Sunday, July 14, 2024

စစ်အာဏာရှင်အမြစ်ပြတ် ဆက်လက်ချီတက်မည်ဟု PNLAပြော

Must read

ပအိုဝ်းအမျိုးသားလွတ်မြောက်ရေး တပ်မတော် PNLA အနေဖြင့် တိုင်းရင်းသားလက်နက်ကိုင်အဖွဲ့ ပေါင်းစုံနှင့် ပူးပေါင်းပြီး စစ်အာဏာရှင်အမြစ်ပြတ်ရေး ဆက်လက်ချီ တက်သွားမည်ဟု PNLA ကပြောဆိုလိုက်သည်။

ဆီဆိုင်မြို့ကို ပအိုဝ်းအမျိုးသားလွတ်မြောက်ရေး တပ်မတော် PNLA မှ ထိန်းချုပ်ပြီးနောက် စစ်ကောင်စီသည် ၎င်းတို့လက်လွတ်ဆုံးရှုံးရသည့် မြို့များ၊ ရွာများကို အလုံးစုံဖျက်ဆီးပစ်ရေး သဘောထားဖြင့် တိုက်ခိုက်ဖျက်ဆီးနေကြောင်း ယမန်နေ့ (ဇန်နဝါရီလ ၃ ရက်) မှာ PNLAကထုတ်ပြန်ခဲ့သည်။

“အခုကျနော်တို့တိုင်းရင်းသားလက်နက်ကိုင်အဖွဲ့ ပေါင်းစုံနဲ့ ပူးပေါင်းပြီးတော့ လုပ်ဆောင်သွားမယ်။ မူကော၊ ပေါ်လစီကော ကျနော်တို့ဘုံသဘောထားတူတူနဲ့ ရှေ့ဆက်တက်မယ်” ဟု PNLA ၏ တပ်ဖွဲ့ဝင်တစ်ဦးက သျှမ်းသံတော်ဆင့်ကို ပြောသည်။

ဇန်နဝါရီလ ၂၈ ရက်မှစ၍ ဆီဆိုင်မြို့ကို ပအိုဝ်းအမျိုးသားလွတ်မြောက်ရေး တပ်မတော် PNLA မှ ထိန်းချုပ်နိုင်ကြောင်း ကြေညာပြီးနောက် စစ်ကောင်စီသည် ၎င်းတို့ လွက်လွတ်ဆုံးရှုံးရသည့် နေရာများကို လက်နက်ကြီးများ၊ လေယာဉ်များဖြင့် ဗုံးကြဲတိုက်ခိုက်ခြင်းများ ဆက်လက်လုပ်နေလျက် ရှိကြောင်း ဆိုသည်။

အလားတူ ဖေဖော်ဝါရီလ ၂ ရက်တွင်လည်း မြေပြင်မှာ တိုက်ပွဲဖြစ်ပွားခြင်းမရှိဘဲ စစ်ကောင်စီက လေယာဉ်များဖြင့် ပစ်ခတ်၊ ဗုံးကြဲမှု ပြုလုပ်သောကြောင့် ပအိုဝ်းတမျိုးသားလုံး အထွဋ်အမြတ်ထား ကိုးကွယ်သည့် ဇဝနာရာမပရိယတ္တိစာသင်တိုက်ကျောင်းကြီး ပျက်စီးသွားကြောင်း ရေးသားဖော်ပြထားသည်။

“သူတို့က ပြည်သူလူထုကို အမြင်မှားအောင် လုပ်တာ။ နင်တို့တိုင်းရင်းသား လက်နက်ကိုင်အဖွဲ့ကြောင့် ခံရတာ။ ငါတို့က ဖျက်ဆီးတာမဟုတ်ပါဘူးဆိုပြီး ကျနော်တို့နဲ့ ပြည်သူလူထုကို သွေးခွဲအောင် လုပ်ဆောင်နေတာ” ဟု PNLA ၏ တပ်ဖွဲ့ဝင်တစ်ဦးက ထပ်လောင်းပြောသည်။

ထို့အပြင် ဆီဆိုင်မြို့ကို PNLA မှထိန်းချုပ်ပြီးနောက် စစ်ကောင်စီသည် ပအိုဝ်းမြို့များ၊ ရွာများကို အလုံးစုံ ဖျက်စီးပစ်ရေးသဘောထားဖြင့် တိုက်ခိုက်ဖျက်စီးခြင်းကြောင့် ဘုန်ကြီးကျောင်း ၅ ကျောင်း၊ ဓမ္မာရုံ ၁ ခု၊ ဘုရားရှိခိုးကျောင်း ၁ ကျောင်း၊ စာသင်ကျောင်း ၁ ကျောင်းနှင့် မိဘပြည်သူများ၏ နေအိမ်အများအပြား ထိခိုက်ပျက်စီးခဲ့သည်။

သျှမ်းသံတောင်ဆင့်မှ သီးခြားကောက်ယူထားသည့် စာရင်းမှတ်တမ်းများအရ လက်နက်ကြီးများ၊ လေယာဉ်များဖြင့် ပစ်ခတ်၊ ဗုံးကြဲတိုက်ခိုက်ခြင်းကြောင့် ပြည်သူ ၂ ဦးသေဆုံးပြီး ၄ ဦးထိခိုက်ဒဏ်ရာရရှိခဲ့သည်။

ထို့ကြောင့် သက်ဆိုင်ရာအစုအဖွဲ့များ၊ မိဘပြည်သူများအနေဖြင့်လည်း စစ်အာဏာရှင်စနစ် အဆုံးသတ်ရေး သက်ဆိုင်ရာက ကဏ္ဍအသီးသီးတွင် ပူးပေါင်းပါဝင်ကြရန် PNLA မှတိုက်တွန်းထားသည်။

Leave a Comments

- Advertisement -spot_img

Latest article