သျှမ်ပြည် နမ့်လန်- သီပေါ လမ်းပိုင်းကို စစ်ကောင်စီက စစ်ရေးအခြေအနေကြောင့် ဖြတ်သန်းသွား လာခွင့် ပိတ်ထားကြောင်း သိရသည်။
နမ့်လန် – သီပေါလမ်းပိုင်းရှိ နားမခေါ်ကျေးရွာ အနီးတွင် စစ်ရေးအခြေအနေကြောင့် စစ်ကောင်စီမှ ပြီးခဲ့သည့် (စက်တင်လာလ ၉ ရက်) မှစတင်ပြီး ဖြတ်သန်းသွားလာခွင့် ပိတ်ပင်ထားကြောင်း အသက် ၄၀ ဝန်းကျင် ဒေသခံအမျိုးသမီးတစ်ဦးက သျှမ်းသံတော်ဆင့်ကို ပြောသည်။
“နားမခေါ်ရွာ အနီးအနားမှာ စစ်ကောင်စီကော ကိုးကန့်ကောရှိတယ်။အခုက စစ်ကောင်စီက လုံးဝကို ပိတ်ထားတာ လုံးဝပေးမဖြတ်ဘူး။ဒီ တနင်္လာနေ့ (စက်တင်ဘာ ၉)ရက်က စပြီး ပိတ်တာ။စစ်ရေးတင်းမာ နေလို့ သူတို့ပေးမဖြတ်တာ လို့ပဲ သူတို့ပြောတယ်။”ဟု အသက် ၄၀ ဝန်းကျင် ဒေသခံအမျိုးသမီးတစ်ဦးက ပြောသည်။
ထို စစ်ကောင်စီမှ နားမခေါ်ကျေးရွာ တွင်လမ်း ပိတ်ထားခြင်းကြောင့် ဒေသခံများအတွက် အရေးပေါ်သွားလာရန် အခက်အခဲများ ကြုံတွေ့နိုင်ကြောင်း အသက် ၄၀ ဝန်းကျင်ဒေသခံ အမျိုးသမီးတစ်ဦး ကဆက်ဆိုသည်။
“အရေးပေါ်ကိစ္စတခုခုရှိရင်တော့ ဒုက္ခရောက်ပြီပဲ။ ဆေးဝါးတွေလည်းပေးမသယ်ဘူး။ အရေးအကြောင်း ဆိုဘာမှလုပ်မရဘူး။ ဆေးရုံမှာလည်း ဆရာဝန် တွေမရှိ တော့ စိတ်ပူရတယ်။အရေးပေါ် တွေအတွက်ပဲ စိုးရိမ်ရတယ်။”ဟု ၎င်းက ပြောသည်။
ပြီးခဲ့သည့် (စက်တင်ဘာလ ၅ ရက်) တွင် နမ့်လန်မြို့ အခြေစိုက်ထားသည့် စစ်ကောင်စီ၏ ခြေမြန်တပ်ရင်း ခမရ (၅၀၆) တပ်မှ သီပေါမြို့နယ် ကျောင်းပြိန်းရွာသို့ လက်နက်ကြီးပတ်ခတ်မှုကြောင့် အမျိုးသားတစ်ဦး သေဆုံးခဲ့ပြီး၊ အမျိုးသမီးတစ်ဦး ဒဏ်ရာရရှိခဲ့ကြောင်း သိရသည်။
နမ့်လန်မြို့အခြေစိုက် စစ်ကောင်စီတပ်ရင်းများလည်း သီပေါမြို့ဘက်သို့ ဦးတည်၍ မကြာခဏ တစ်ဖတ်သတ် လက်နက်ကြီး ရမ်းသမ်းပစ်ခတ်နေကြောင်းသိရသည်။
Leave a Comments