သျှမ်းပြည် အထူးဒေသ (၁) အတွင်း နေထိုင်သူများသည် အသက် ၁၆ နှစ်ပြည့်ပြီးပါက မည်သူမဆို စစ်မှုထမ်းဆောင်ရမည် ဖြစ်ကြောင်း ကိုးကန့်တပ်ဖွဲ့ (MNDAA) က ပြောဆိုလိုက်သည်။
လက်ရှိ သျှမ်းမြောက်ဒေသ “ ၁၀၂၇ စစ်ဆင်ရေး “ တိုက်ပွဲတွင် အချိန်ကြာလာသည်နှင့်အမျှ နှစ်ဖက်လက်နက်ကိုင်တပ်ဖွဲ့တို့ ကျဆုံးမှုများပြားလာချိန်တွင် တပ်သားစုဆောင်းမှုများ ပိုမို ပြုလုပ်လာကြသည်။
ကိုးကန့်ဒေသတွင် အသက် ၁၆ နှစ်မှစ၍ ကလေးအပါအဝင် အမျိုးသမီး၊ အမျိုးသား၊ ကိုရင် စသည့်ဖြင့် လူမျိုးဘာသာမရွှေးတို့ကို တပ်သားအဖြစ် စုဆောင်းရန်ရှိပြီး ထိုထဲမှ အမျိုးသမီးများကို ရုံးပိုင်ဆိုင်ရာ ဝာာဝန်အဖြစ် သော်လည်းကောင်း၊ အမျိုးသားများကို စစ်မှုထမ်းအဖြစ် သော်လည်းကောင်း တာဝန်ပေးအပ်မည် ဖြစ်ကြောင်း ကိုးကန့်တပ်ဖွဲ့ MNDAA ရဲ့ ပြောရေးဆိုခွင့်ရှိသူ လီကျာဝင်းက ပြောသည်။
“ အမျိုးသမီးတွေကိုတော့ ကျနော်တို့ စစ်မှုမထမ်းခိုင်းပါဘူးဗျ။ ဒီကုသရေးပိုင်းတို့ ရုံးပိုင်းတို့မှာပဲ အသုံးပြုပါတယ်။ ဒါပေမဲ့ အမျိုးသား ၂ ယောက်ရှိရင်တော့ တစ်ယောက်ကိုတော့ စစ်မှုထမ်းခိုင်းပါတယ်ဗျ။ အခုအရေးပေါ်ကာလဆိုတော့ လူတန်းစား ၊ လူမျိုးနွယ်စုတို့ခွဲခြားတာတော့မရှိပါဘူး။ ၁၆ နှစ်ပြည့်တာနဲ့ စစ်မှုထမ်းရမဲ့တာဝန်တော့ရှိပါတယ် “ ဟု ၎င်းက ပြောသည်။
MNDAA မှ သတ်မှတ်ထားသည့် အထူးဒေသ (၁) ကိုးကန့်ဒေသများမှာ ကိုးကန့်ခရိုင်၊ ကွတ်ခိုင်ခရိုင်၊ သိန္နီခရိုင် နှင့် မုံးကိုးခရိုင်တို့ဖြစ်သည်။
နိုင်ငံတကာ စစ်ဉပေဒ ဂျီနီဗာသဘောညီချက်အရ စစ်ဖြစ်နေသည့် ကာလအတွင်းမှာ အရပ်သားများကို အကာအကွယ်ပေးရမည် ဖြစ်ကြောင်း ၁၉၄၉ ခုနှစ်က ပြုလုပ်သည့် စတုတ္ထမြောက် ဂျီနီဗာ သဘောတူညီချက်အဖြစ် အတည်ပြု သတ်မှတ်ခဲ့ပါသည်။
ထို စစ်ဉပဒေများကိုလည်း လက်နက်ကိုင်တပ်ဖွဲ့များတိုင်း သဘောတူ လိုက်နာထားရမည့် ဉပဒေ ဖြစ်သည်။
သို့သော် မြန်မာနိုင်ငံတွင်း လှုပ်ရှားနေသည့် စစ်တပ်အပါအဝင် လက်နက်ကိုင်တပ်ဖွဲ့များသည် ယင်းဉပဒေကို ချိုးဖောက်နေကြသည်။
Leave a Comments