သျှမ်းပြည်တောင်ပိုင်း၊ ဆီဆိုင်မြို့နယ် ဆမ်ဆိုင်ရွာနှင့် ကွန်ကောင်းမူးရွာကြားတွင် ပအိုဝ်းပြည်သူ့စစ်(PNO) မောင်းလာသည်ကားနှင့် ဆိုင်ကယ်တိုက်မိဖြစ်ပွားကာ အမျိုးသားတဉီး ပွဲချင်းပြီးသေဆုံးပြီး အမျိုးသမီး ထိခိုက်ဒဏ်ရာ ပြင်းထန်ကာ ဆေးရုံသို့ပို့ဆောင်ထားကြောင်း သတင်းရရှိသည်။
ဖြစ်စဉ်မှာ ပြီးခဲ့သည့် ဇူလိုင်လ (၂၀)ရက်ည နေ (၅)နာရီဝန်းကျင်တွင် ဆီဆိုင်မြို့နယ် ဆမ်ဆိုင်ရွာနှင့် ကွန်ကောင်းမူးရွာကြားတွင် တောင်ယာမှ ဆိုင်ကယ်ဖြင့် ပြန်လာသည့် လင်မယားနှစ်ဦးကို အရက်မူးပြီး မောင်းလာသည့် PNO အရာရှိတဉီး၏ ကားက ဝင်တိုက်သဖြင့် အမျိုးသားသည် ပွဲချင်ပြီးသေဆုံးကာ အမျိုးသမီးသည် ထိခိုက်ဒဏ်ရာပြင်းထန်းရရှိပြီး တောင်ကြီးဆေးရုံသို့ပို့ဆောင်ထားကြောင်း မျက်မြင်တွေ့ရှိခဲ့သည့် အသက် ၄၀အရွယ်အမျိုးသားတဉီးက သျှမ်းသံတော်ဆင့်ကိုပြောသည်။
“ ကားကတော့အကောင်းစားပဲ၊ PNO ဝတ်စုံဝတ်ထားတာ။ အရက်နံလည်းရတယ်။ ကားအရှိန်ကြောင့် လင်းမယားနှစယောက်လုံး လွှင့်သွားတယ်။ အမျိုးသားကတော့ ပွဲချင်းပြီးပဲ။ အမျိုးသမီးကတော့ အခု တောင်ကြီး စဝ်စံထွန်းဆေးရုံမှာပါ။ ဒဏ်ရာပြင်းတယ်” ဟု ၎င်းက ဆိုသည်။
PNO အရာရှိ ကားဖြင့် တိုက်ခံရပြီး ပွဲချင်းပြီးသေဆုံသွားသည် စိုင်းကြီးသည် အသက် ၃၈နှစ်အရွယ်ရှိပြီး ၎င်း၏ဇနီးဖြစ်သူသည် အသက် ၃၅နှစ်အရွယ်ရှိကြောင်းသိရသည်။
အဆိုပါလင်မယားနှစ်ဉီးကို ကားဖြင့်တိုက်ခဲ့သည့် PNO အရာရှိသည် လက်ရှိအချိန်ထိ အရေးယူထားခြင်း မရှိသည့်အပြင် လျော်ကြေးငွေများလည်း လာရောက်ပေးခြင်းမရှိကြောင်း ဒေသခံများပြောပြချက်အရသိရဿည်။
“ PNO အရာရှိဆိုတော့ ဖမ်းမှာ မဟုတ်ဘူး။နောက်ပြီး အမျိုးသားက သေဆုံးပြီ၊ အမျိုးသမီးက ဆေးရုံမှာ ဆေးကုစရိတ်ရော နာရေးစရိတ်ရော ဘာမှ လာပေးတာမရှိဘူး” ဟု အခင်းဖြစ်ပွားမှုကို သိရှိသူ ခွန်မျိုးက သျှမ်းသံတော်ဆင့်ကိုပြောသည်။
အဆိုပါ စိုင်းကြီးတို့ ဇနီးမောင်နှံသည် ဆီဆိုင်မြို့နယ် ဘန်းယဉ်ကျေးရွာ အုပ်စု ဖိုင်ကွမ်းရွာတွင် နေထိုင်သူ ဖြစ်ပြီး စိတ်သဘောထားပြည့်ဝသူများဖြစ်ပြီး ၎င်တို့တွင် သား၊သမီး (၃)ဉီးရှိကြောင်းသိရသည်။
ဆက်လက်ပြီး ကားနှင့်တိုက်ပြေးသူသည့် PNO အရာရှိကို ၎င်း၏ တပ်ဖွဲ့ဝင်များက အခင်းဖြစ်ပွားသည့်နေရာတွင် ချက်ချင်းလာရောက်ခေါ်ဆောင်သွားကြောင်း ခွန်မျိုးက ဆိုသည်။
“ ကလေး(၃)ယောက်ကလည်း ကျောင်းတက်တဲ့အရွယ် ဆိုတော့ အခု အကူအညီတွေလိုအပ်နေတယ်။ ကလေးတွေကလည်း ငယ်သေးတယ်။ အခုတော့ ရွာကလူတွေပဲ ကူကြည့်ပေးနေတာ” ဟု ၎င်းက ပြောသည်။
ဆီဆိုင်မြို့နယ်တွင် ဆိုက်ခေါင် ပအိုဝ်းပြည်သူ့စစ်(PNO) နှင့် နောင်မွန် ပအိုဝ်းပြည်သူ့စစ်(PNO) ဟူ၍ နှစ်ဖွဲ့ရှိကြောင်းနှင့် ယခု ဖြစ်စဉ်တွင် ဆိုက်ခေါင် ပြည်သူ့စစ် တပ်ဖွဲ့ဝင်များ ဖြစ်နိုင်ကြောင်း ၎င်းအမျိုးသားက မှတ်ချက် ပြုထားသည်။
Leave a Comments