မြန်မာ – တရုတ်နယ်စပ် တရုတ်နိုင်ငံ ဂျယ်ဂေါင်နှင့် ရွှေလီမြို့ ရှိ မြန်မာလုပ်သား (၂၅၀၀) ခန့်သည် မြန်မာနိုင်ငံသို့ ပြန်ဝင်လာခဲ့ကြောင်း စုံစမ်းသိရှိရသည်။
အဆိုပါ မြန်မာလုပ်သား (၂၅၀၀) ခန့်သည် ရွှေလီမြို့ရှိ အလုပ်များကို (၆) လအကြာ ပိတ်ထားမှာဖြစ်ပြီး ဇူလိုင် (၂၆) ရက်မှ ယနေ့ သြဂုတ် (၅) ရက်ထိ တရုတ်နိုင်ငံ ဂျယ်ဂေါင်မြို့မှ ပြန်လာကြသည့် မြန်မာလုပ်သား (၂၅၀၀) ခန့်ရှိကြောင်း သတင်းရရှိသည်။
“ခုရက်ပိုင်း ရွှေနန်းတော်ဂိတ် မှာမြန်မာပြည်ကို ပြန်မယ့်သူ (၃၀၀) လောက်ရှိတယ်။ တရားဝင် ပြန်လာတဲ့သူတွေပေါ့။ တစ်ချို့ကလည်း ကိုဗစ်-၁၉ ကြောင့် အလုပ်မဖြစ်လို့ ပြန်ထွက်လာကြတာ တွေလည်း ရှိတယ်” ဟု မူဆယ် ကားဆရာ တစ်ဦး က သျှမ်းသံတော်ဆင့် ကိုပြောသည်။
တရုတ်နိုင်ငံအတွင်း မြန်မာနှင့် နယ်စပ်တွင်လည်း ကိုဗစ်-၁၉ ကူးစက်ထားသူများကို တွေ့ရသဖြင့် ရွှေလီမြို့ကို သြဂုတ် (၃) ရက်နေ့က စပြီး Lockdown သတ်မှတ်ထားကြောင်း စုံစမ်းသိရှိရသည်။
“ထွက်လာတဲ့သူတွေအများစုက ပိုက်ဆံမရှိဘူး။ ရှိတဲ့ပစ္စည်းတွေ ရောင်းပြီး ထွက်လာကြတာတွေလည်းရှိတယ်။ ဒီရောက်တော့ သက်ဆိုင်ရာ တာဝန်ရှိသူတွေက ကားခတွေ အများကြီး ယူပြီး ပို့ပေးတယ်”ဟု တရုတ်ပြည်မှာ အလုပ်သွားလုပ်သည့် မြန်မာလုပ်သားတစ်ဦး ကပြောသည်။
အဆိုပါ ပြန်ထွက်လာသူအများဆုံးသည် ရခိုင်ပြည်နယ်ဘက်က ဒေသခံများ၊ ပခုက္ကူဘက်က ဒေသခံများ ဖြစ်ကြကြောင်း သိရှိရသည်။
တရုတ်နိုင်ငံအတွင်း မြန်မာနှင့်နယ်စပ်တွင်လည်း COVID 19 ကူးစက်ထားသူများကို တွေ့ရသဖြင့် ရွှေလီမြို့ကို ဩဂုတ်လ (၃) ရက်နေ့မှစ၍ Lockdown သတ်မှတ်ထားကြောင်း သိရသည်။
