သျှမ်းပြည်တောင်ပိုင်း ကျေးသီးမြို့နယ်အတွင်း သျှမ်းတပ် (၂) တပ်က တိုက်ပွဲပြင်းထန်းမှုကြောင့် ယနေ့ ဇူလိုင် ၅ ရက်နေ့ထိ စစ်ဘေးရှောင် (၃၀၀၀) ကျော်ထိရှိလာကြောင်း စုံစမ်းသိရှိရသည်။
ကျေးသီးမြို့နယ် အတွင်းစစ်ဘေးရှောင် (၃၀၀၀)ကျော်ရှိလာသည့်အတွက် ဘုန်းကြီးကျောင်းတွင်နေထိုင်ရန် ခက်ခဲလာကြသဖြင့် တချို့ ကျေးသီးမြို့ပေါ်ရှိ ဆွေမျိုးများနေအိမ်သို့သွားရောက်နေထိုင်ကြကြောင်း စစ်ဘေးရှောင် ကူညီပေးနေသည့် အမျိုးသားတစ်ဦးက သျှမ်းသံတော်ဆင့်ကို ပြောသည်။
“ စစ်ရှောင်တွေက ၃၀၅၀ ထိရှိလာပြီး။ ဘုန်းကြီးကျောင်းမှာ ခိုလှုံတဲ့သူတွေပါ ၃၀၅၀ ဆိုတာ။ တစ်ချို့လဲ မြိုထဲမှာ ဆွေမျိုးတွေနဲသွားနေတာရှိတယ်” ဟု စစ်ဘေရှောင်ကူညီပေးနေသည့် ပြည်သူတစ်ဦးကပြောသည်။
လက်ရှိတွင် စစ်ဘေးရှောင်များက နောင်ဆွမ်းကျောင်း (၁၃၃၃) ဦး၊ ဟော်ကျောင်း (၂၄၈) ဦး၊ မြို့ဦးကျောင်း (၂၈၇) ဦး၊ မိုင်းနင် (၁၁၆) ဦး၊ လွိုင်ဆိုင် (၁၉၀)ဦး၊ ကုန်းဆာ (၁၇၃) ဦး၊ နှစ်မိုင်( ၁၈၉) ဦး၊ နောင်ဝိုး ( ၄၆၀) ဦး နှင့် ဝမ်ပန် (၅၃ ) ဦးထိရှိကြောင်းသိရသည်။
လက်ရှိမှာ သျှမ်းပြည်တဝှမ်းတွင် ကိုဗစ်-၁၉ ကူးစက်မှုနှုန်းမြင့်တက်လာသည့်အတွက် စစ်ဘေးရှောင်များက ကိုဗစ်-၁၉ ကူးစက်ခံရမည်ကို စိုးရိမ်ကြောက်လန့်နေကြောင်းလည်း သတင်းရရှိသည်။
“ စိုးရိမ်းရတယ်။ အခုက ကိုဗစ် လည်း ဖြစ်တော့ပိုပြီးစိုးရိမ်းရတယ်။ တစ်ယောက်ကူးမိရင် ကျန်တဲ့ လူတွေကို အကုန်လုံးကူးမိမှာ။ တစ်ယောက်ထဲနေတာမဟုတ်ဘူး။ အဲကြောင့်ပိုပြီး စိုးရိမ်စိတ်ရတယ်” ဟု ကျေးသီးမြို့တွင် စစ်ဘေးရှောင်ကူညီးပေးနေသည့် ပြည်သူတစ်ဦးက ပြောသည်။
ထို့ပြင် လက်ရှိအချိန်ကာလသည် မိုးရာသီဖြစ်သည့်အလျောက် တုတ်ကွေးရောဂါများဖြစ်ပွားလျက်ရှိပြီး ဆရာဝန်များ အလုံလောက်မရှိကြောင် လည်း စစ်ရှောင်ကူညီသူများပြောသည်။
“ ဆရာမတွေတော့ ရှိတယ်။ ကြာကြာတစ်ခါလာကြည့်ပြီးတော့ ပြန်သွားကြတယ်။ ဆရာဝန်တွေလဲ အလုံလောက်မရှိဘူး။ ဆေးပစ္စည်တွေကောပေါ့” ဟု ၎င်း ကဆိုသည်။
ကျေးသီးမြို့နယ် အတွင်း စစ်ဘေးရှောင်များ လာသည့်အတွက် စစ်ရှောင်များသည် ဘုန်းကြီးကျောင်း ပတ်ဝန်းကျင်ဘေးတွင် တဲတိုးပြီး နေထိုင်နေရကြောင်း သိရသည်။
“ သူတို့တွေက တဲထိုး၊ မိုးကာတွေနဲ့ ဘေးပတ်လည်တွေကို ကာပြီးနေထိုင်ကြရတာဘဲလေ။ ခြင်းထောင်လဲမရှိကြဘူး။ အခုကာလက ရာသီတုတ်ကွေးဆိုတော့ ကြောက်နေရတယ် ” ဟု စစ်ဘေးရှောင်ကူညီးပေးသည့် သူတစ်ဦးက ပြောသည်။
စစ်ဘေးရှောင်းများနေထိုင်နေသည့် ကျောင်းတစ်ကျောင်းတွင် ဆရာဝန် ၂ ဦးသာရှိကြောင်းသိရသည်။
စစ်ဘေးရှောင်ပြည်သူများအနေဖြင့် သျှမ်းစစ်တပ် ၂ တပ် တိုက်ပွဲဖြစ်ပွားမှုကို အမြန်ဆုံး ရပ်တန့်ပေးရန်အတွက် တောင်းဆိုလိုက်သည်။
သို့သော် သျှမ်းစစ်တပ် (၂) ဖြစ်သည့် သျှမ်းပြည်ပြန်လှည်ထူထောင်ရေးကောင်စီ RCSS နှင့် သျှမ်းပြည်တိုးတက်ရေးပါတီ SSPP တို့အနေဖြင့် ကျေးသီးမြို့နယ် လွိုင်ဟွန်း တောင်ကြောတိုက်ပွဲကို နောက်ဆုတ်မည်မဟုတ်ကြောင်း သျှမ်းသံတော်ဆင့်ကို ဖြေကြားခဲ့ဖူးသည်။
Leave a Comments