သျှမ်းမြောက် တိုင်းရင်းသားလက်နက်ကိုင်တပ်ဖွဲ့ တိုက်ပွဲကြောင့် အမျိုးသမီးတစ်ဦး လက်နက်ကြီးထိမှန်

0

သျှမ်းပြည်မြောက်ပိုင်း နမ္မတူမြို့နယ် ပန်လုံကျေးရွာတွင် မြောက်ပိုင်းမဟာမိတ် တပ်ဖွဲ့ နှင့် RCSS တို့ တိုက်ပွဲဖြစ်ပွားမှုကြောင့် အမျိုးသမီး တဦး လက်နက်ကြီးထိမှန်ခဲ့ကြောင်း စုံစမ်းသိရသည်။

ယမန့်နေ့ (မတ် ၂၈ ရက်) ညနေ ၃ နာရီတွင် နမ္မတူမြို့နယ် ပန်လုံကျေးရွာအနီး မြောက်ပိုင်းမဟာမိတ်တ် တပ်ပေါင်းစု ဖြစ်သည့် TNLA၊ SSPP နှင့် RCSS/SSAတို့ တိုက်ပွဲဖြစ်ပွားကာ အရပ်သားနေအိမ်ပေါ်သို့ လက်နက်ကြီး ကျပြီး ပါနန်းစံ ကို လက်နက်ကြီး စထိမှန်ခဲ့ကြောင်း ပန်လုံကျေးရွာ ဒေသခံ တဦး ကပြောသည်။

“လက်နက်ကြီး က အိမ်ခြံဝင်းထဲကျလာတယ်။ လက်နက်ကြီး စက ပါနန်းစံကိုသွားထိမှန်တာ။ အခုတော့ သူကို လာရှိုးဆေးရုံးကို ပို့ထားလိုက်ပါပြီ” ဟု ပင်လုံးကျေးရွာ ဒေသခံတစ်ဦးက ပြောသည်။

ပန်လုံကျေးရွာ အရပ်သားနေအိမ်အတွင်းသို့ လက်နက်ကြီးကျသည့်အထိ ဖြစ်နေသဖြင့် ပန်လုံးကျေးရွာ ပြည်သူများနေအိမ်တွင်းသို့ မနေရဲသဖြင့် နီးစပ်ရာ မန်စံနှင့် ပန်သပြေ ကျေးရွာဘက်သို့ ထွက်ပြေးတိမ်းရှောင်နေရကြောင်း သိရသည်။

“ လက်နက်ကြီးကျတော့ ဘယ်သူမှ မနေရဲတော့ဘူး။ တခြားနေရာပြောင်းနေရတယ်။ ပန်လုံကျေးရွာမှာ အရင်က တခါကြုံဖူးတော့ သိနေကြတယ်လေ” ဟု ၎င်း က ဆိုသည်။

လက်ရှိမှာ သျှမ်းပြည်မြောက်ပိုင်းတွင် တိုင်းရင်သားအချင်းချင်း တိုက်ပွဲဖြစ်ပွားမှု၊ အကြမ်းဖက်စစ်ကောင်စီ နှင့် တိုင်းရင်းသားလက်နက်ကိုင်တပ်ဖွဲ့ တိုက်ပွဲဖြစ်ပွားမှု သည် နေ့စဉ်နှင့် အမျှရှိနေကြောင်း သိရသည်။

Leave a Comments