အများပိုင် တောင်သူလယ်သမားများ၏ ထုတ်ကုန်လမ်းအား လမ်းတံတားဌာနမှ ခြံစည်းရိုးခတ် လမ်းပိတ် ဒေသခံများအခက်တွေ့

0

သျှမ်းပြည်တောင်ပိုင်း ရွှေညောင်မြို့ ၊ အောင်သပြေ ရပ်ကွက် ၊ စဉ့်ဟယ် (၂) တွင် ဒေသခံပြည်သူများနှင့်တောင်သူ လယ်သမားများ ၏ စိုက်ပျိုးသီးနှံထုတ်ကုန်များသယ်ယူ ပို့ဆောင်ရေး တွင်အသုံး ပြု နေသောအများပိုင်လမ်းအား ဆောက်လုပ်ရေးဝန်ကြီးဌာန လက်အောက် ရှိလမ်းတံတားအထူး(၁၂)မှ ဌာနဆိုင်ရာ လုံခြုံရေး အတွက် ခြံစည်းရိုး ခတ်လိုက်သည့်အပေါ် ဒေသခံလူထု သွားလာရေးအတွက် အခက်တွေ့နေကြောင်းသိရသည်။

အဆိုပါလမ်းအား (၄၆) နှစ်လုံးအသုံးပြု လာခဲ့သည့် ဒေသခံ ဒေါ်စန္ဒာက “ဒီပေ ၂၀ လမ်းလေးကို အသုံးပြု နေတဲ့ ကျမတို့ဆီက ကျောင်းသားတွေ ၊ တောင်သူတွေ ၊ ၀န်ထမ်းတွေ ရှိတယ် ၊ ကျမတို့ လမ်းမပိတ်ဖို့ သွားညှိနှိုင်းပေမဲ့ အထက်က လုပ်တာလို့ပြောလို့ ကျမတို့ အထက်အထိစာတင်တယ်။ တောင်ကြီး က ရုံး ၁၀ ရုံးလောက်ကို စာတင်ခဲ့တယ်။ ပြန်စာအကြောင်းကြား စာ ပြန်မလာပဲနဲ့ သူတို့က ဇွတ်တိုးပြီး လုပ်လာတယ် ” ဟု ၄င်းကပြောသည် ။

“အများပြည်သူပိုင် ဒီပေ ၂၀လမ်း ကို ကျနော်တို့ ရအောင်ကြိုးစားပါမယ် ၊ပြည်ထောင်စုဝန်ကြီး၊ ရှမ်းပြည်နယ် ၀န်ကြီးတွေဆီ စာတင်ထားပါတယ် ၊ တင်ထားလို့မှ ဘာမှအကြောင်း မပြန်သေးပဲနဲ့ ဒီ ဆောက်လုပ်ရေး ၀န်ကြီး ဌာနလက်အောက်က အရာရှိတွေကဒါကို ဇွတ်လုပ်နေပါတယ် ၊ ဒါကြောင့် ကျနော်တို့ လယ်သမားတွေနဲ့ ပြည်သူတွေက ဆန္ဒထုတ်ဖော် သွားဖို့အထိ ရည်ရွယ်ထားပါတယ်” ဟု အောင်သပြေဒေသခံ ကိုကျော်သူထွေးက ပြောသည် ။

အဆိုပါလမ်းကို နေ့စဉ် အသုံးပြု နေကြသော အောင်သပြေရပ်ကွက်မှ တောင်သူလယ်သမား ဦးရေ တစ်ရာကျော်ခန့် သည် စဉ့်ဟယ် ရပ်ကွက်နှင့် ဆည်လဲ ရပ်ကွက်ရှိ ကွင်းအမှတ် (၈၄)၊ ယန္တရားကွင်းနှင့် ဆည်လဲကွင်းများရှိ လယ်မြေဧက (၄၀၀)ကျော်ကို လုပ်ကိုင်လျှက်ရှိသည့်အတွက် တောင်သူများ သီးနှံ ထွက်ချိန် တွင် ကုန်ပစ္စည်း များသယ်ယူပို့ဆောင်ရေး အတွက် အခက်အခဲဖြစ်လာနိုင်ကြောင်း တောင်သူ ဦးထိန်ဝင်းကပြောသည် ။

” လမ်းပိတ်လိုက်မယ်ဆိုရင် မြေသြဇာတွေ ၊ ရာသီအလိုက် စိုက်ပျိုးထုတ်ကုန်တွေ သယ်ယူဖို့ ခက်ခဲ သွားလိမ့်မယ် ဒီလမ်းပိတ်မယ်ဆို ကျနော့်လယ်တွေရောင်းပစ်ချင်ပြီ “ဟု ၄င်းကဆိုသည် ။

၂၀၁၃ ခုနှစ်တွင် ယန္တရား တပ်စု (၂ )မှ ဌာနဆိုင်ရာ လူကြီး များ၊ ရပ်မိရပ်ဖ များ ၊ တောင်သူ လယ်သမားများညှိနှိုင်း ၍ တောင်သူများစိုက်ပျိုးထုတ်လုပ်သော စပါး၊ ကြက်သွန်ဖြူ၊ ၊ ခရမ်းချဉ်သီး နှင့် ဟင်းသီးဟင်းရွက် များသယ်ယူ သည့် ထုတ်ကုန်လမ်း အဖြစ် ယန္တရား တပ်စု (၂) ဘောလုံးကွင်း အနောက်ဘက် သျှမ်းပြည် နယ် စိုက်ပျိုးရေး လုပ်ငန်းပိုင်ဆိုင်သည့် ပေ(၂၀)ရှိလမ်းကို တောင်သူများဖြတ်သန်းသွားလာရန် ကုန်ထုတ်လမ်းအဖြစ် သတ်မှတ်ပေးခဲ့ သော်လည်း ယခုအခါတွင် ယန္တရား တပ်စုဝင်းကို ဆောက်လုပ်ရေးဝန်ကြီးဌာန တံတားအထူးအဖွဲ့ (၂) သို့ မြေလွှဲ ပြောင်းပေးခဲ့ ကြောင်း အောင်သပြေအုပ်ချုပ်ရေးမှူးရုံး ၏ တင်ပြ စာများအရသိရှိရပါသည် ။

SHARE

LEAVE A REPLY

Please enter your comment!
Please enter your name here