သျှမ်းလူထုများအနေဖြင့် တစ်ဦးနှင့် တစ်ဦး အမုန်းစကားမပွားကြရန် အပြစ်တင်မီးမှောင်းထိုးမပြောရန် သျှမ်းပြည်ပြန်လည် ထူးထောင်ရေးကောင်စီ ၊ သျှမ်းပြည်တပ်မတော် RCSS/SSA ဥက္ကဌ ဗိုလ်ချုပ်ကြီး ယွက်စစ် ပြောကြားလိုက်သည်။

အဆိုပါပြောဆိုမှုသည် ထိုင်းနိုင်ငံချင်းမိုင်မြို့ ဝတ်ကူမန့်ဘုန်းကြီးကျောင်းတွင် နိုဝင်ဘာ ၂၂ရက် တွင် ပြုလုပ်သည့် သျှမ်းနှစ်သစ်ကူးပွဲတွင် တက်ရောက်ပြောဆိုခဲ့သည်။

“ကျနော်မှာကြားချင်တာကတော့ အမုန်းစကားတွေမပွားကြရန်။ အမှားကြီးနဲ့ အပြစ်တွေတွေကို မီးမှောင်းထိုးမရှာရန်။ တစ်ဦးကိုတစ်ဦးမနာလို တွေမထားကြရန်” ဟု ဗိုလ်ချုပ်ကြီး ယွက်စစ်က ပြောကြားခဲ့သည်။

ဆက်လက်ပြီး ထိုင်းနိုင်ငံရောက် ရွှေ့ပြောင်းအလုပ်သမားများအနေဖြင့် မိမိတို့ရောက်ရှိ အလုပ်လုပ်သည့် ထိုင်းနိုင်ငံ ဘုရင့်အရိပ်အောက်မှာ ရှာဖွေစားသောက်ချိန် ဘုရင့်ကိုလည်းကျေးဇူးသိတက်ဖို့လိုအပ်ကြောင်းလည်း ဗိုလ်ချုပ်ကြီး ယွက်စစ် က တိုက်တွန်းပြောဆိုလိုက်သည်။

ဆက်လက်ပြီး ထိုင်းနိုင်ငံ၏ စည်းမျဉ်း စည်းကမ်း၊ အစိုးရ နှင့် အလုပ်ရှင်များကိုလည်း သိတက်ဖို့လိုအပ်သလို သျှမ်းလူမျိုး အချင်းချင်းကြားရန်ဖြစ်တာလည်း လျော့ချဖို့ လုပ်ရမည် ဟု သူက ဆိုသည်။

RCSS/SSA ဗိုလ်မှူးကြီး ယွက်စစ်သည် စစ်ကောင်စီဥက္ကဌ ဗိုလ်ချုပ်မှူးကြီး မင်းအောင်လှိုင် နှင့် မေလ ၂၀ တွင်တစ်ကြိမ် ၊ ဩဂုတ် ၃၀ တွင်တစ်ကြိမ် နေပြည်တော်သို့ ငြိမ်းချမ်းရေးသွားရောက်ဆွေးနွေးခဲ့သည်။