သျှမ်းပြည် မြောက်ပိုင်းတွင် လက်တလောဖြစ်ပေါ်နေသည့် TNLA နှင့် SSPP/SSA တို့ နယ်မြေ အငြင်းပွားမှုကြောင့် နှစ်ဖွဲ့အကြား တင်းမာမှုများဖြစ်ပေါ်နေကြောင်း SSPP ထုတ်ပြန်ထားသည်။

ထိုထုတ်ပြန်ချက်သည် ယနေ့ (မေ ၃၁)ရက်တွင် ရှမ်းပြည်တိုးတက်ရေးပါတီ၊ ရှမ်းပြည်တပ်မတော် (SSPP/SSA) ကထုတ်ပြန်ထားသည်။

လက်တလောတွင်လည်း TNLA နှင့် SSPP/SSA တို့အကြား နယ်မြေအငြင်းပွားမှုနှင့် ပတ်သက်ပြီး SSPP/SSA မှ ဗဟိုအဆင့်ထိပ်သီးကိုယ်စာလှယ်များက ပြီးခဲ့သည့် ဧပြီလ ၂၁ ရက်နေ့တွင် တွေ့ဆုံးဆွေးနွေးခဲ့သည်။

ထိုနောက် အောက်ခြေတပ်များကို လိုက်နာရန် အမိန့်ထုတ် ပြန်ချက်များ ထုန်ပြန်ခဲ့ပြီး TNLA အနေဖြင့် လက်ရှိ ဖြစ်စဉ်များအပေါ် “ငြိမ်းချမ်းစွာအတူယှဉ်တွဲနေထိုင်လိုသည့်ဆန္ဒမရှိကြောင်း” TNLA ပြောရေးဆိုခွင့် ရှိသူ လွေးယေဦး ဆိုသူမှ Media များပေါ်တွင် ဖြေကြားချက်အရသိသာထင်ရှားကြောင်း SSPP ထုတ်ပြန်ချက်တွင် ရေးသားထားသည်။

မဟာမိတ် ကျင့်ဝတ်မဲ့စွာ နိုင်ငံရေးအသားစီးရလိုမှု၊ လူမျိုး‌ရေးခွဲခြားဆက်ဆံလိုမှု အခြေခံဖြင့် ခွင့်လွှတ် သည်းခံနိုင်စွမ်းထက် ဘောင်ကျော်ပြီး ပြုမှုပြောဆိုသည့် လုပ်ရပ် မှန်သမျှသည် မလိုလာအပ်သည့် စစ်ရေးအရ ဖြေရှင်းမှုများကို ဖိတ်ခေါ်ရာရောက်သည့် အတွက် SSPP/SSA မှ လုံးဝ ကန့်ကွက်ရှုချကြောင်း ထုတ်ပြန်ချက်တွင် ဖော်ပြထားသည်။

ရှမ်းပြည် တိုးရေးပါတီ/ရှမ်းပြည် တပ်မတော် SSPP/SSA မှ မဟာမိတ်အကြား “ငြိမ်းချမ်းစွာအတူ ယှဉ်တွဲနေထိုင်ရေးမူ” လက်ကိုင်းထားကာ ဗဟိုအဆင့်မှ အောက်ခြေတပ်များထိ လိုက်နာကျင့်သုံးစေရန် ထုန်းပြန်ချက်၊ အမိန့်ကြေညာချက်များ တွင် စဉ်ဆက်မပြတ် ထုတ်ပြန်ခဲ့ကြောင်း ရေးသားဖော်ပြထားသည်။

ယခု လက်ရှိ နိုင်ငံရေး/စစ်ရေးပြောင်းလဲမှု မြန်ဆန်သော အခြေနေကြောင့် SSPP/SSA အနေဖြင့် နိုင်ငံရေးဦး တည်ချက် မပြောင်းလဲသဖြင့် နိုင်းငံ‌ရေး ပြဿနာကို နိုင်ငံရေးနည်းဖြင့် ပထမ ဦးစားပေးနည်းလမ်း တွေ့ဆုံ ဖြေရှင်သွား မည်ဖြစ်ကြောင်း သိရသည်။

ထိုတို့ကြိုးစားလုပ်ဆောင်ချက်များတွင် မဟာမိတ်အချို့၏ လုပ်ဆောင်ချက်များကြောင့် SSPP/SSA အပေါ်နှင့် လူထု အပေါ် အထင်အမြင်လွဲမှားစေပြီး နိုင်ငံရေးဂုဏ်သိက္ခာနှင့် ငြိမ်းချမ်းရေးအတူယှဉ်တွဲနေထိုင်ရေးမူ ကို ခိုက်စေကြောင်း ထုတ်ပြန်ချက်တွင်ရေးသားဖော်ပြထားသည်။

အဆိုပါထုတ်ပြန်ချက်နှင့်ပတ်သက်ပြီး SSPP ပြောရေးဆိုခွင့်ရှိသူ ဗိုလ်မှူးစိုင်းဖုန်းဟန်ကို ဆက်သွယ် မေးမြန်းခဲ့သော်လည်း ဆက်သွယ်မရရှိခဲ့ပေ။

ပြီးခဲ့သည့် (မေလ ၂၇ ရက်) တွင် နမ့်ခမ်းမြို့နယ် ရွှေလီမြစ်ကမ်းဘေးရှိ SSPP တပ်စွဲထားသည့် ကျေးရွာများသို့ TNLA တပ်ဖွဲ့မှ စစ်အင်အား ဖြည့်တင်းလာပြီး ၎င်းကျေးရွာများကို ဝိုင်းရံပိတ်ဆို့ကာ SSPP တပ်သားများအား လက်နက်ကိုင်ဆောင် ခွင့်မပြုဘဲ ကားတင်ခေါ်ဆောင်ကာ မူဆယ် သို့မဟုတ် မန်ဟီးရိုးမြို့သို့ ယာဉ်တန်းဖြင့် ပို့ဆောင်လိုက်ကြောင်း နမ့်ခမ်းဒေသခံများက ပြောသည်။

အလားတူ ဇန်နဝါရီလ အတွင်းကလည်း TNLA သိမ်းပိုက်ထားသည့် နမ့်ခမ်းမြို့နယ်ထဲသို့ ညီနောင်မဟာမိတ်ဖြစ်သည့် ရှမ်းပြည်တိုးတက်ရေးပါတီ/ ရှမ်းပြည်တပ်မတော် (SSPP/SSA) မှ တပ်သားစုဆောင်းရေး ကိစ္စအပါအဝင် စစ်ရေး၊ အုပ်ချုပ်ရေး၊ ငွေကြေးကောက်ခံရေး စသည့် ကိစ္စများကို ဆက်လက်မလုပ် ဆောင်ရန် TNLA မှ အထူး မေတ္တာရပ်ခံကြောင်း ဇန်နဝါရီ ၂၁ ရက်စွဲဖြင့် စာပေးပို့ခဲ့သည်။