သျှမ်းပြည် တောင်ကြီးမြို့တွင် လာမည့် တန်ဆောင်တိုင်ပွဲတော် ကာလအတွင်း ကုန်တင်ကား နှင့် တွဲကားများကို မြို့အတွင်း သွားလာဖြတ်သန့်ခွင့် ယာယီပိတ်မည်ဖြစ်ကြောင်း သတင်းရရှိသည်။
တောင်ကြီးမြို့တွင် လာမည့် (အောက်တိုဘာလ ၂၉ ရက် မှ နိုဝင်ဘာလ ၅ ရက်) အတွင်း တန်ဆောင်တိုင် မီးပုံးပျံပွဲတော်ကို ကျင့်ပသွားမည်ဖြစ်ကြောင်း သိရသည်။ ခခ
ထိုပွဲတော်ကာလ အတွင်း မြို့ပေါ်တွင် ယာဥ်ကြော ပိတ်ဆို့မှုများ မဖြစ်ပေါ် စေရန် ကုန်တင်ကား နှင့် တွဲကားများကို သွားလာဖြတ်သန်းခွင့် ယာယီပိတ်မည်ဖြစ်ကြောင်း တောင်ကြီးမြို့နယ်ဒေသခံ အမျိုးသားတစ်ဦးက သျှမ်းသံတော်ဆင့်ကို ပြောသည်။
“ကားကြီးတွေ ကုန်တင်ကားတွေကို အရင်နှစ်တွေတုန်းကတော့ မြို့ရှောင်လမ်းတွေကနေ သွားခိုင်းပေမဲ့ ဒီနှစ်တော့ မြို့ရှောင်လမ်းဘက်လည်း ပေးမသွားတော့ဘူး။ဒီတစ်နှစ်တော့ မြို့ပတ်လမ်းတွေကို အဆင်းလမ်းအဖြစ် အသုံးပြုသွားမယ်ထင်တယ်။“ ဟု တောင်ကြီးမြို့ ဒေသခံ အမျိုးသားတစ်ဦးက ပြောသည်။
တောင်ကြီးတန်ဆောင်တိုင်ပွဲတော်ကာလ အတွင်း ညနေ (၄) နာရီ မှ နောက်တစ်နေ့ မနက် (၄) နာရီ အတွင်း ကုန်တင်ကား နှင့်တွဲကားများကို ဖြတ်သန်းသွားလာခွင့် ပိတ်ထားမည် ဖြစ်ပြီး မြို့ရှောင်လမ်းကို အောက်တိုဘာ လ ၂၈ ရက် မှစတင်၍ အဆင်းလမ်း အဖြစ် ဖွင့်လှစ်ပေးသွားမည် ဖြစ်ကြောင်း သက်ဆိုင်ရာများက အသိပေးကြေငြာထားကြောင်းသိရသည်။
လက်ရှိ တောင်ကြီးမြို့ အဝေရာ မီးပုံးပျံကွင်းအတွင်း တွင်လည်း တန်ဆောင်တိုင်ပွဲတော် ဖွင့်ပွဲအတွက် အကများ ကြိုလေ့ကျင့်နေကြသည့အပြင် ဆိုင်ခန်းများလည်း ကြိုတင် ဆောက်လုပ်ပြင်ဆင်မှု နေကြကြောင်း ရသည်။
Leave a Comments