သျှမ်းပြည် လဲချားမြို့နယ် ဝန်ထီးကျေးရွာအုပ်စုရှိ ဝိဟန်စလိုင်းခုန် ဘုန်းကြီးကျောင်း ယနေ့ ( မတ်လ ၁၃) ရက် မွန်လွဲ ၃ နာရီဝန်းကျင်တွင် မီးလောင်မှုဖြစ်ပွားခဲ့ကြောင်း စုံစမ်းသိရသည်။
အဆိုပါ လဲချားမြို့နယ် ဘုန်းကြီးကျောင်း မီးလောင်မှုဖြစ်စဥ်မှာ ဆိုလာမီးလျော့ရာမှ ဘတ္ထရီ ပေါက်ကွဲရာမှ မီးလောင်မှုဖြစ်ပွားခဲ့ကြောင်း လဲချားမြို့ ဒေသခံ အမျိုးသားတစ်ဦးက သျှမ်းသံတော်ဆင့်ကိုပြောသည်။
“ မီးလောင်တာကဟုတ်တယ်။မီးလောင်တာက ၃ နာရီလောက်စနေစလောင်တာ။ပစ္စည်းတွေတော့ အပြင်မသယ်ထုတ်လိုက်ရဘူး။ထိခိုက်မှုတော့ မရှိဘူး။ဆုံးရှုံးမှုတန်ဖိုးလည်း မသိရသေးဘူး။”ဟု အသက် ၃၀ အရွယ်ရှိ ဒေသခံအမျိုးသားကဆိုသည်။
ထို မီးလောင်သွားသော ဘုန်းကြီးကျောင်းသည် လဲချားမြို့၏ မြောက်ဖက် ၁၅ မိုင်ခန့်သာဝေးပြီး၊စာသင်တိုက်တစ်ခုဖြစ်ကာ တစ်နှစ် ကိုရင် ၃၀မှ၄၀ပါးထိ ပရိယတ္တိ စာပေကို နှစ်စဉ်လာရောက်လေ့လာဆည်းပူးသည့် ကျောင်းလည်းဖြစ်သည်။
Leave a Comments