Thursday, April 18, 2024

တောင်ကြီး အတွင်း တိုက်ပွဲဖြစ်ပွားမည်ကိုစိုးရိမ် ကျောင်းအချိန်စာမေးပွဲရက်ရွှေ့

Must read

တောင်ကြီးမြို့နယ်အတွင်း တိုက်ပွဲဖြစ်ပွားစိုးရိမ်မှုရှိသဖြင့် အခြေခံပညာရေးကျောင်းအချို့ စာမေးပွဲရက်ရွှေ့ ပြောင်းထားကြောင်း ကျောင်းသားနှင့်မိဘများက ပြောသည်။

တောင်ကြီးမြို့နယ်

တောင်ကြီးမြို့နယ်နှင့် မိုင်၂၀ ခန့်သာဝေးကွာသော ဟိုပုံးမြို့နယ်နှင့် ဆီဆိုင်မြို့နယ် အတွင်း စစ်ကောင်စီ လက်အောက်ခံ ပအိုဝ်းပြည်သူစစ် (PNO/PNA) နှင့် ပအိုဝ်းအမျိုးသားလွတ်မြောက်ရေးတပ်မတော် (PNLO/PNLA) ဇန်နဝါရီနောက်ဆုံးပတ်တွင်း တိုက်ပွဲများစတင်ခဲ့သည်။

ထို့ကြောင့် တောင်ကြီးမြို့နယ်အတွင်းကို စစ်မီးကူလာမည်ကို စိုးရိမ်သည့်အတွက်ကြောင့် အမှတ်( ၁၀)​အခြေခံ ပညာအထက်တန်းကျောင်း စာမေးပွဲဖြေဆိုမည့်ရက်များကို ရွှေ့ပြောင်းထားကြောင်း အထက်တန်းကျောင်းသားတစ်ဦးက သျှမ်းသံတော်ဆင့်ကိုပြောသည်။

“စာမေးပွဲဖြေဖို့ ပြောထားက ဒီလကုန် ပြောထားပြီး တိုက်ပွဲတွေကြောင့် ရက်က နောက်လ ၁၃ ရက်ထွက်ထားတယ်ပြောတာပဲ အပြောင်းအလဲရှိရင်ပြန်ပြောမယ်ပြောတယ်။”ဟု ၎င်းကပြောသည်။

တစ်နှစ်ပတ်သာ တက်လာသော ပညာရေးများကို တိုက်ပွဲကြောင့် နောက်ဆုံးစာမေးပွဲမဖြေရမည်ကို စိုးရိမ်ကြကြောင်း ကျောင်းသား၊ ကျောင်းသူများက ပြောသည်၊

စစ်ကောင်စီနှင့်လက်အောက်ခံ ရှမ်းဝန်ကြီးချုပ်က တောင်ကြီးမြို့နယ်ရှိ ပညာရေးဝန်ထမ်းများကို အသင့်ရှောင်နိုင်ဖို့ ပြင်ဆင်ခိုင်းထားကြောင်း သိရသည်။

တောင်ကြီး ဆေးတက္ကသိုလ်အတွင်းကို ပြီးခဲ့သည့် ဇန်နဝါရီလ ၂၉ ရက်နေ့တွင် စစ်ကောင်စီက တပ်စွဲထားကြောင်း မျက်မြင်တွေ့ရှိခဲ့သူတစ်ဦးက ပြောသည်။

ထို့ပြင် အထူးဒေသ ( ၆ )အတွင်းရှိ ကျေးရွာအုပ်စုများကို စစ်ကောင်စီလက်အောက်ခံ PNA က လက်နက်တပ်ဆင်ပေးထားကြောင်း သိရသည်။

Leave a Comments

- Advertisement -spot_img

Latest article