သျှမ်းပြည်နယ်မြောက်ပိုင်း ကျောက်မဲမြို့နယ် တော့ဆန်ကျေးရွာအုပ်စု ကလောဝိုင်းကျေးရွာတွင် လက်နက်ကြီး တလုံး ကျကာ ကိုယ်ဝန်ဆောင် အမျိုးသမီး တဦး နှင့် အမျိုးသား တဦး သေဆုံးခဲ့ကြောင်း စုံစမ်းသိရသည်။

ယနေ့ (ဖေဖော်ဝါရီ ၁၅)ရက် နေ့လည်ပိုင်းတွင် တော့ဆန်းကျေးရွာအုပ်စု အနီးတစ်ဝိုက်တွင် တိုင်းရင်းသား လက်နက်ကိုင် အချင်းချင်းဖြစ်သည့် သျှမ်းပြည် တိုးတက်ရေးပါတီ၊ သျှမ်းပြည်တပ်မတော် (SSPP/SSA) နှင့် တအာင်း (ပလောင်)အမျိုးသားလွှတ်မြောက်ရေး တပ်မတော်(TNLA) ပူးပေါင်းနှင့် သျှမ်းပြည် ပြန်လည်ထူထောင်ရေး ကောင်စီ၊ သျှမ်းပြည်တပ်မတော် ( RCSS/SSA)တို့ တိုက်ပွဲ ဖြစ်ပွားကာ ကျေးရွာအတွင်းသို့ လက်နက်ကြီး ကျရောက်ခဲ့ကြောင်း သိရသည်။

“ မနေ့က လက်နက်ကြီး အိမ်ထဲကို ကျလာတယ်။ အိမ်ထဲက လူ (၆)ယောက်ထိတယ်။၂ဦးကတော့ ပွဲချင်းပြီးသေဆုံးသွားတယ်။ ကျည်ထိသေဆုံးတဲ့အမျိုးသမီးက ကိုယ်ဝန်၈လ ရှိတယ်။ နောက်တယောက်က အမျိုးသားပါ” ဟု ကလောဝိုင်းကျေးရွာဒေသခံ တဦး က သျှမ်းသံတော်ဆင့်ကို ပြောသည်။

လက်ရှိအချိန်တွင် ဒဏ်ရာရရှိသူများသည် တော့ဆန်ကျေးရွာတွင်‌ ဆေးကုသခံယူနေရကြောင်းသိရသည်။

တော့ဆန်ကျေးရွာအတွင်း လက်နက်ကြီးကျသဖြင့် နေအိမ်တလုံးမီးလောင်မှုဖြစ်ပွားခဲ့သည်။

လက်ရှိအချိန်ထိ တိုင်းရင်းသးလက်နက်ကိုင် အချင်းချင်း စစ်ရေး တင်းမာနေပြီး အချိန်မရွေး တိုက်ပွဲ ထပ်မံဖြစ်ပွားနိုင်သဖြင့် ဒေသခံများစိုးရိမ်နေရကြောင်းသိရသည်။

ဖေဖော်ဝါရီ ၁၃ ရက်နေ့တွင် RCSS/SSA တပ်ဖွဲ့ နှင့် မြောက်ပိုင်းမဟာမိတ်တို့ပူပေါင်းပြီး TNLA နှင့် SSPP/SSA တို့က တိုက်ပွဲစတင်ဖြစ်ပွားခဲ့သည်။