆)ရက်နေ့တွင်လည်း လားရှိုးမြို့ ရပ်ကွက် (၅)ရှိ ၊ ရေကန်တောင် အမှတ်(၂)တွင် အမျိုးသမီး ရေနှစ်သေဆုံးကြောင်းသိရသည်။
Leave a Comments