သျှမ်းပြည်နယ်အရှ့ပိုင်း ၊ မိုင်းဖြတ်မြို့တွင် စစ်ကောင်စီမှ အသက်၃၆ မှ ၆၅ နှစ်ထိ စစ်မှုမထမ်းရန် စာရင်းကောက်ခံနေကြောင်း စုံစမ်းသိရသည်။
ပြီးခဲ့သည့် ဖေဖော်ဝါရီလ ၁၀ ရက်တွင် စစ်ရှုံးနေသည့် စစ်ကောင်စီသည် စစ်အင်အားချီနဲ့လာသည့်အတွက် စစ်မှုမထမ်းမနေရ ဥပဒေကို အတည်ပြုပြဌာန်းခဲ့သည်။
ထိုသို့ ပြဌာန်းခဲ့ပြီးနောက်ပိုင်း မြို့နယ် ကျေးရွာ အလိုက် သန်းခေါင်စာရင်း ကောက်ယူခြင်း နှင့် အတင်းအဓမ္မပေါ်တာဆွဲ ခေါ်ယူခြင်း စသည်တို့ကို လုပ်ဆောင်ခဲ့ပြီး အသက် ၂၃ မှ ၃၆ နှစ်အထိစစ်မှုထမ်းခေါ်ယူကာ ယခုလျှင် အပတ်စဉ် ၄ ပြီးဆုံး၍ အပတ်စဉ် ၅ အတွက် စတင်ခေါ်ယူ စုဆောင်းနေကြောင်း သိရသည်။
“ တရပ်ကွက်အယောက်( ၉၀) ခေါ်တာ( ၃၀) က အမြဲတမ်းအသုံးပြု( ၆၀) က အရံပေါ့။ မိုင်းဖြတ်မြို့ (စခ က ၃၂၉ )တပ်ထဲမှာ အဲမှာနေရမယ်၊ စားရမယ် ။အဲမှာ ဘယ်မှ မသွားရဘူး။ ကိုယ့်မြို့မှာ ရပ်ကွက်မှာ လုံခြုံရေး စောင့်ရမှာ အဲ လိုအာခံကြတာပဲ။ လျှောက်ပြောတာပေါ့လေ။” ဟု ဒေသခံ အမျိုးသားတစ်ဦးက ပြောသည်။
ယင်းကဲ့သို့ အစည်းဝေးပြုလုပ်ရာတွင် မြို့မိမြို့ဖ တစ်ဦး၊ ဒုတပ်ရင်းမှူး တစ်ဦး၊ စခန်းမှူး နှင့် ထွေအုပ်တို့မှ ဦးဆောင်ခေါ်ယူ အစည်းဝေးပြုလုပ်နေကြောင်း သိရသည်။
“ စိုးရိမ်မှုတော့ရှိတာပေါ့။ သူတို့တော့ ပြောတာပေါ့။ လုံခြုံရေးယူပေးရုံပဲ။ ဆိုင်ကယ် သူခိုးတွေ မရှိတော့ဘူး။ ကိုယ့်ရပ်ကွက်ပဲ ကိုယ်စောင့် ရမှာ လို့လျှောက်ပြောတာပေါ့။ သူတို့ကိုယုံလို့မှ မရတာကို သင်တန်းဆင်းပီဆိုကတည်းက ကားပေါ်တက် သေနတ်နဲ့ ခြိမ်းခြောက်လိုက်ရင် ဘာမှ လုပ်လို့မှမရတော့ဘူး။ “ဟု ဒေသခံတစ်ဦးက ပြောသည်။
ဒါ့အပြင် အောက်တိုဘာလ ၁ ရက်မှ ၁၅ ရက်နေ့အတွင်း သန်းခေါင်စာရင်းစတင်ကောက်ယူကာ စစ်မှုထမ်းစတင် ခေါ်ယူမည်ဖြစ်ပြီး ကျေးရွာဘက်တွင်လည်း စစ်မှူထမ်းစတင်ခေါ်ယူတော့မည်ဖြစ်ကြောင်း သိရသည်။
မိုင်းဖြတ်မြို့တွင် ဟိုနား အပေါ်ရွာ နှင့် အောက်ရွာဟူ၍ ရှိပြီး ရပ်ကွက် စုစုပေါင်း (၆) ရပ်ကွက်ရှိကြောင်း သိရသည်။
အလုပ်သင်သတင်းထောက် နန်းလရောင် ရေးသားသည်။
Leave a Comments