နမ့်ခမ်းမြို့တွင် စစ်ကောင်စီမှ ဂျက်ဖိုက်တာလေယာဉ်ဖြင့် ဗုံးကြဲတိုက်ခိုက်မှ ကြောင့် အရပ်သား ထိခိုက်သေဆုံးမှု ရှိကြောင်း စုံစမ်းသိရသည်။
နမ့်ခမ်းမြို့နယ် ယမန်နေ့ ( ဒီဇင်ဘာလ ၁) ရက် ည ၉ နာရီကျော်တွင် စစ်ကောင်စီမှ ဂျက်ဖိုက်တာလေယာဥ်ဖြင့် ဗုံးကြဲတိုက်ခိုက်ခဲ့သဖြင့် နောင်စန့်၊ဟိုကတ်၊ကောင်းနောင်မိုရပ်ကွက်တို့တွင် ကျရောက်ပေါက်ကွဲခဲ့ပြီး အမျိုးသား ၁ ဦးထိခိုက်သေဆုံးပြီး၊ အရပ်သား ၅ ဦးထက်မည်း ထိခိုက်ဒဏ်ရာရရှိခဲ့ကာ နေအိမ်များ ပျက်စီးခဲ့ကြောင်း ဒေသခံများက သျှမ်းသံတော်ဆင့်ကို ပြောသည်။
“မနေ့ညက လေယာဉ်နဲ့ ဗုံးလာကြဲသွားတာ။အမျိုးသားတစ်ဦးက တော့ ချက်ချင်းသေသွားတယ်။ ၁ယောက်သေတယ် ၅ ယောက်လောက် ဗုံးစတွေထိသွားပြီး၂ ယောက်က စိုးရိမ်ရတယ် “ဟုဒေသခံ နမ့်ခမ်းဒေသခံ အမျိုးသားတစ်ဦးက ပြောသည်။
စစ်ကောင်စီတို့သည် တိုက်ပွဲများဖြစ်ပွားမှုမရှိ မြို့ပေါ်ရှိလူနေအိမ်များကို ပေါင် ၅၀၀ ဗုံးကြံများဖြင့် ဗုံးကြဲတိုက်ခိုက်မှုကြောင့် ပြည်သူဒေသခံများစိုးရိမ်နေရကြောင်း ပြည်သူများက ပြောသည်။
“ကျနော်တို့က မပြေးရသေးဘူး။ မြို့ထဲမှာလည်းလူတွေ မကျန်သေးဘူး။ကျနော်တို့က သူတို့ဗုံးကြဲမှာပဲကြောင့် တာ လေယာဉ်နဲ့ ဗုံးကြဲတာက အရမ်ကြမ်းတယ်။ ကျနော်တို့တောင် ဘယ်ကို ပြေးရမလဲမသိဘူး”ဟု နမ့်ခမ်းဒေသခံ အမျိုးသားတစ်ဦးက ပြောသည်။
ယနေ့ (ဒီဇင်ဘာ ၂)ရက်တွင် ညီနောင်မဟာမိတ်တပ်ပေါင်းစုများသည် စစ်အင်အား အများအပြားထပ်မံ ဖြည့်ဆည်းနေသဖြင့်နမ့်ခမ်းမြို့ပေါ် တိုက်ပွဲသည် ဆက်လက်ပြင်းထန်နိုင်ကြောင်း နမ့်ခမ်းမြို့ ဒေသခံများက ပြောဆိုနေကြသည်။
ထို့ပြင် နမ့်ခမ်းမြို့နယ်အတွင်း ဖုန်းလိုင်းနှင့် အင်တာနက်လိုင်းများလည်း ရတချက်၊ မရတချက် ဖြစ်နေပြီး ထိုမြေပြင်သတင်းအချက်အလက်ကို သျှမ်းသံတော်ဆင့်အနေဖြင့် ဆက်လက် ကောက်ယူနေသည်.
စစ်ကောင်စီ၏ ဂျက်ဖိုက်တာလေယာဉ်သည် ဒီဇင်ဘာလ ၁ ရက်နေ့ ည ၉း၁၅ မိနစ်အချိန်တွင် တံတားဦး မှထွက်ခွဲခဲ့ပြီး နမ့်ခမ်းမြို့တို့ ဗုံးကြဲတိုက်ခိုက်ခဲ့ကြောင်း Nas-နပ်စ်မှ ဖော်ပြထားပါသည်။
နမ့်ခမ်းမြို့နယ်နှင့် မူဆယ်မြို့နယ်သည် မြန်မာ-တရုတ်နယ်စပ်မြို့ဖြစ်ပြီး၊ စစ်ကောင်စီ တပ်ဖွဲ့မှ လေကြောင်းလိုင်အကြီးအကျယ်အသုံးပြုပြီး ဗုံးကြဲတိုက်ခိုက်မှု ဆက်တိုက်ပြုလုပ်နေသဖြင့် တရုတ်ပြည်ဂျယ်ဂေါင်တွင်နေထိုင်သည့် ပြည်သူများကို ရွှေလီမြို့တွင်းသို့ ရှောင်တိမ်းရန် တရုတ်အရာရှိများက အကြောင်းကြားထားကြောင်း သတင်းရရှိသည်။
ယမန်နေ့( ဒီဇင်ဘာလ ၁ ရက်နေ့) နံနက် ၈ နာရီခွဲတွင်လည်း နမ့်ခမ်းမြို့ ပေါက်နေရပ်ကွက်၊ စာရေးတန်းရပ်ကွက်၊ နမ့်ခမ်းဖောင်၊အောင်မင်္ဂလာ၊ဟိုနောင်ရပ်ကွက်တို့တွင် လေယာဉ်ဖြင့် ဗုံးကြဲ တိုက်ခိုက် မှုကြောင့် အမျိုးသမီးတစ်ဦး သေဆုံးကာ လူငယ်တစ်ဦး ဒဏ်ရာရရှိခဲ့ပြီး နေအိမ်များလည်း ပျက်စီးမှု ရှိခဲ့ကြောင်းသိရသည်။
Leave a Comments