သျှမ်းမြောက် မူဆယ်မြို့နယ် စယ်လန့်ကျေးရွာတွင် ယမန့်နေ့ (ဒီဇင်ဘာ ၂)ရက် ည ၆နာရီကျော်တွင် စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား(၃)ဦးထိခိုက်ဒဏ်ရာရရှိပြီး နေအိမ်အများအပြား ပျက်စီးသွားကြောင်းစုံစမ်းသိရသည်။
မူဆယ်မြို့နယ် စယ်လန့်ကျေးရွာ ယမန်နေ ဒီဇင်ဘာလ ၂ ရက်နေ့ည ၆ နာရီကျော်တွင် စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အမျိုးသားတစ်ဦး၊အမျိုးသမီးတစ်ဦးနှင့် ကလေးတစ်ဦးထိခိုက်ဒဏ်ရာရရှိခဲ့ပြီး နေအိမ်များ ၃ လုံးထက်မနည်းပျက်စီးခဲ့ကြောင်း အသက် ၄၀ ကျော်အရွယ် အမျိုးသားတစ်ဦးက သျှမ်းသံတော်ဆင့်ကို ပြောသည်။
“ဒဏ်ရာရသွားတဲ့လူက ၃ ယောက်။တချို့အိမ်တွေကတော့ လုံးဝကို ပျက်စီးသွားတာ ဘေးအိမ်တွေလည်း ထိတယ်။ ပျက်စီးတာတွေရှိတယ်။ဘာတိုက်ပွဲမှုမရှိဘဲ လေယာဉ်နဲ့ကို လာပစ်သွားတာ” ဟု အသက် ၄၀ကျော်အရွယ်ရှိ အမျိူသားတစ်ဦးက ပြောသည်။
စယ်လန့်ကျေးရွာအတွင်း တိုက်ပွဲမရှိဘဲ စစ်ကောင်စီတပ်ဖွဲ့သည် အရပ်သားနေအိမ်ကို ဦးတည်ပြီး လေကြောင်းဖြင့် ပေါင် ၅၀၀ဗုံးဖြင့် ကြဲကြ တိုက်ခိုက်မှု ပြုလုပ်နေကြောင်း ပြည်သူများက ပြောသည်။
ပြီးခဲ့သည့် ( ဒီဇင်ဘာလ ၁) ရက် ညပိုင်းတွင်လည်း နမ့်ခမ်းမြို့၌ စစ်ကောင်စီမှ ဂျက်ဖိုက်တာလေယာဥ်ဖြင့် နောင်စန့်၊ ဟိုကတ်၊ကောင်းနောင်မိုရပ်ကွက်တို့တွင် ဗုံးကြဲတိုက်ခိုက်ခဲ့သဖြင့် အမျိုးသား ၁ ဦး ထိခိုက်သေဆုံးပြီး၊ အရပ်သား ၅ ဦးထက်မနည်း ထိခိုက်ဒဏ်ရာရရှိခဲ့ကာ နေအိမ်များ ပျက်စီး ခဲ့ကြောင်းသိရသည်။
နမ့်ခမ်းမြို့နယ်နှင့် မူဆယ်မြို့နယ်သည် မြန်မာ-တရုတ်နယ်စပ်မြို့ဖြစ်ပြီး၊ စစ်ကောင်စီ တပ်ဖွဲ့မှ လေကြောင်းလိုင်အကြီးအကျယ်အသုံးပြုပြီး ဗုံးကြဲတိုက်ခိုက်မှု ဆက်တိုက်ပြုလုပ်နေသဖြင့် တရုတ်ပြည်ဂျယ်ဂေါင်တွင်နေထိုင်သည့် ပြည်သူများကို ရွှေလီမြို့တွင်းသို့ ရှောင်တိမ်းရန် တရုတ်အရာရှိများက အကြောင်းကြားထားကြောင်း သတင်းရရှိသည်။
Leave a Comments