သျှမ်းပြည် မိုင်းကိုင်မြို့ တွင် နှစ်စဥ်နှစ်တိုင်း စည်းကားသိုက်မြိုက်စွာ ကျင်းပသည့် တပေါင်းပွဲတော်ကို ယခုနှစ်အတွင်း ကျင်းပပြုလုပ်မည် မဟုတ်ကြောင်း စုံစမ်းသိရသည်။
သျှမ်းပြည် မိုင်းကိုင်မြို့နယ် မွေတော်စေတီတွင် နှစ်စဥ်နှစ်တိုင်း စည်ကားသိုက်မြိုက်စွာကျင်းပသည့် တပေါင်းပွဲတော်ကို ယခုနှစ်၌ လက်နက်ကိုင်များမှ စစ်သားစုဆောင်းမှုနှင့် နိုင်ငံရေး မတည်ငြိမ်ကာ တိုက်ပွဲများကြောင့် ကျင်းပပြုလုပ်မည်မဟုတ်ကြောင်း ဒေသခံများက သျှမ်းသံတော်ဆင့်ကို ပြောသည်။
“တပေါင်းပွဲက ဒီနှစ်ကတော့မလုပ်ဖြစ်တော့ဘူး။ကျနော်တို့ ကော်မတီတွေဖွဲ့ပြီးလုပ်တာတော့မရှိတော့ဘူး။ မိုင်းကိုင်က အလယ်မှာရှိတာလေ။သူများတွေလာလို့ တခုခု ဖြစ်ရင်လည်း ကျနော်တို့ စိတ်မကောင်းဘူးလေ”ဟု မိုင်းကိုင်ဒေသခံအမျိုးသားတစ်ဦးက ပြောသည်။
ယခင်တွင် တပေါင်းပွဲရက်နီးပါက ဆိုင်ခန်းများ မုန့်ဈေးတန်းများ ပြုလုပ်ကာ ဈေးရောင်းရန် ပြင်ဆင်ကြပြီး ယခုနှစ်တွင် ဆိုင်ခန်းများ မုန့်ဈေးဆိုင်များလည်း ပြုလုပ်ခြင်းမရှိကြောင်း ဒေသခံအမျိုးသမီးတစ်ဦးက သျှမ်သံတော်ဆင့်ကိုပြောသည်။
“ဒီလို နိုင်ငံရေးတွေရှုပ်နေတော့ ဘယ်သူမှ ဘာမှစီစဥ်ထားတာမရှိဘူး။ အရင်တုန်းကဆို ပွဲရက်နီးလာရင် ကုန်ပစ္စည်းတွေ ဘာတွေရှာဝယ်ကြပြီ အခုကြတော့ နိုင်ငံရေးမကောင်းတော့ ဘယ်သူမှ ဘာမှလိုက်မဝယ် ရဲကြဘူး။အများကြီးဝယ်ထားမိရင်လည်း ပွဲမဖြစ်ရင် ဈေးရောင်းတဲ့လူတွေအတွက်အခက်အခဲဖြစ်တာပေါ့။”ဟု မိုင်းကိုင်ဒေသခံ အမျိုးသမီးတစ်ဦက ပြောသည်။
အလားတူ သီပေါမြို့ ဘော်ကြိုဘုရားကြီးတွင်လည်း တပေါင်းပွဲတော်ကို ကျင်းပဖြစ်မည်မဟုတ်ကြောင်း ဒေသခံများက သျှမ်းသံတော်ဆင့်ကိုပြောသည်။
မိုင်းကိုင်မြို့နယ် အတွင်း ရှမ်းပြည်တိုးတက်ရေးပါတီ၊ ရှမ်းပြည်တပ်မတော် (SSPP/SSA) နှင့် စစ်ကောင်စီ တို့ လှုပ်ရှားသည့် ဒေသဖြစ်သည်။
Leave a Comments