သျှမ်းပြည်တောင်ပိုင်း ဟိုပုံးမြို့နယ်အတွင်း ကားတစ်စီးချောက်ထဲထိုးကျပြီး လူ ၆ ဦး ထိခိုက်ဒဏ်ရာ ရရှိခဲ့ကြောင်း စုံစမ်းသိရသည်။
ယနေ့ (ဒီဇင်ဘာလ ၂၇ )ရက် နံနက်ပိုင်းတွင် ဟိုပုံးမြို့နယ်အတွင်း ပြည်ထောင်စု ကားလမ်းမပေါ်တွင် မောင်းနှင်နေသော Light Truck ယာဉ်(၁) စီး ဘရိတ်ပေါက်ပြီး ချောင်းထဲသို့ ထိုးကျသွားကြောင်း သိရသည်။
ယာဉ်ပေါ်၌ လိုက်ပါလာသည့် ခရီးသည် စုစုပေါင်း လူ (၁၁) ဦးထဲမှ အမျိုးသား ၂ ဦးနှင့် အမျိုးသမီး ၄ ဦးတို့မှာ ထိခိုက်ဒဏ်ရာရရှိပြီး ဟိုပုံးပြည်သူ့ဆေးရုံသို့ ပို့ဆောင်ထားကြောင်းသိရသည်။
