ကချင်ပြည် မြစ်ကြီးနားမြို့သို့ တိုက်ပွဲကြောင့် တိမ်းရှောင်လာကြသည့် ဝိုင်းမော်မြို့ စစ်ရှောင်များသည် အိမ်ငှားရမ်းခ စျေးတက်သဖြင့် အခက်အခဲများကြုံတွေ့နေရကြောင်း စုံစမ်းသိရသည်။

ကချင်ပြည် ဝိုင်းမော်မြို့နယ်တွင် တိုက်ပွဲများဖြစ်ပွားပြီးနောက် ဒေသခံများသည် မြစ်ကြီးနားမြို့ပေါ်သို့ ထွက်ပြေး တိမ်းရှောင်လာကြပြီး၊ အိမ်းငှားရမ်းနေထိုင်ရကြောင်း စစ်ဘေးရှောင် အမျိုးသမီး တစ်ဦး က သျှမ်းသံတော်ဆင့်ကို ပြောသည်။

“အဲ့မှာ အိမ်ငှားရတာက ၁ လ ၂ လ ဆို ရင် မချုပ်ပေးချင်ကြဘူး။သူတို့တွေက စာချုပ်ကို ၆ လ ချုပ်တို့ အနည်း ဆုံး ၃ လ ချုပ်မှ သူတို့တွေက ချုပ်ပေးချင်ကြတာ။ ကျနော်တို့လို စစ်ရှောင်တွေကြတော့ အခက်ခဲဖြစ် တာပေါ့။ တချို့နေရာတွေကြတော့ မီးကမရှိဘူး။တချို့အိမ်ကလည်း မီးရှိတယ်ပုံမှန်မလာဘူး။” ဟု စစ်ဘေးရှောင် အမျိုးသမီး က ပြောသည်၊

မြစ်ကြီးနားမြို့တွင် အိမ်ငှားခ တစ်လလျှင် ကျပ်ငွေ ၅ သိန်း မှ ကျပ်ငွေ ၇ သိန်း ရှိပြီး၊သက္ကသိုလ်နှင့် နီးသော အဆောင်များတွင် နှစ်ယောက်အိပ်တစ်ခန်း ကို တစ်လလျှင် ကျပ်ငွေ ၈ သောင်းခန့်ရှိကြောင်း ၎င်းကဆက်ပြောသည်။

ဝိုင်းမော်မြို့တွင် တိုက်ပွဲများကြောင့် မြစ်ကြီးနားသို့ ထွက်ပြေးသိမ်းရှောင်နေကြပြီး ခိုးဆိုးလုယက်များ ကိုလည်း စိုးရိမ်သရဖြင့် တစ်အိမ်ကို တစ်ယောက် အိမ်စောင့်ကျန်ခဲ့ကြောင်း သိရသည်၊။

“အိမ်မှာ တစ်ယောက်ယောက်နေထားရတာကလည်း စိုရိမ်လို့လေ။ ခိုးတာတွေ အိမ်ထဲမှာ တပ်ဆွဲတာ တွေလုပ်မှာကြောက် တာပေါ့။ တချို့ရွာတွေမှာကျတော့ အိမ်မှာ ပစ္စည်း ပြောင်းရွှေ့သလိုလိုနဲ့ လိုက်ခိုးနေတာ တွေရှိလို့လေ။ အရမ်းကို စိုးရိမ်ရတာပေါ့။”ဟု ၎င်းကပြောသည်။

ဝိုင်းမော်မြို့နယ်တွင် တိုက်ပွဲများကြောင့် မြစ်ကြီးနား မြို့သို့ မြို့လုံးကျွတ်နီးပါ ထွက်ပြေးတိမ်းရှောင်နေကြရပြီး ဝိုင်းမော်မြို့နှင့် မြစ်ကြီးနားမြို့သည် မိနစ် ၄၀ ခန့်သာကွာဝေးကြောင်း သိရသည်။

ထိုသို့ မြို့လုံးကျွတ်နီးပါးထွက်လာသဖြင့် အများစုသည် ဘုန်းကြီးကျောင်း နေထိုင်နေကြပြီး ကလေးနှင့် သက်ကြီးရွယ်ရှိသော မိသားစုများသည် အိမ်များငှား၍နေထိုင်နေကြောင်း စစ်ရှောင်များကပြောသည်။

ထိုပြင် အချို့စစ်ဘေးရှောင်အချို့သည် ငွေကြေးမတက်နိုင်သဖြင့် နေရာပြောင်းရွှေ့ရန် ခက်ခဲမှုများရှိနေကြောင်း သိရသည်။

“တိုက်ပွဲမဖြစ်တုန်ကလည်း ဝင်ငွေရမလုပ်တွေမရှိတာရယ် ကုန်ဈေးနှုန်းတွေမြင့်တက်လာတာရယ် နိုင်ငံရေးက ယှက်ထတာတွေရယ် အဲ့လို တွေကြောင့် စားဝတ်နေရေးတောင်အနိုင်နိုင်ရုန်းကန်နေရတာ။အခု စစ်ပြန်‌ရှောင် ရတဲ့ အချိန်မှာကြတော ဝင်ငွေရအလုပ်တွေလည်း မလုပ်နိုင်ဘူး အိမ်ငှားခဖို့တွေကလည်း မတက်နိုင်တဲ့လူဆို မပြေးတော့ဘူး အိမ်မှာပဲ နေကြတော့တာ။”ဟု ဝိုင်းမော်မှ ဒေသခံ အမျိုးသမီး တစ်ဦးက ထပ်လောင်းပြောသည်။

ပြီခဲ့သည့် (မေလ ၂၆ရက်) တွ င်ကချင်လွတ်လပ်ရေး တပ်မတော်-KIA က ဝိုင်းမော်မြို့နယ်၊ ဘီဒရာရွာ၌ ထိန်းသိမ်းထားသည့် အလုပ်သမားနှင့် စစ်တပ်မိသားစုဝင် စုစုပေါင်း ၁၀၀ ခန့်ကို ပြန်လွှတ်ပေးခဲ့ကြောင်း သိရသည်။