ဆီဆိုင်မြို့သို့ ပစ္စည်းပြည် ယူသူများ မိသားစု နှင့် အဆက်သွယ် ပျက်ကား နှစ်လ အတွင်း ပျောက်ဆုံးနေသူ ၂၀ ဦးထက်မနည်းရှိနေကြောင်း စုံးစမ်းသိရသည်။
သျှမ်းပြည် ဆီဆိုင်မြို့တွင် ပြီးခဲ့သည့် မတ်လ ပထမ ပတ်မှစ၍ ယခုအချိန် ထိ ၂လအတွင်း စစ်ဘေးရှောင်များ ပစ္စည်းပြန်ယူခြင်း၊စာနပ်ရိက္ခာ ပြန်ယူခြင်းကြောင့် မိသားစုနှင့် အဆက်အသွယ်ပျက်ကာ ပျောက်ဆုံး နေသူ ၂၀ ဦးထက်မနည်း ပျောက်ဆုံးနေကြောင်း ဆီဆိုင်မြို့ ဒေသခံ အမျိုးသားတစ်ဦး သျှမ်းသံတော်ဆင့်ကို ပြောသည်။
“တော်တော်များများကတော့ သက်ဆိုင်တဲ့မိသားစု ကနေအကူညီလာတောင်းတာပေါ့။ ပျောက်နေတဲ့ ဟာတွေ ကလည်း ၂၀ ထက်မနည်းဘူး။ ပြန်ရောက်လာတာလည်း ရှိတယ်။ရိုက်နက်ခံရတဲ့ လူတွေလည်း ရှိတယ်။ပျောက် ပြီး သေတဲ့ဟာတွေလည်းရှိတယ်။ပစ္စည်းပြန်ယူလို့ ပျောက်တာပေါ့။”ဟု ဆီဆိုင်မြို့နယ် ဒေသခံ အမျိုးသားတစ်ဦးက ပြောသည်။
ထိုပျောက်ဆုံးနေသူများသည် အသက် ၁၇ မှ စ၍ အသက် ၄၀ အောက်များဖြစ်နေကြောင်း သိရပြီး၊ ဆီဆိုင်ဒေသခံများသည် မြို့၏ ပတ်ဝန်းကျင်ရှိ အရှေ့ဖက်၊အနောက်ဖက်နှင့်မြောက်ဖက်တို့တွင် စစ်ဘေးရှောင်နေရကြောင်း ၎င်းက ဆက်ပြောသည်။
လက်ရှိတွင် ဆီဆိုင်မြို့မြောက်ဘက်ခြမ်းကို စစ်ကောင်စီတပ်ဖွဲ့နှင့် ပြည်သူ့စစ် PNO တို့က ထိန်းချုပ်ထားပြီး တောင်ဘက်ခြမ်းကိုတော့ ပအိုဝ်းအမျိုးသား လွတ်မြောက်ရေးတပ်မတော် PNLA နှင့် ပူးပေါင်းတော်လှန်ရေး အင်အားစုတပ်ဖွဲ့များက ထိန်းချုပ်ထားကြောင်းသိရသည်။
သျှမ်းတောင် ဆီဆိုင်၊ ဟိုပုံးနှင့် ပင်လောင်းမြို့နယ် တိုက်ပွဲများကြောင့် အရပ်သား သေဆုံးမှု ၅၅ ဦးအထိ ရှိလာပြီး အမျိုးသမီးနှင့် ကလေးငယ်အပါအဝင် အရပ်သား ထိခိုက်ဒဏ်ရာရမှု ၇၀ ဝန်းကျင်အထိ မြင့်တက်လာနေကြောင်း ပအိုဝ်းလူငယ်အစည်းအရုံးက ဧပြီလ ၂ ရက်တွင် ထုတ်ပြန်ထားသည်။
ပြီခဲ့သည့် ဧပြီလ ၈ ရက်တွင်လည်း တွေပူးကျေးရွာတွင် စစ်ရှောင်ကျောင်းသူ သုံးဦး ရေသွားခပ်ရာ စစ်ကောင်စီမှ အကြောင်းရင်းမဲ့ လက်နက်ကြီးပစ်ခက်မှုကြောင့် ကျောင်းသူ ၃ ဦး ထိခိုက်ခဲ့ပြီး ၁ဦး သေဆုံးခဲ့ကြောင်း သိရသည်။
Leave a Comments