Monday, July 22, 2024

မိုင်းလားမှ ပြန်လာသည့် ပြည်တော်ပြန် တချို့ Quarantine မဝင်ရသေး

Must read

သျှမ်းပြည်အရှေ့ပိုင်း မိုင်းလားမှပြန်ရောက်လာသည့် ပြည်တော်ပြန် ၄၀၀ ကျော်မှ တချို့သည် Quarantine မဝင်ရသေးကြောင်း သိရသည်။

Photo by SHAN- ၄၈ နာရီကြာ ကားစီးပြီးနောက် တရုတ်မှပြည်တော်ပြန်လာသူများ မေလ ၄ ရက်နေ့ညက တောင်ကြီးမြို့ ကားကြီးကွင်းသို့ ရောက်ရှိ

မိုင်းလားမှ ပြန်လာသည့် ပြည်တော်ပြန် ၄၀၀ ကျော်ထဲမှ ၃၆၅ ဦးသည် မိုင်းလားမြို့တွင် ၂၁ရက် Quarantine ဝင်ထားပြီး ဖြစ်သော်လည်း ကျန်သည့် ၄၀ ကျော်သည် Quarantine ဝင်ထားခြင်း မရှိကြောင်း သိရသည်။

ထိုပြည်တော်ပြန်များသည် မိုင်းလား – ကျိုင်းတုံ မှတဆင့် တောင်ကြီးသို့ယမန်နေ့(ဧပြီ ၄ ရက်) ည ကရောက်ရှိလာခဲ့ခြင်းဖြစ်သည်။

ထို့နောက် တောင်ကြီးမြို့ တွင် ခေတ္တ ရပ်နားကာ ကားလဲလှယ်ပြီး သက်ဆိုင်ရာ နေရပ် အသီးသီးသို့ ပြန်လည်ပို့ဆောင်ပေးခဲ့ကြောင်းတောင်ကြီးမြို့နယ် အုပ်ချုပ်ရေးမှူး ဦးဖြိုးမင်းထိုက် က ပြောသည်။

Photo by SHAN- ၄၈ နာရီကြာ ကားစီးပြီးနောက် တရုတ်မှပြည်တော်ပြန်လာသူများ မေလ ၄ ရက်နေ့ညက တောင်ကြီးမြို့ ကားကြီးကွင်းသို့ ရောက်ရှိ

“လိုအပ်တဲ့ ကျန်းမာရေးဆိုင်ရာ စစ်ဆေးမှုတွေ ဆောင်ရွက်ပြီးတာနဲ့ သတ်မှတ်ထားတဲ့ ကားပေါ် တင်ပြီး နေရပ် အသီးသီးပြန်လည်ရောက်ရှိနိုင်ရေးအတွက် ဆောင်ရွက်ပေးသွားမှာ ဖြစ်ပါတယ်။ လမ်းတလျှောက် မဆင်းရအောင် အဆင်ပြေစေရဖို့အတွက်လည်း ထမင်းထုပ်ပါ တစ်ခါတည်း ထည့်ပေးပါတယ်” ဟု ဦးဖြိုးမင်းထိုက် က ပြောသည်။

ထို ပြည်တော်ပြန် ၄၀၀ ကျော်သည် မွန်ပြည်နယ်၊ ရခိုင်ပြည်နယ်၊ သျှမ်းပြည်မြောက်ပိုင်း ကျောက်မဲမြို့၊ မကွေးတိုင်း နှင့် ဧရာဝတီတိုင်း တို့မှဖြစ်ပြီး အများစုမှာ ရခိုင်ပြည်နယ် နှင့် မကွေးတိုင်း တို့ဖြစ်ကြောင်း သိရသည်။

“တတိယအကြိမ်မြောက် တောင်ကြီးကို ရောက်ရှိလာတဲ့ ပြည်တော်ပြန်တွေ ဖြစ်တယ်။ သက်ဆိုင်ရာနေရပ် အသီးသီးပြန်လည် ရောက်ရှိစေရေးအတွက်စုပေါင်းပြီးတော့ ဆောင်ရွက်ပေးနေတာ ဖြစ်ပါတယ်။” ဟု တောင်ကြီးမြို့နယ် အုပ်ချုပ်ရေးမှူး ဦးဖြိုးမင်းထိုက် ကပြောသည်။

ပြည်တော်ပြန်များသည် မိုင်းလား မှ တဆင့် ကျိုင်းတုံ၊ တောင်ကြီး သို့ဝင်ရောက်လာပြီး တောင်ကြီးမှ တစ်ဆင့် သက်ဆိုင်ရာ ပြည်နယ်၊တိုင်းသို့ ပြန်လည်ပို့ဆောင်ပေးကြောင်း သိရသည်။

မေလ ၆ ရက်နေ့တွင်လည်း တောင်ကြီးမြို့သို့ ပြည်တော်ပြန်များ ထပ်မံ ရောက်ရှိဉီးမည်ဖြစ်ကြောင်းလည်း သိရသည်။

Leave a Comments

- Advertisement -spot_img

Latest article