Thursday, June 20, 2024

မိုင်းယော်စစ်ရှောင်များ နေရပ်ပြန်ချိန် ရှော့တိုက်မိုင်းနင်းမိ ကလေး အပါအဝင် (၃)ဦး သေဆုံး၊ (၅)ဦး ဒဏ်ရာရ

Must read

သျှမ်းပြည်မြောက်ပိုင်း လားရှိုးမြို့နယ် မိုင်းယော်တိုက်နယ်အတွင်း စစ်ဘေးရှောင်များ နေရပ်သို့ ပြန်ချိန် ရှော့တိုက်မိုင်း နင်းမိပြီး အသက် (၅)နှစ်အရွယ် ကလေးတစ်ဦးအပါအဝင် သေဆုံးသူ (၃)ဦး၊ ဒဏ်ရာရရှိသူ (၅) ဦး ရှိခဲ့ကြောင်း စုံစမ်းသိရှိရသည်။

မိုင်းယော်စစ်ရှောင်များ နေရပ်ပြန်ချိန် ရှော့တိုက်မိုင်းနင်းမိ (Photo by CJ)

ယမန်နေ့ ဖေဖော်ဝါရီ (၁၇)ရက် နေ့လည်ပိုင်း မိုင်းယော်တိုက်နယ် ဝမ်လုံတတ်နှင့် ပန်နန်းကျေးရွာ ကြားတွင် ရှော့တိုက်မိုင်းနင်းမိပြီး (၂) ဦး ပွဲချင်းပြီးသေဆုံးကာ အသက် (၅)နှစ်အရွယ် အမျိုးသမီးငယ် တစ်ဦးက မိုင်းယော်ဆေးရုံရောက်မှ သေဆုံးသွားကြောင်း မိုင်းယော်ဒေသခံ တစ်ဦးက ပြောသည်။

“သူတို့ စစ်ရှောင်ပြီး အိမ်အပြန်မှာ ရှော့တိုက်မိုင်းမိတာ။ အားလုံး မိန်းကလေးတွေပဲ။ ယောကျာ်းလေး တစ်ယောက်ပဲပါတယ်” ဟု မိုင်းယော်ဒေသခံ အသက် ၄၀ ကျော် အမျိုးသားတစ်ဦးက ပြောသည်။

မိုင်းယော်စစ်ရှောင်များ နေရပ်ပြန်ချိန် ရှော့တိုက်မိုင်းနင်းမိ (Photo by CJ)

ထိခိုက်ဒဏ်ရာ ရရှိသူ (၅)ဦးသည် လားရှိုးဆေးရုံသို့ ဆေးကုသရန် ပို့ဆောင်ထားကြောင်း မိုင်းယော်ဒေသခံက ထပ်လောင်းပြောသည်။

“ဒဏ်ရာ ပြင်းထန်တဲ့သူ (၅)ယောက်ကိုတော့ လားရှိုးဆေးရုံကို ပို့ဆောင်ထားပြီ။ ခြေထောက်တွေ၊ ဝမ်းဗိုက်တွေမှာ ထိခိုက်ဒဏ်ရာ ရထားကြတယ်။ ဘယ်လက်နက်ကိုင်အဖွဲ့က ထောင်ထားတဲ့ ရှော့တိုက်မိုင်းလဲတော့ မသိဘူး” ဟု မိုင်းယော်ဒေသခံ အမျိုးသားက ဆိုသည်။

မိုင်းယော်စစ်ရှောင်များ နေရပ်ပြန်ချိန် ရှော့တိုက်မိုင်းနင်းမိ (Photo by CJ)

မိုင်းယော်တိုက်နယ်အတွင်း မြောက်ပိုင်းမဟာမိတ်နှင့် စစ်ကောင်စီ တို့ကြား တိုက်ပွဲတင်းမာမှုများရှိသောကြောင့် ပန်သပြေကျေးရွာအုပ်စုနှင့် လွယ်စက်တော်ကျေးရွာအုပ်စု တို့က ဒေသခံများ မိုင်းယော်စျေးထဲသို့ ထွက်ပြေးတိမ်းရှောင်လာခဲ့ကြောင်း သိရသည်။

မိုင်းယော်တိုက်နယ်အတွင်း စစ်ကောင်စီလက်နက်ကိုင်အပါအဝင် တိုင်းရင်းသားလက်နက်ကိုင်များဖြစ်ကြသော ကချင်လွတ်မြောက်ရေးတပ်မတော် (KIA)၊ တအာင်း(ပလောင်) လွတ်မြောက်ရေးတပ်မတော် (TNLA)၊ ကိုးကန့်တပ်မတော် (MNDAA ) နှင့် သျှမ်းပြည်တိုးတက်ရေးပါတီ၊ သျှမ်းပြည်တပ်မတော် (SSPP/SSA) တို့ လှုပ်ရှားရာနယ်မြေများ ဖြစ်ကြသည်။

Leave a Comments

- Advertisement -spot_img

Latest article