Sunday, July 21, 2024

ကိုးကန့်ဒေသအတွင်း အလုပ်သမားခေါ်၊ ရန်သူ့သူလျှိုများပါလာရင် အရေးယူမည် MNDAA ထုတ်ပြန်

Must read

သျှမ်းပြည် ကိုးကန့် အထူးဒေသ(၁)အတွင်း အလုပ်သမားများပြန်လည်ခေါ်ဆိုနေသော်လည်း ထိုထဲတွင် ရန်သူ့သူလျှိုပါလာလျှင် ကုမ္ပဏီနှင့် အလုပ်ရှင်များကို အရေးယူသွားမည်ဟု MNDAA က ပြောဆိုလိုက်သည်။

စစ်ပွဲငြိမ်းစဲပြီးနောက် ဒေသပြန်လည်တည်ဆောက်ရေးတွင် အလုပ်သမားများနှင့် နည်းပညာရှင် အမြောက်အမြား လိုအပ်ကြောင်း MNDAA က ဖေဖော်ဝါရီ ၁၈ ရက်စွဲဖြင့် ထုတ်ပြန်လာသည်။

ကိုးကန့်တပ် (MNDAA) ထိန်းချုပ်သည့် ဒေသအတွင်း အလုပ်သမားများ ခေါ်ယူနေပြီး၊ အလုပ်သမားဝန်ဆောင်မှု ကုမ္ပဏီများ တည်ထောင်ခွင့်ပြုလိုက်ကြောင်း ဖေဖော်ဝါရီ ၁၈ရက်စွဲဖြင့် ထုတ်ပြန်လာသည်။

ကိုးကန့်ဒေသအတွင်းသို့ ပြင်ပမှ ရောက်ရှိလာသော အလုပ်သမားများတွင် သူလျှိုများ၊ ရန်သူအေဂျင့်များ ရောနှောပါဝင်လာပြီး ထောက်လှန်းရေး သို့မဟုတ် ဖောက်ခွဲရေး အခွင့်အလမ်းများကို စောင့်မျှော်နေခြင်းများ မဖြစ်စေရန် ကြိုတင်ကာကွယ်ရမည်ဟုလည်းထုတ်ပြန်ချက်တွင် ရေးသားထားသည်။

လုပ်ငန်းရှင်များသည် မိမိ ဆန္ဒသဘောဖြင့် အလုပ်သမားတွေများကို ခေါ်ယူခွင့်ရှိပြီး၊ ထိုအလုပ်သမားထဲတွင် ခေါ်ယူသော ပါလာပါက ကုမ္ပဏီ (သို့) အလုပ်ရှင်များကို ထုတ်ပြန်ထားသော စည်းကမ်းချက်နှင့် အညီအရေးယူသွားမည်ဖြစ်ကြောင်း ဖေဖော်ဝါရီ ၁၈ ရက်နေ့တွင်ထုတ်ပြန်ခဲ့သည်။

ထို့ပြင် အထူးဒေသအတွင်း အလုပ်သမားဝန်ဆောင်မှုကုမ္ပဏီများ တည်ထောင်ဖွင့်လှစ်ရန် ကြိုဆိုသော်လည်း အလုပ်သမားများအနေဖြင့် လုပ်ငန်းပိုင်ရှင်များမိမိသဘောဖြင့် ခေါ်ယူခွင့်ပြုသော်လည်း ခေါ်လာသော အလုပ်သမားများအနက် ရန်သူ့သူလျှိုများ တွေ့ရှိပါက ခေါ်ယူသော ကုမ္ပဏီသို့မဟုတ် လုပ်ငန်းပိုင်ရှင်များကို MNDAA က အရေးယူသွားမည်။

အလုပ်သမားများသည် နိုင်ငံရေး နောက်ခံ မသန့်ရှင်းသူ၊ စစ်ကောင်စီနှင့် ဆက်နွယ်နေသူများကို ခန့်ရန် နှင့် လူမျိုးကန့်သတ်ချက်မရှိကြောင်း MNDAA ပြောခွင့်ရ အရာရှိ လီကျားဝင်းက ဖေဖော်ဝါရီ ၁၈ရက်တွင် Myanmar Now သတင်းဌာနကို ဖြေကြားထားသည်။

ဆက်လက်ပြီး အလုပ်ရှင်နှင့် အလုပ်သမားအကြား အငြင်းပွားမှု တစုံတရာဖြစ်ပေါ်လာပါက သက်ဆိုင်ရာဥပဒေဌာနမျာ တရားစွဲဆိုခြင်း၊ အလုပ်သမား ဝန်ဆောင်မှု ကုမ္ပဏီထံ အကူညီတောင်းခံပြီး ဖြေရှင်းခိုင်းတာတွေ လုပ်ဆောင်နိုင်သည်။

အလုပ်သမားများအားလုံးသည် အထူးဒေသ၁ ရဲတပ်ဖွဲ့ထံမှာ လုပ်ငန်းကဒ် လျှောက်ထားရမည်ဖြစ်၊ လုပ်ငန်းကဒ် ရှိသူများသည် ဒေသအတွင်း ခေတ္တနေထိုင်ခွင့်ရှိသော်လည်း ရပ်ကွက်ကျော် ‌ရွှေ့ပြောင်းနေထိုင်ခြင်းကို ခွင့်မပြုရန် MNDAA ထုတ်ပြန်ချက်တွင်ရေးသားထားသည်။

အလုပ်သမား ဝန်ဆောင်မှု ကုမ္ပဏီ‌တွင် လျှောက်ထား‌သော လုပ်ငန်များကို ရဲတပ်ဖွဲ့မှ ဦးစွာလပ်ခံလုပ်ဆောင်ပေးပြီး ပြည်ပမှ ရောက်ရှိလာသော အလုပ်သမားများကို အချိန်မှီလုပ်ငန်ဝင်နိုင်ရန် ဆောင်ရွက်ပေးသွားမည်ဟု ထုတ်ပြန်ခဲ့သည်။

Leave a Comments

- Advertisement -spot_img

Latest article