သျှမ်းပြည်တောင်ပိုင်း ဆီဆိုင်မြို့ရှိ ယာယီမြို့မဈေးတွင် ရေထွက်ပေါက်စနစ် စနစ်တကျမရှိသဖြင့် မိုးသည်းထန်စွာ ရွာသွန်းတိုင်း ဈေးအတွင်း ရေဝပ်နေကြောင်း စုံစမ်း သိရသည်။
ယနေ့ (ဩဂုတ်လ ၂၀ ရက်) ဆီဆိုင်မြို့ ဈေးနေ့ကျရောက်သည့် နေ့ဖြစ်ပြီး မိုးသည်းထန်စွာ ရွာသွန်းမှုကြောင့် ယာယီမြို့မဈေးအတွင်း ရေများဝင်ရောက်ကာ ရေဝပ်နေကြောင်း ဆီဆိုင်မြို့နေ ဒေသခံအမျိုးသားတစ်ဦးက သျှမ်းသံတော်ဆင့်ကို ပြောသည်။
“အခုဈေးက ယာယီဈေးဆိုတော့ ရေထွက်ပေါက်က စနစ်တကျမရှိလို့ပါ။ မိုးကြီးလာရင်တော့ ရေများလာတာပေါ့ ။ရေဝင်တော အဲ့ရေတွေက ဝပ်ပြီးကျန်နေတာ ခုတော့ ပြန်ကျသွားပါပြီ” ဟု ဆီဆိုင်မြို့နေ ဒေသခံ အမျိုးသားတစ်ဦးက ပြောသည်။
ပြီးခဲ့သည့် ၂၀၂၄ ခုနှစ်အတွင်း ဆီဆိုင်မြို့တွင် ဖြစ်ပွားခဲ့သည့် တိုက်ပွဲများကြောင့် နေအိမ်များ နှင့် မြို့မဈေးအပါအဝင် ပျက်စီးမှုများပြားခဲ့ပြီး မီးလောင်ပျက်စီးခဲ့ရသည်။
ထိုတိုက်ပွဲများကြောင့် မီးလောင်ပျက်စီးသွားသော မူလမြို့မဈေးနေရာ၌ ဒေသခံများ စားဝတ်နေရေး အဆင်ပြေစေရန်နှင့် ပြန်လည်ထူထောင်ရေးအတွက် ယာယီဈေးကို တည်ဆောက် ဖွင့်လှစ်ခဲ့ကြကြောင်း သိရသည်။
Leave a Comments