သျှမ်းပြည်နယ် အရှေ့ပိုင်း တာချီလိတ်မြို့နယ် အတွင်း မူးယစ်ဆေးဝါး ချက်တဲများနှင့် မူးယစ်ဆေးဝါးချက်လုပ်ရာတွင် အသုံးပြုသည့့် ပစ္စည်း များ သိမ်းဆည်း ကြောင်း သတင်းရရှိသည်။
အောက်တိုဘာ ၁၃ ရက်နေ့က တာချီလိတ်မြို့နယ် ဟာလဘ ကျေးရွာ အနီးတွင် မူးယစ်ဆေးဝါး ချက်လုပ်သည့် နေရာကို တွေ့ရှိပြီး၊ ဝင်ရောက်စစ်ဆေးစဉ် စိတ်ကြွဆေးပြား ၂၀၀၀ ပြား ၊ ကဖင်းအမှုန့် ၅၉ ၅ ကီလိုဂရမ် (ကာလ ပေါက်စျေး သိန်း ၅၀၀ကျော်) တို့ ကို တွေ့ရှိကြောင်း တပ်မတော်ကာကွယ်ရေး ဦးစီးချုပ်ရုံးကထုတ်ပြန်ထားသည်။
ထို့ပြင်မူးယစ်ဆေးဝါး ထုတ်လုုပ်ရာတွင် အသုံးပြုသည့် မော်ကားအရည် ၁ ကီလိုဂရမ် ၅ပုံး၊ ဟုန်မေ အဖြူရောင် အမှုန် ၂၀ ကီလိုဂရမ်ခန့် ၂ အိတ်၊ ဆေးပြား အခြောက်ခံစတီဗန်း ၃ခု၊ မီးစက်အေသး ၃ လုံး၊ လေမော်တာ ၂ ခု၊ Gas မီးဖို ၁၅၊ Gas အိုး ၂၂လုံး၊ ၉၉၉/ကြယ်ငါးလုံး ၂၉ လုံး နှင့် ကမ္ဘာလုံး နှင့် ခြင်္သေ့ ပုံ ပါ တံဆိပ်တုံး ၂ခု တို့ကို ပိုင်ရှင်မဲ့ တွေ့ရှိ သိမ်းဆည်း ရမိကြောင်း အောက်တိုဘာ ၁၅ရက်စွဲဖြင့် တပ်မတော် ကာကွယ်ရေး သတင်းက ဖော်ပြထားသည်။
အဆိုပါ သိမ်းဆည်း ရမိသည့် မူးယစ်ဆေးဝါးများနှင့် မူးယစ်ဆေးဝါး ထုတ်လုပ်ရာတွင် အသုံးပြုသည့် ဆက်စပ်ပစ္စည်းများအား တာချီလိတ်မြို့နယ် မူးယစ်တပ်ဖွဲ စုသို့ လွှဲပြောင်းအပ်နှံ သွားမည် ဖြစ်ကြောင်းသိရသည်။
