Wednesday, May 22, 2024

ရွာငံ-သာစည်ကြားရှိ PDF နေရာကို စစ်ကောင်စီကဝင်စီး၊ PDF တပ်ဖွဲ့ဝင်တစ်ဦးရဲ့ဖုန်းမှာ လိင်ပိုင်းဆိုင်ရာ ကျူးလွန်ထားဗီဒီယိုတွေ့ဟု သတင်းမှားဖြန့်

Must read

သျှမ်းပြည် ရွာငံ-သာစည်ကြားရှိ ပြည်သူ့ကာကွယ်ရေးတပ် PDF တပ်ဖွဲ့နေရာကို စစ်ကောင်စီတပ်ဖွဲ့က ဝင်ရောက်စီးနင်းပြီး ကျကျန်ခဲ့သည့် PDF တပ်ဖွဲ့ဝင်တစ်ဦး၏ ဖုန်းအားစစ်ဆေးရာ အမျိုးသမီးတစ်ဦးကို လိင်ပိုင်းဆိုင်ရာ အမြတ်ထုတ်နေသည့် ဗီဒီယိုတွေ့ရှိသည်ဟု သတင်မှားဖြန့််ချိနေလျက်ရှိသည်။

စစ်ကောင်စီ ဝါဒဖြန့်တယ်ရီဂရမ်ချယ်နယ်ဖြစ်သည့် Mawshan Myay Media ဆိုသည့်အကောင့်မှ မတ်လ ၁၈ ရက်တွင် ဖြန့်ချိထားပြီး ကြည့်ရှု့သူများ ၁၂,၀၀ ကျော်အထိ ရှိသည်။

မူရင်းလင့်- https://archive.ph/bUbGf

သျှမ်းသံတော်ဆင့် အချက်အလက်စစ်ဆေးသူများအနေဖြင့် အဆိုပါအကြောင်းအရာကို စစ်ဆေးခဲ့မှု ပြုလုပ်ခဲ့သည်။

၎င်းမှဖော်ပြထားသည့် အကြောင်းအရာဖြစ်စဉ်ဟာ ပြီးခဲ့သည့် ၂၀၂၃ ခုနှစ် မတ်လ ၁၀ ရက်နေ့က ထုတ်ပြန်ထားသည့် သတင်းဓာတ်ပုံကိုအသုံးပြုပြီး ယခု ၂၀၂၄ ခုနှစ် မတ်လ ၁၇ ရက်နေ့မှာ ဖြစ်သွားသလိုမျိုး လိုအပ်သလိုဖြည့်စွတ်ရေးသားဖော်ပြနေခြင်း ဖြစ်သည်။

မဲခေါင်းသတင်းဌာနကဖော်ပြထားသည့် သတင်းကို ဒီမှာ ကြည့်ပါ။

အလားတူ သျှမ်းသံတော်ဆင့် အချက်အလက်စစ်ဆေးသည့်အဖွဲ့မှ အဆိုပါဓာတ်ပုံကို (Reverse Image) ဓာတ်ပုံစစ်ဆေးနည်းဖြင့် ထပ်မံစစ်ဆေးခဲ့ရာ စစ်ကောင်စီ ဝါဒဖြန့်ချယ်နယ်တစ်ခုဖြစ်သည့် ပြည်ချစ်သား အကောင့်မှ ပြီးခဲ့သည့် ၂၀၂၃ ခုနှစ် မတ်လ ၁၀ ရက်မှာ တစ်ကြိမ်ဖြန့်ချိထားသည်ကို တွေ့ရပြီး၊ တစ်နှစ်ပြည့် အချိန်မှာတော့ အဆိုပါဓာတ်ပုံဟောင်းကို ပြန်လည်အသုံးပြုကာ သတင်းတု၊ သတင်းမှား အနေဖြင့် ထပ်ဆင့်ဖြန့်ချိထားသည်ကိုလည်း တွေ့ရသည်။

ထို့ပြင် ရွာငံနှင့်သာစည်အကြားရှိ PDF ရှိရာနေရာကို ဝင်စီးလိုက်ကြောင်း ရေးသားဖော်ပြရာ၌လည်း မည်သည့်နေရာ၊ အချိန်ကို တိတိကျကျနှင့် အထောက်အထားခိုင်ခိုင်လုံလုံ ဖော်ပြထားနိုင်ခြင်းမရှိသည့်အပြင် သိရသည်ဟုစကားလုံးသာ အဆုံးသတ်ထားသည်။

ထို့အတူ စစ်ကောင်စီတပ်ဖွဲ့က ရုတ်တရက်ဝင်ရောက်စီးနင်းလိုက်သဖြင့် PDF တပ်ဖွဲ့ဝင်တချို့ သေဆုံးသွား သည်ဟု ရေးသားခဲ့ရာတွင်လည်း စိတ်ချယုံကြည့်ရသည့် ဒေသအတွင်းသတင်းမီဒီယာများမှာ ရေးသားဖော်ပြထားခြင်း မရှိပေ။

ယင်းဖြစ်စဉ်နှင့်နည်းတူ ဆီဆိုင်မြို့နယ် အမျိုးသမီး ၁ ဦးကို PNLA KNDF PDF တို့က အဓမ္မပြုကျင့်ခဲ့ကြောင်း စစ်ကောင်စီဝါဒဖြန့် တယ်ရီဂရမ်ချယ်နယ်မှ ဝါဒဖြန့်ထားသည့်အကြောင်းအရာကို သျှမ်းသံတော်ဆင့်မှ သတင်းမှားကြောင်း စီစစ်တွေ့ရှိထားသည်။

မူရင်းလင့် – https://burmese.shannews.org/ဆီဆိုင်မြို့နယ်တွင်-အမျ/

သျှမ်းသံတော်ဆင့် စာဖတ်ပရိတ်သတ်များအနေဖြင့် လူမှုကွန်ရက် စာမျက်နှာများတွင် ဖော်ပြနေသည့် သတင်းများကို ချက်ချင်းမယုံကြည်ဘဲ စိတ်ချရသော သတင်းမီဒီများတွင် သွားရောက်ဖတ်ရှု့ကြရန် တိုက်တွန်းပါသည်။
သတင်းတု၊ သတင်းမှားဟု ယူဆရသည့် သတင်းများကိုလည်း သျှမ်းသံတော်ဆင့် လူမှုကွန်ရက်စာမျက်နှာ (SHAN Burmese Vision ) Facebook Chat Boxမှဆစ်ဆင့် သတင်း၏ လင့်ခ် (သို့မဟုတ်) Screen Short ပုံပေးပို့ခြင်းဖြင့် စစ်ဆေးနိုင်သည်။

Leave a Comments

- Advertisement -spot_img

Latest article