သျှမ်းပြည်မြောက်ပိုင်း မိုင်းကိုင်မြို့နယ် အတွင်းရှိ ဟမ်းငိုင်းကျေးရွာ တွင် သျှမ်းတပ်(၂) တပ်တိုက်ပွဲကြောင့် ပြည်သူများ နေအိမ်ခြံဝန်းထဲတွင် ကတုတ်ကျင်းတူးထားရကြောင်း စုံစမ်းသိရှိရသည်။
သျှမ်းတပ်(၂)တပ် တိုက်ပွဲဆက်လက်ဖြစ်ပွားနေသေးသဖြင့် ပြည်သူများ စိုးရိမ်သဖြင့် မိုင်းကိုင်မြို့နယ်အတွင်းရှိ အိမ်တိုင်းနီးပါး ကတုတ်ကျင်းတူးထားရကြောင်း ဟမ်းငိုင်းကျေးရွာ ဒေသခံ အမျိုးသား တစ်ဦး က သျှမ်းသံတော်ဆင့်ကိုပြောသည်။
“ ဟုတ်တယ်။ တိုက်ပွဲဖြစ်ရင် အရေးပေါ်တခါထဲ ရှောင်ထားလို့ရအောင်လို့ ကတုတ်ကျင်း တအိမ်ကို တူးထားခိုင်းလိုက်တာ။ တချို့အိမ်တော့တူးတယ်။ တချို့က မတူးဘူး” ဟု ဟမ်းငိုင်း ကျေးရွားဒေသခံ အမျိုးသား က ပြောသည်။
မိုင်းကိုင်မြို့နယ်တွင် သျှမ်းတပ် (၂) တပ်ကြောင့် ပြည်သူများထွက်ပြေးတိမ်းရှောင်နေကြရပြီး တချို့ကျေးရွာများတွင် ကျင်းတူးထားကြရကြောင်းသိရသည်။
အဆိုပါ ဟမ်းငိုင်းအုပ်စု နောင်တောင်းကျေးရွာတွင်လည်း နေအိမ်တွင် ကျင်းတူးထားသော်လည်း ြ ပြန်လည်ပိတ်ထားရကြောင်း သိရသည်။
“ နောင်တောင်းဖက်လည်း တူးထားတာတွေ့တယ်။ သူတို့တူးထားတာတော့ သိပ်မကြာသေးဘူး။ ခုတော့ ပြန်ပိတ်ထားလိုက်ပြး။ ဘာကြောင့်လို့ သူတို့ပြန်ပိတ်လိုက်တာလည်းတော့ ကျနော်တို့လည်း အသေးစိတ်မသိရဘူး” ဟုစစ်ရှောင်များကို ကူညီပေးသည့် သူက ပြောသည်။
မိုင်းကိုင်မြို့နယ်တွင် သျှမ်းပြည်ပြန်လည်ထူထောင်ရေးကောင်စီ RCSS/SSA နှင့် သျှမ်းပြည်တိုးတက်ရေးပါတီ SSPP/SSA တို့တိုက်ပွဲကြောင့် စစ်ဘေးရှောင်ပြည်သူ (၃၀၀၀) ဝန်းကျင်လောက်ရှိသွားပြီးဖြစ်ကြောင်း သိရသည်။
Leave a Comments