သျှမ်းပြည်တောင်ပိုင်း ရပ်စောက်မြို့ နယ် အတွင်း တိုင်းရင်းသားလက်နက်ကိုင် အချင်းချင်း စစ်ရေးတင်းမာနေသေးသဖြင့် ကျိုင်းခမ်းဒေသခံများက တိုက်ပွဲဖြစ်လာမည်ကို စိုးရိမ်စိတ်ကြောင့် ကြိုတင် စစ်ရှောင်နေရကြောင်း စုံစမ်းသိရသည်။
ယမန်နေ့ ဖေဖော်ဝါရီ (၉) ရက်တွင် ကျောက်ဂူကျေးရွာအနီး တိုင်းရင်းသားလက်နက်ကိုင် အချင်းချင်း တိုက်ပွဲပြင်းထန်ခဲ့ပြီး လက်နက်ကြီးသည် ပွဲရုံများကို ထိမှန်ခဲ့သဖြင့် မီးလောင်ပျက်စီးခဲ့ကြောင်း သတင်းရရှိသည်။
ထို့ကြောင့် ရပ်စောက်မြို့နယ် ကျိုင်းခမ်းကျေးရွာအုပ်စုအတွင်း စစ်မီးကူးစက်လာမည်ကို စိုးရိမ်သဖြင့် ကျိုင်းခမ်းဒေသခံများက ကြိုတင် စစ်ရှောင်နေကြောင်း သိရသည်။
ယမန်နေ့ ဖေဖော်ဝါရီ (၉)ရက်က ကျောက်ဂူကျေးရွာအနီး တိုင်းရင်းသားလက်နက်ကိုင် အချင်းချင်း တိုက်ပွဲပြင်းထန်ခဲ့ပြီး ပွဲရုံများကိုလည်း လက်နက်ကြီး ထိမှန်ခဲ့သဖြင့် မီးလောင်ပျက်စီးခဲ့ကြောင်း သတင်းရရှိသည်။
“ကျနော်တို့ ရွာမှာ လက်နက်သံတွေတော့ မကြားရဘူး။ မနေ့က ကျောက်ဂူ၊ အင်တောဘက် တိုက်ပွဲတွေဖြစ်လို့ ကျနော်တို့နဲ့ တအားနီးနေပြီပေါ့။ ဒီနေ့မှာတော့ ဒေသခံ ပြည်သူတွေလဲ ကြိုတင်ပြီး ထွက်ပြေးတိမ်းရှောင်ထားတယ်။ စစ်တပ်က သူတို့ မိသားစု အသိုင်းအဝိုင်းတွေ ကြိုတင်ရှောင်ထားခိုင်းတယ်။ ဖြစ်လာရင် မထွက်ပြေးနိုင်မှာ ကြောက်တယ်ဆိုပြီး ပြောကြတယ်။ ကြိုတင် သတိထားဖို့” ဟု ကျိုင်းခမ်း ဒေသခံ အမျိုးသား တစ်ဦးက ပြောသည်။
ကျောက်ဂူတိုက်နယ်နှင့် ကျိုင်းခမ်းကျေးရွာအုပ်စုသည် မိုင်အားဖြင့် (၄၀)မိုင်ခန့်သာရှိပြီး မော်တော်ကားဖြင့် သွားလျှင် (၁)နာရီခွဲခန့်သာ ကြာမြင့်ကြောင်း ဒေသခံများက ပြောဆိုကြသည်။
“ပြောရမယ်ဆိုရင် အခု အများစု ထွက်ပြေးတိမ်းရှောင်နေပြီ။ ရွာလဲ တိတ်ဆိတ်နေပြီ။ အိမ်စောင့်တဲ့သူတွေပဲ ကျန်တော့တယ်။ မနေ့က ဖြစ်တဲ့ တိုက်ပွဲကတော့ ကျနော်တို့ ဒေသမှာတော့ မကြားရဘူး။ အဲ့လို သတင်းကြားလို့ ဒေသခံတွေ ကြိုတင်တိမ်းရှောင်ကြတာ” ဟု ကျိုင်းခမ်းဒေသခံ တစ်ဦးက ပြောသည်။
ပြီးခဲ့သည့် ဖေဖော်ဝါရီ (၄)ရက်နေ့ကစပြီး သျှမ်းပြည်တောင်ပိုင်း ရပ်စောက်မြို့နယ်အတွင်း မြောက်ပိုင်းမဟာမိတ် နှင့် RCSS တို့ တိုက်ပွဲဖြစ်ပွားမှုကြောင့် ဒေသခံများ စိုးရိမ်ထိတ်လန့်နေကြကြောင်း သိရှိရသည်။
“တိုက်ပွဲက မိုင်းကိုင်မြို့နယ်ထဲလည်း ဖြစ်တယ်။ မိုင်းကိုင်အနောက်ဘက် ကျောက်ဂူ၊ အင်တော၊ ရပ်စောက်ဘက်မှာလည်း ဖြစ်တယ်။ ကျောက်မဲ နဲ့ သီပေါဘက်မှာလည်း ဖြစ်တယ်ဆိုတော့ စစ်မျက်နှာက ကျယ်ပြန့်တယ်လေ။ ကျနော်တို့ အသေးစိတ်မသိရဘူးခင်ဗျာ” ဟု RCSS ၏ အတွင်းရေးမှူး ဒု ဗိုလ်မှူး ခမ်းစံ က ပြောသည်။
ထိုတိုက်ပွဲအတွင်း ပစ်ခတ်ကြသည့် လက်နက်ကြီးကျည်များကြောင့် ဆောက်လုပ်ဆဲ ဘုန်းကြီးကျောင်းနှင့် ပွဲရုံကို ထိမှန်ခဲ့သည့်အပြင် စကစ မှ လေကြောင်းလိုင်းဖြင့် လာရောက် ပစ်ခတ်ခြင်းများလည်း ရှိခဲ့ကြောင်း သိရသည်။
ရပ်စောက်မြို့သည် တပ်မတော် (ကြည်း) ဗိုလ်သင်တန်းကျောင်း တည်ရှိရာမြို့ဖြစ်ပြီး သင်တန်းကျောင်းများ နှင့် ခြေလျင် တိုက်ခိုက်ရေး တပ်များ၊ လက်ရုံး ဝန်ထမ်းတပ်များ အခြေစိုက်နေရာ နေရာတစ်ခု ဖြစ်သည်။ ရပ်စောက်မြို့ နှင့် ကျိုင်းခမ်းကျေးရွာအုပ်စုသည် မိုင် (၃၀)ခန့်သာ အကွာအဝေးရှိကြောင်း သိရှိရသည်။
Leave a Comments