သျှမ်းပြည် MNDAA ထိန်းချုပ်ထ သိန္နီမြို့နယ်တွင် ကိုးကန့်တပ်ဖွဲ့ (MNDAA) ထိန်းချုပ်ထားသော်လည်း လောင်းကစားဝိုင်းများကို ယနေ့ထိတိုင် ထိန်းချုပ်နိုင်ခြင်းမရှိသည့်အပြင် တိုးချဲ့ဖွင့်လှစ်လာကြောင်း ဒေသခံများ ပြောပြချက် အရသိရသည်။

ထို့လောင်းကစားဝိုင်းများသည် သိန္နီမြို့ လယ်ဘုရားအနီးတွင် လောင်းကစားဝိုင်းများတွင် စတင်ဖွင့်လှစ်လာပြီး၊ပြီးခဲ့သည့် ဇွန်လ ၁၆ ရက်တွင်လည်း မိုင်းပါးကျေးရွာ စားသင်ကျောင်းနှင့် ဈေးအနီး ၌ အလောင်းကစားဝိုင်းများကို ဖွင့်လှစ်ခဲ့သည့်အတွက် ပြည်သူများ နှင့် ကျောင်းသားမိဘများက စိုးရိမ် နေရကြောင်း သတင်းအရင်းမြစ်တစ်ဦးက သျှမ်းသံတော်ဆင့်ကိုပြောသည်။

“မြို့လယ် မွှေတော် နားမှာက သူတို့ထိန်းချုပ်ပြီးကတည်းက အ‌လောင်ကစားဝိုင်‌တွေဖွင့်လာတာ။ မိုင်းပါးကျေးရွာ ကလူတွေလာဆော့တာများတယ်သိတော့ အဲ့မှာထပ်သွားဖွင့်တာ ရွာက ဈေးနှင့် စာသက်ကျောင်းနဲ့ နီးတာပေါ့။ ဆော့တဲ့လူတွေများတော့ ကျောင်းသားမိဘတွေက ကလေးတွေပါ သွားဆော့မှာကို စိုးရိမ်နေရတာ”ဟု ၎င်းက ပြောသည်။

ထိုသိန္နီမြို့နယ် မိုင်းပါးကျေးရွာတွင် ဖွင့်လစ်သော အလောင်းကစားဝိုင်းတွင်လည်း ဒေသခံများအပြင် လယ်သမားများပါဝင်ဆော့နေပြီး လယ်ကွက်များကိုပါ ရောင်း၍ လောင်းကြေးတင်းဆော့နေကြောင်း သိန္နီမြို့ အမည်မဖော်လိုသည့် သတင်းအရင်မြစ်တစ်ဦးက သျှမ်းသံတော်ဆင့်ကိုပြောသည်။

“မိုင်းပါးမှာ လယ်သမားတွေပါလာဆော့တော့ အရမ်းစီးတယ်။မနေ့ရှေ့တနေ့မှ လာဖွင့်တာ‌တောင် လယ်ကွက် တွေပေါင်ပြီး ဆော့တာရှိတယ်။တချို့က လယ်ကွက်တွေပါ ရောင်း‌ပြီးလောင်းတာတွေလည်းရှိတယ်။အကျင့်တွေ ပျက်ပြီး ဆုံးရှုံးမှုတွေပဲဖြစ်မှာ ကိုစိုးရိမ်နေရတယ်။အလောင်ကစားက တော့အစုံပါပဲ။”ဟု ၎င်းက ဆိုသည်။

ယင်းကဲ့သို့ ကာလရှည်ကြာ လောင်းကစားဝိုင်း ဖွင့်လှစ်နေသည့်အတွက် သိန္နီမြို့နယ်အတွင်း ခိုးယူလုယက်မှုများ၊ လုံခြုံမှုများကို စိုးရိမ်နေရကြောင်း သိန္နီမြို့ ဒေသခံများက ပြောဆိုလိုက်သည်။

အဆိုပါ လောင်းကစားဝိုင်းများသည် မြို့တွင်းတွင် ပြုလုပ်နေသည့်အပေါ် ဒေသခံပြည်သူများ၏ သဘောထား တောင်းဆိုခြင်းနှင့် ကြိုတင်အသိပေးခြင်းများ မရှိသည့်အပြင် လက်နက်ကိုင်ထားသည့် MNDAA ထံမှ အခွန်ဆောင်ကာ ဖွင့်လှစ်နေကြောင်းသိရသည်။