နမ့်လန်မြို့နယ်အတွင်း နေအိမ်တစ်လုံးမီးလောင်

0

သျှမ်းပြည် မြောက်ပိုင်း နမ့်လန်မြို့နယ် အတွင်းရှိ ဝမ်မွမ်းကျေးရွာတွင် နေအိမ်တစ်လုံး မီးလောင်ကျွမ်းမှု ဖြစ်ပွားခဲ့ကြောင်း သတင်းသိရသည်။

ယနေ့ အောက်တိုဘာလ ၁၂ ရက်နေ့ နေ့လည် ၁၂ ရက်နေ့ ဝန်းကျင်တွင် နမ့်လန်မြို့နှင့် ၅ မိုင်ခန့်ကွာဝေး သည့် ဝမ်မွမ်းကျေးရွာတွင် နေအိမ်တစ်လုံးကို မီလောင်ကျွမ်းမှုဖြစ်ပွားခဲ့ပြီး တစ်အိမ်လုံး မီးထဲ ပါသွားကြောင်း ဒေသခံ တစ်ဦးက သျှမ်းသံတော်ဆင့်ကို ပြောသည်။

“ဘာကြောင့်မီးလောင်ရတာလဲတော့ မသိရသေးပါဘူး၊ တစ်အိမ်လုံးက မီးထဲ ပါသွားတယ်၊ ဘာပစ္စည်းမှ မရ လိုက်ဘူး၊ လူနဲ့ တိရိစ္ဆာန်ထိခိုက်မှုတော့ မရှိပါဘူး”ဟု ဒေသခံတစ်ဦးက သျှမ်းသံတော်ဆင့်ကို ပြောသည်။

အဆိုပါ နေအိမ်မီးလောင်မှုအကြောင်းရင်းကို စုံစမ်းနေလျက်ရှိပြီး မီးသတ်တပ်ဖွဲ့နှင့် အဖြူစင် နှလုံးသား လူမှုကူညီရေးအသင်းတို့က လာရောက်ပြီး ကူညီမီးငြိမ်းသတ်ခဲ့ကြောင်းလည်း သတင်းသိရသည်။

ဝမ်မွမ်းကျေးရွာသည် နမ့်လန်မြို့နှင့် ၅ မိုင်ခန့်ကွာဝေးပြီး လျှပ်စစ်မီးမရရှိသေးသည့် ကျေးရွာဖြစ်သည့် အတွက် လျှပ်စစ်ဝါယာကြိုးမှ တခြားသော နေရာ အိမ်များကို ကူးစက်ခြင်းမရှိသော်လည်း မီးလောင်ကျွမ်းသည့် နေအိမ်မှ ဆုံးရှုံးမှု ပမာဏများကိုလည်း မသိရသေးကြောင်းသိရသည်။

Leave a Comments