သျှမ်းပြည်အရှေ့ပိုင်း မိုင်းဆတ်မြို့နယ် ဝမ်တုံကျေးရွာမှ မိုင်းတုံမြို့နယ် မဲကင်းကျေးရွာအနီးသို့ သယ်ဆောင်လာသော စိတ်ကြွရူးသွပ်ဆေးပြား ၂ သန်း (ဒေသတန်ဖိုး ငွေကျပ်သိန်း ၈,၀၀၀)ကို ဖမ်းဆီးရမိကြောင်း သတင်းရရှိသည်။
ပြီးခဲ့သည့် ဇူလိုင် ၂၀ ရက် မနက် ၈ နာရီခွဲအချိန်တွင် မိုင်းဆတ်မြို့နယ် မယ်ပုလုံကျေးရွာအုပ်စု ဂျူးလုကျေးရွာအနီးတွင် ISUZU အမျိုးအစား မော်တော်ယာဉ်ကို မူးယစ်ဆေးဝါးတားဆီး နှိမ်နင်းရေးရဲတပ်ဖွဲ့က စစ်ဆေးရှာဖွေရာ စိတ်ကြွရူးသွပ်ဆေးပြား ၂ သန်းကို ဖမ်းဆီးရမိခြင်းဖြစ်ကြောင်း CCDAC Myanmar က ယမန်နေ့ ဇူလိုင် ၂၄ ရက်တွင် ဖော်ပြသည်။
စစ်ဆေးဖော်ထုတ်ချက်အရ အဆိုပါစိတ်ကြွရူးသွပ်ဆေးပြားများကို မိုင်းဆတ်မြို့နယ် ဝမ်တုံကျေးရွာမှ မိုင်းတုံမြို့နယ် မဲကင်းကျေးရွာအနီးသို့ သယ်ဆောင်ခြင်းဖြစ်ကြောင်း သိရှိသဖြင့် ၎င်းတို့အား ဥပဒေအရ အရေးယူထားကြောင်း ထုတ်ပြန်ချက်တွင် ဖော်ပြထားသည်။
Leave a Comments