သျှမ်းပြည်မြောက်ပိုင်း၊ မူဆယ်-နမ့်ခမ်းမှ လားရှိုးသို့ ပြေးဆွဲနေသည့် လိုင်စင်မဲ့ လိုင်းကားများကို စစ်ကောင်စီက တစ်စီးလျှင် ကျပ်ငွေ နှစ်သိန်းနှုန်း ဖြင့် ကောက်ခံနေကြောင်း သတင်းရရှိသည်။ ၂၀၂၅ ခုနှစ် မေလတတိယပတ်မှ စ၍ ယနေ့အထိ မူဆယ် - နမ့်ခမ်းမှ လားရှိုး သို့ ပြေးဆွဲနေသည့် လိုင်စင်မဲ့ မော်တော်ယာဉ် များ ကို နမ့်ခမ်းမူဆယ်လမ်းပိုင်း လွယ်ဆုတောင်းနှင့် ပန်ခမ်းတံတားဂိတ်တွင် တစ်စီးလျှင် ကျပ်နှစ်သိန်း နှုန်းဖြင့် စစ်ကောင်စီဂိတ်များက ကောက်ခံနေကြောင်းအမည်မဖေါ်လို သည့် ကားသမားတစ်ဦးက သျှမ်းသံတော်ဆင့်သို့ ပြော သည်။ “မူဆယ် နမ့်ခမ်းကနေ လားရှိုး ကုန်တင် ပြေးဆွဲနေတဲ့ တစ်ချို့ လိုင်စင်မဲ့ အန်စာတုံး တို့ အယ်လာဖတ် တို့လို ကားကို တစ်ခေါက် နှစ်သိန်းကောက်နေတယ်” ဟု အမည်မဖေါ်လိုသူ နမ့်ခမ်း ကားဆရာတစ်ဉီး ကပြောသည်။ သျှမ်းပြည်မြောက်ပိုင်းရှိ ဒေသခံများ နှင့် ဌာနဆိုင်ရာများ အသုံးပြုနေကြသော မော်တော်ယာဉ်အများစုမှာ လိုင်စင်မဲ့များဖြစ်ကြသည်ဟု ဒေသခံများက ပြောသည်။ မေလလယ်ပိုင်းကစပြီး လိုင်စင်မဲ့မော်တော်ယာဉ်များကို အရေးယူမည်ဟု အာဏာသိမ်း စစ်ခေါင်း ဆောင် မင်းအောင်လှိုင် ပြောကြားထားသည်။ “အရင်က တင်လာတဲ့ကုန်ပေါ်မူတည်ပြီး တောင်းတာလောက်ပဲ၊ အဲ့တာ နဲလို့ ဒီလိုင်စင်ကို အကြောင်းပြပြီး ငွေ တောင်း တယ်၊ လိုင်စင်မရှိလို့ ငွေတောင်းတဲ့ အပြင် သူတို့တင်လာတဲ့ ကုန်ပေါ်မူတည်ပြီးတော့ ထပ်ကောက် သေး တယ်၊ ငွေရလမ်း နှစ်ခုဖြစ်သွားတာပေါ့”  ဟု လုံခြုံရေးအရအမည်မဖေါ်လိုသည့် မူဆယ်ဒေသခံ တစ်ဉီးကပြောသည်။ မူဆယ်နမ့်ခမ်းလမ်းပိုင်းရှိ လွယ်ဆုတောင်းနှင့် ပန်ခမ်းတံတားတွင် စစ်ကောင်စီက စတင် စစ်ဆေးနေ ပြီး TNLA ထိန်းချုပ်သော နမ့်ခမ်းမြို့တွင်လည်း မေလ ၂၅ ရက်မှစ၍ မော်တော်ကားလိုင်စင်များကို လုပ်ခိုင်းကာ တစ်စီးလျှင် ကျပ် ၂ သိန်းမှ ၅ သိန်းထိ ကောက်ခံနေသည်ဟု ဒေသခံများ၏ ပြောကြား ချက်အရသိရသည်။ ထို့ပြင် ပြီးခဲ့သည် ဇန်နဝါရီလအတွင်း မူဆယ်နယ်စပ်ဂိတ်တွင် စစ်ကောင်စီတပ်နှင့် အုပ်ချုပ်ရေးမှူးများ ပူးပေါင်းကာ တရုတ်လိုင်စင်မဲ့ကားများကိုမြန်မာပြည်အတွင်း ပေါ်တင် သွင်းခဲ့သေးသည်။         အလုပ်သင် သတင်းထောက် စိုင်းဟန်မော(ဝ်) ရေးသားသည်။                                                                                                                       

သျှမ်းပြည်မြောက်ပိုင်း လားရှိုးခရိုင် တန့်ယန်းမြို့အဝင်သို့ ဝင်လာသည့် လိုင်စင်မဲ့ ကားသစ်များကို တစ်စီးလျှင် ငွေကျပ် ငါးသိန်းနှုန်း ဖြင့် စစ်ကောင်စီများက အခွန်ကောက်ခံ တောင်းယူနေကြောင်း သတင်းသိရသည်။ တန့်ယန်းမြို့အဝင်တွင် တရားမဝင်ဂိတ်ကြေး၊ တံတားကြေး၊ တပ်ထိန်းကြေး၊ ယာဉ်ထိန်းကြေး အပါအဝင် တရားမဝင် ဆက်ကြေးများ ကောက်ခံလာဘ်စားပြီး လိုင်စင်မဲ့ကားတစ်စီးကို ငွေကျပ်...