ဖွေးထိုင်း (Pheu Thai) ပါတီ မှ ဆေထာ ထဝီးဆင် သည် ထိုင်းနိုင်ငံ (၃၀) ဦးမြောက် ဝန်ကြီးချုပ်ဖြစ်လာခဲ့ကြောင်း သတင်းရရှိသည်။
.
ယနေ့ (သြဂုတ် ၂၂) ရက် မွန်းလွဲပိုင်းတွင် ထိုင်းနိုင်ငံ အထက်လွှတ်တော်သို့ ဝန်ကြီးချုပ် ရွေးချယ်ရာမှာ သတ်မှတ်ထားသည့် မဲအရေတွက်သည် (၃၇၄) မဲ ဖြစ်ပြီး လက်ရှိမှာတော့ (၄၅၀) မဲ ကျော်လွန်နေပြီဖြစ်သည့်အတွက် ထိုင်းနိုင်ငံ (၃၀) ဦးမြောက် ဝန်ကြီးချုပ် နေရာသို့ တာဝန်ထမ်းဆောင်မည့်သူ ဖြစ်လာမည်ဟု ပြောဆိုကြသည်။
အသက် (၆၁) နှစ် ရှိပြီဖြစ်သည့် ဆေထာ ထဝီးဆင်သည် ထိုင်းနိုင်ငံ၏ နာမည်ကြီး စီးပွားရေး လုပ်ငန်းရှင် တစ်ဦးဖြစ်ကြောင်းလည်း သိရသည်။
ပြည်ပြေး ထိုင်းနိုင်ငံ ဝန်ကြီးချုပ်ဟောင်း သက်ရှင် ရှင်နဝပ်သည် ထိုင်းနိုင်ငံသို့ ဒီနေ့ သြဂုတ် (၂၂) ရက်မှာ ထိုင်းနိုင်ငံသို့ ကိုယ်ပိုင် ဂျက်လေယာဥ်ဖြင့် တရားဝင် ပြန်လည်ရောက်ရှိလာပြီး ထိုင်းနိုင်ငံ အထူးတရားရုံးမှ ထောင်ဒဏ် (၈) နှစ် ချမှတ်ခဲ့ကြောင်း သတင်းရရှိသည်။
ဖွေးထိုင်းပါတီ အစိုးရဖွဲ့နိုင်လျှင် သက်ရှင် ရှင်နဝပ် သည် လွတ်ငြိမ်းချမ်းသာခွင့် ရရှိလာနိုင်မည်ဟုလည်း သုံးသပ်မှုများ ရှိနေသည်။
မေ (၁၄) ရက်တွင် ထိုင်းနိုင်ငံ အထွေထွေရွေးကောက်ပွဲမှာ တစ်နိုင်ငံလုံး အတိုင်းအတာဖြင့် မဲအများဆုံး အနိုင်ရခဲ့သည့် Move Forward Party ခေါင်းဆောင် ဖိထား လင့်ဂျရုန်းရတ် ကို လွှတ်တော်တွင်း မဲခွဲဆုံးဖြတ်ရာမှာ သတ်မှတ်ထားတဲ့ မဲပမာဏ မပြည့်တဲ့အတွက် ဝန်ကြီးချုပ် နေရာ ရှုံးနိမ့်ခဲ့သည်။
ပြီးခဲ့သည့် ဇူလိုင် (၁၃) ရက်နေ့က ပထမအကြိမ် ဝန်ကြီးချုပ်ဖြစ်ရန်အတွက် အတွက် လွှတ်တော်မှ သတ်မှတ်ထားသည့် မဲပမာဏက (၃၇၆) မဲ ဖြစ်ပြီး လွှတ်တော်အမတ် ၇၀၀ ကျော်က ဝင်ရောက် မဲခွဲဆုံးဖြတ်ရာမှာ (၃၂၀) ကျော် သာ ထောက်ခံမဲရရှိခဲ့ပြီး ကန့်ကွက်မဲ (၁၄၈) မဲ၊ အထက်လွှတ်တော်ကိုယ်စားလှယ်မဲ (၁၂) မဲ နဲ့ ကြားနေမဲ (၁၉၈) မဲ ရှိခဲ့ပါသည်။
စစ်တပ်မှ ခန့်အပ်ထားသည့် အထက်လွှတ်တော် အမတ် (၂၅၀) ရှိခဲ့သည့်အတွက် ဖိထားအတွက် ဝန်ကြီးချုပ်ဖြစ်ရန် ရင်ဆိုင်နေရသည့် အဟန့်အတားတစ်ခုဖြစ်သည်။
ထိုင်းဘုရင်စနစ်ကို အကာအကွယ်ပေးထားသည့် ဥပဒေကို ပြင်မယ်လို့ ကြုံးဝါးထားသည့် Move Forward Party ခေါင်းဆောင် ဖိထား ကို ထိုင်းဒီမိုကရေစီစနစ်ကို ဖျက်လိုဖျက်ဆီး လုပ်နေသည်ဟုဆိုပြီး စစ်တပ်၏ အထက်လွှတ်တော်အမတ်များက စွတ်စွဲပြီး တခြားသော အမှုများနှင့် အရေးယူရန် ပြင်ဆင်ထားသည်။
ထို့အပြင် ဖိထား လင့်ဂျရုန်းရတ် ကို ဖျက်သိမ်းခံရပြီဖြစ်သည့် မီဒီယာကုမ္ပဏီ တစ်ခုမှာ အစုရှယ်ယာဝင်ထားသူဖြစ်သဖြင့် ရွေးကောက်ပွဲ စည်းကမ်းကို ဖောက်ဖျက်ခြင်း၊ ရွေးကောက်ပွဲမှာ ပါဝင်ဖို့ အရည်အချင်း မပြည့်မှီကြောင်း ဆိုပြီး အစိုးရဟောင်းအဖွဲ့က ဝိုင်းပြီး တိုင်ကြားမှုများလည်း ရှိနေပါသည်။
