တစ်ဆို့နေသည့်ငြိမ်းချမ်းရေးဖြစ်စဉ် စုပေါင်းအဖြေရှာရန် အစိုးရကိုယ်စားလှယ် နှင့် RCSS ချင်းမိုင်တွင်တွေ့ဆုံ

0

တစ်ဆို့နေသော ငြိမ်းချမ်းရေးဖြစ်စဉ်အား အဖြေရှာရန်တွက်ဟုဆိုကာ အစိုးရ၏ ငြိမ်းချမ်းရေး ကော်မရှင် PC နှင့် သျှမ်းပြည်ပြန်လည်ထူထောင်ရေးကောင်စီ သျှမ်းပြည်တပ်မတော် RCSS တို့ ထိုင်းနိုင်ငံချင်းမိုင်မြို့တွင် အလွှတ်သဘောတွေ့ဆုံကြောင်းသိရသည်။

Photo from NRPC facebook၊အောက်တိုဘာလ ၁၆ ရက်နေ့က နေပြည်တော်တွင်ကျင်းပသော ထိပ်သီးဆွေးနွေးပွဲ


နို၀င်ဘာလ ၁၆ ရက် ညနေ ၅ နာရီ တွင် ချင်းမိုင်မြို့တွင်ပြုလုပ်မည့် တွေ့ဆုံပွဲသို့ အစိုးရ PC ဘက်မှ ဒု- ဗိုလ်ချုပ်ကြီးခင်ဇော်ဦး (ငြိမ်း) ဦးဆောင်သည့် ဦးဇော်ဌေး၊ ဦးအောင်စိုး၊ ဦးလှမောင်ရွှေ ၊ ကူညီဆောင်ရွက်ရေး ဦးကျော်လင်းဦး တို့ ပါ၀င်ပြီး RCSS/SSA ဘက်မှ ဗိုလ်ချုပ်ကြီးယွက်စစ် ကိုယ်တိုင် ဦးဆောင်သည့်ကိုယ်စားလှယ်အဖွဲ့မှ တက်ဆွေးနွေးခဲ့ကြောင်းသိရသည်။


“အဓိကကတော့ ပြီးခဲ့တဲ့ ထိပ်သီးဆွေးနွေးပွဲက တစ်ဆို့နေတာတွေကိုဒီမှာ ပြန်ပြီးတွေ့ဆုံပြီး နည်းလမ်း ရှာတာဖြစ်ပါတယ်။ ဥပမာ အစိုးရတပ်မတော်နဲ့ RCSS/SSA တို့မကြာခဏ ပစ်ခတ်တိုက်ခိုက်မှု တွေဖြစ်ပွါးနေရတဲ့ကိစ္စနဲ့ပတ်သက်ပြီး ဆွေးနွေးဖြေရှင်းဖို့ ပြီးခဲ့တဲ့ ဂျူလိုင်လတုန်းက PC နဲ့ တွေ့ဆုံ တုန်းက သုံးသပ်လို့မပြီးသေးတဲ့ Bilateral Ceasefire Agreement တွေ။ အခုချိန်အထိ ၄ လ ထဲဝင်လာပြီ။ BCA သုံးသပ်လို့မပြီးသေးတဲ့အပြင် ထိပ်သီးတွေ့ဆုံပွဲတုန်းကဆွေးနွေးတာလည်း ထပ်ပြီးတော့ တစ်ဆို့မှုတွေ ထပ်ရှိလာတယ်ဆိုတော့ – ဒါတွေကိုဆွေးနွေးကြမှာဖြစ်တယ် “-
ဟု ပြည်ထောင်စုအင်စတီကျုမှ ဒါရိုက်တာ ဦးခွန်စိုင်းကပြောသည်။


ငြိမ်းချမ်းရေး ကော်မရှင် PC သည် နို၀င်ဘာလ ၁၆ ရက်တွင် RCSS နို၀င်ဘာလ ၁၇ ရက်နေ့တွင် KNU နို၀င်ဘာလ ၁၈ ရက်နေ့တွင် KNPP နှင့် KIO တို့နှင့်တွေ့ဆုံမည်ဖြစ်ကြောင်းလည်း သိရသည်။

အောက်တိုဘာလ ၁၅ နှင့် ၁၆ ရက်နေ့ ထိပ်သီးတွေ့ဆုံမှုနောက်ပိုင်း KNU အနေဖြင့် ငြိမ်းချမ်းရေးဖြစ်စဉ်နှင့်ပတ်သက်ပြီး မည်သည့် တရားဝင်တွေ့ဆုံ ဆွေးနွေးမှုများ တက်ရောက်မည်မဟုတ်သေးကြောင်း၊ သို့သော်အလွှတ်သဘောတွေ့ဆုံမည်ဆိုပါက တွေ့ဆုံမည်ဖြစ်ကြောင်း နိုဝင်ဘာ ၁၀ ရက်နေ့ ဗဟိုကော်မတီအစည်းအဝေးအပြီး ထုတ်ပြန်ကြေငြာထားသည်။

SHARE

LEAVE A REPLY

Please enter your comment!
Please enter your name here