သျှမ်းပြည် ရွာငံမြို့နယ်တွင် အလောင်းကစားဝိုင်းမှ ပြန်လာသော အမျိုးသားတစ်ဦးကို ဂျိုးဖြူတော်လှန်ရေး တပ်ဖွဲ့ က လမ်းတွင် ဖမ်းဆီးခဲ့ကြောင်း သိရသည်။
သျှမ်းပြည် ရွာငံမြို့နယ်တွင် ရိုးရာ တာတက်ပွဲနှင့် ဘုရားပွဲတို့တွင် အလောင်းစားဝိုင်းများ ပြုလုပ်နေပြီး အလောင်းကစားဝိုင်းမှ ပြန်လာသော အမျိုးသားတစ်ဦးကို ကျောက်တောင်ရွာ အနီးတွင် ဂျိုးဖြူတော် လှန်ရေး တပ်ဖွဲ့ က ယနေ့ (ဧပြီလ ၂၄ ရက်) နေ့လည် ၁နာရီခွဲကျော်တွင် လောင်းကစားပစ္စည်းများနှင့်အတူ ဖမ်းဆီးရမိခဲ့ကြောင်း ဂျိုးဖြူတော်လှန်ရေး တပ်ဖွဲ့ တာဝန်ရှိ သူတစ်ဦးက သျှမ်းသံတော်ဆင့်ကို ပြောသည်။
“ဒီနေ့က တာတက်ပွဲ ဘုရားပွားရှိတာပေါ့။ကျနော်တို့ကို အကြောင်းကြားတဲ့လူရှိတော့ လမ်းမှာ ဖမ်းမိတာ။ငွေနှင့် ဂျင်သီး ၇ လုံးကို ဖမ်းမိတာပေါ့။ သူတို့ရိုက်နှက်တာမျိုးတော့မလုပ်ဘူး။အလောင်းကစားဝိုင်းကို ထပ်မလုပ်ဖို့ ခံဝန်ကတိ လက်မှတ်ထိုးခိုင်းတာပေါ့။ဒါတွေကို ဆက်လုပ်မယ်ဆိုရင်တော့ မှတ်ပုံတင်နဲ့ ယာဉ်မောင်းလိုင်းစဉ် ကဒ်ကို ယာယီသိမ်းထားမယ်ပေါ့။”ဟု ဂျိုးဖြူတော်လှန်ရေး တပ်ဖွဲ့ တာဝန်ရှိ သူတစ်ဦးက ပြောသည်။
အလောင်းကစားဝိုင်းများကို ဂျိုးဖြူတော်လှန်ရေး တပ်ဖွဲ့ က လိုက်လံဖမ်းဆီးနေပြီး နောက်ဆက် ဆိုးကျိုးများကိုဖြစ်သည့် ခိုးဆိုးလုယက်မှုများ အဖြစ်စေရန် ကြိုးစားရှင်းလင်းနေကြောင်း ၎င်းက ဆက်ပြောသည်။
“အာဏာသိမ်းပြီးတဲ့နောက် ဘော်လုံးပွဲတွေက အစ စစ်ကောင်စီက အလောင်းကစားဝိုင်းကို ကြီးကြီကျယ်ကျယ် လုပ်လာတာ လုပ်ပေးတယ်။ဒီလိုလိုက်ဖမ်းနေတာကလည်း ၂ ခေါက် ၃ ခေါက်လောက်ရှိနေပြီလေ။ ပြည်သူတွေ ကိုလည်း အလောင်းကစားဝိုင်းတွေ မလုပ်ဖို့ ပါဝင်ပူးပေါင်းစေချင်တယ်။” ဟု ၎င်းက ဆက်ပြောသည်။
ထို အဖမ်းခံ ရသည့် အမျိုးသားသည် ရွာငံမြို့နယ် ရွာမရပ်ကွက်တွင် နေထိုင် သူဖြစ်ကြောင်း သိရသည်။
စစ်ကောင်စီ မှ ၂၀၂၁ အာဏာသိမ်းပြီးနောက် ရွာငံမြို့နယ်ရှိ ပွဲများတွင် အလောင်းကစားဝိုင်းများပိုမို များပြားလာကြောင်း သိရသည်။
ပြီးခဲ့သည့် ဧပြီလ ၂၁ ရက် တွင်လည်း ရွာငံမြို့နယ်တွင် မြင်းကျဒိုးရွာရှိ ရဲစခန်းကို ဂျိူးဖြူအဖွဲ့မှ ဝင်ရောက်ပစ်ခတ် တိုက်ခိုက်ခဲ့ပြီး စစ်ကောင်စီဘက်မှ တပ်သား ၃ ဦးထပ်မနည်းသေဆုံးခဲ့ကာ၊ အမျိုးသားတစ်ဦးနှင့် အတူ လက်နက်များ သိမ်းပိုက်နိုင်ခဲ့ကြောင်း သိရသည်။
