Saturday, July 13, 2024

မိုးဗြဲ စစ်ရှောင်စခန်းကို စစ်ကောင်စီ လေယာဉ်ဖြင့် ဗုံးကြဲတိုက်ခိုက်

Must read

သျှမ်းပြည် တောင်ကြီးခရိုင် မိုးဗြဲမြို့ စစ်ဘေးရှောင်စခန်းတစ်ခုကို စစ်ကောင်စီက လေယာဉ်ဖြင့် ဗုံးကြဲခဲ့ကြောင်း သတင်းရရှိသည်။

စစ်ကောင်စီ ဗုံးကြဲတိုက်ခိုက်ခံရသည့်နေအိမ်

ယမန်နေ့ (မေလ ၂၃)ရက် ည ၉ နာရီခွဲဝန်းကျင်တွင် မိုးဗြဲမြို့ ရှိ စစ်ဘေးရှောင်စခန်းတည်နေရာတစ်ခုကို လေယာဉ်ဖြင့် ဗုံးကြဲတိုက်ခိုက်ခံရသည့်အတွက်ကြောင့် ပြည်သူနေအိမ် ၂ လုံးပျက်စီးသွားခဲ့ကြောင်း စစ်ဘေးရှောင် ကူညီပေးနေသူ တစ်ဦးက သျှမ်းသံတော်ဆင့်ကိုပြောသည်။

“ ပျက်စီးမှုအားလုံး အတိကျတော့ ကျနော်တို့လည်း မသိရသေးဘူး။ လောလောဆယ်တော့ နေအိမ် ၂ လုံးလောက်ပျက်စီးသွားတယ်။ မနေ့ညက လေယာဉ်နဲ့ လာပစ်သွားတာ။ ပြီးတော့ လက်နက်ကြီးနဲ့ လည်း ပစ်တယ်။ တစ်ချို့ကပြောတာတော့ လွိုင်ကော်ကနေ ပစ်တယ်လို့ပြောတယ်” ဟု မိုးဗြဲမြို့ စစ်ဘေးရှောင်များကို ကူညီပေးနေသည့်သူက ပြောသည်။

မိုးဗြဲမြို့တွင် လက်ရှိအချိန်ထိ တိုက်ပွဲဖြစ်ပွားမရှိဘဲ စစ်ကောင်စီဘက်မှ တဖက်သတ် လက်နက်ကြီးပစ်ခတ်ခြင်း၊ လေယာဉ်ဖြင့် ဗုံးကြဲတိုက်ခိုက်နေကြောင်း သိရသည်။

စစ်ကောင်စီ လေကြောင်းဗုံးကြဲတိုက်ခိုက်ခံရသည့်နေအိမ်

“ ဒီဘက်မှာတော့ တိုက်ပွဲမရှိဘူး။ ဒီမိုးဗြဲဘက်ကတော့ တိုက်ပွဲတွေ သိပ်မဖြစ်ဘူး။ သူတို့က ဒီတိုင်း စိတ်ကူးပေါက်ရင် ဝင်ပစ်တာလာတော့ မသိတော့ဘူး။ ဟိုနေ့ကလည်း ကုန်သာရွာကို ပစ်လို့ ရွာသား ၁ ဦး ထိခိုက်သွားသေးတယ်” ဟု အထက်ပါ စစ်ဘေးရှောင်ကူညီပေးနေသည့်သူက ပြောသည်။

အလားတူ ပြီးခဲ့သည့် မေလ ၂၂ ရက်နေ့တွင်လည်း မိုးဗြဲမြို့ ပီကင်းလမ်းပေါ်တွင် သားအဖ ၂ ဦး သေနတ်ပစ်ခတ်ခံရပြီး အသက် ၆၀ အရွယ် ဖခင်ဖြစ်သူ သေဆုံးသွားခဲ့ကြောင်း သိရသည်။

ယခု ၂၀၂၃ ခုနှစ် ၄ လသာကာလအတွင်း စစ်ကောင်စီက မြန်မာနိုင်ငံတစ်ဝှမ်း လေကြောင်းတိုက်ခိုက်မှု ၄၅၄ ကြိမ်ပြုလုပ်ခဲ့ပြီး အရပ်သား ၂၉၂ ဦး သေဆုံးသွားခဲ့ကြောင်း ညဏ်လင်းသစ် သုတေသနအဖွဲ့က မေလ ၂၂ ရက်နေ့တွင် ထုတ်ပြန်ထားသည်။

Leave a Comments

- Advertisement -spot_img

Latest article