Sunday, February 5, 2023

မြို့နယ်မှူးနေထိုင်သည့် ပင်းတယမြို့က ရဲစခန်းဟောင်း တိုက်ခိုက်ခံရ

Must read

သျှမ်းပြည်တောင်ပိုင်း ပင်းတယမြို့နယ်မှ လုံခြုံရေးတပ်သားများစွာ ချထားသည့် မြို့နယ်မှူး နေထိုင်ရာ ပင်းတယရဲစခန်းဟောင်း တိုက်ခိုက်ခံရကြောင်း သတင်းသိရသည်။

ပင်းတယ

ယမန်နေ့ (ဇူလိုင် ၁၁) ရက် ညနေ ၄ နာရီခွဲဝန်းကျင်တွင် ပင်းတယမြို့နယ်ရှိ ရဲစခန်းဟောင်းနေရာကို တိုက်ခိုက်ခံရကြောင်း ဒေသခံအမျိုးသားတစ်ဦးက သျှမ်းသံတော်ဆင့်ကို ပြောသည်။

“ပင်းတယမှာ ရဲစခန်းဝန်းနှစ်ခုရှိတာပေါ့နော်၊ အခုတိုက်ခိုက်ခံရတဲ့ ရွာသစ်ရပ်ကွက်၊မြို့တွင်းလမ်းမကြီးဘေး မှာရှိတယ်၊ ရဲစခန်းဝန်းထဲက သေနတ်ပစ်ခတ်သံ ငါးချက်လောက်တော့ ကြားလိုက်ရတယ်” ဟု အထက်ပါ အမျိုးသားက ပြောသည်။

ထိုပစ်ခတ်တိုက်ခိုက်မှုအပြီး ရဲစခန်းဝန်းအတွင်းမှ အရပ်ဝတ်နှင့် ရဲသားတို့က ဆိုင်ကယ်ဖြင့် မောင်းထွက် လာသည်ကို မြင်ရကြောင်းနှင့် ရဲစခန်းအတွင်း ထိခိုက် ကျဆုံးမှုများ မသိရှိရသေးကြောင်း ဒေသခံများက ပြောသည်။

အဆိုပါ ပစ်ခတ်တိုက်ခိုက်မှုသည် ကျောက်ဆည်နဂါးနီ ပြောက်ကျားတပ်ဖွဲ့ နှင့် ရွာငံပြည်သူ့ကာကွယ်ရေးတပ်ဖွဲ့ တို့က ပူးပေါင်းပြီး တိုက်ခိုက်ခဲ့ကြောင်း ၎င်းတို့ လူမှုကွန်ယက်စာမျက်နှာ Facebook Page မှ ထုတ်ပြန်ကြေညာ ထားသည်။

ပစ်ခတ်မှုဖြစ်ပွားပြီးနောက် စစ်ကောင်စီတပ်နှင့် ရဲများက မြို့ဝင်မြို့ထွက်ဂိတ်များကို ပိတ်ဆို့စစ်ဆေးခဲ့ပြီး မြို့တွင်းမှာလည်း တင်းကြပ်စွာ စစ်ဆေးခဲ့ကြောင်း သိရသည်။

Leave a Comments

- Advertisement -spot_img

Latest article